لو سمحت ؟؟؟؟ إركن فى مكان تانى

[momen_bondok]

المشاركة الأصلية كتبت بواسطة AMMI الموقف ده بيواجهنى كتير لدرجة ان واحد من الجيران جه يقولى انت راكن مكانى فقولتله انا جيت لقيت المكان فاضى مش معقوله اسيبه واروح اركن بعيد ( طبعا بعد ما اديته اللى فيه النصيب ) علشان مبحبش ان اللى بيهرتل مع العلم لو حصل وسيبته بتيجى عربيات غريبه عن الشارع وبتركن عادى. وده خلانى اتريق علطول على اى حد يتكلم على ان الناس لبعضها وجدعنة ولاد البلد والكلام الفاضى ده. اللى حضرتك عملتة هو الصح انا عندى فى العمارة جراج كل ما اجى اركن تحت العمارة اللى ماسك الجراج يسئلنى اذا كنت هتاخر ولا حاجة طبعا بديلة اللى فية النصيب (من الكلام) دة طبعا علشان البية عامل الجراج مش مكفية الجراج كمان واخذ الحارة اللى تحت العمارة لحسابة وفى مرة رجع العربية للخلف بعربية تانية وانا كنت باصص من الشباك نزل ضبطة وفهمتة ان المكان دة مش من حقة علشان ياخذة فتونة .... طبعا موضوع الجراج دة عايز مجلدات للكلام عنة الحل ان المفروض بعد الثوره ما حصلا تحصل ثوره فى فكر الناس. والناس تحترم بعضها ويعرفوا ان ده ضد الدين والقانون. والحل الأخر ان يتم نقل جميع الورش خارج الكتله السكنيه وليكن عن طريق تخصيص شارعين بهم محلات وتكون كل منطقه بها مكان خاص للورش مثل الحرفيين. وذلك لأن عدم وجود ركنات من ضمن اسبابه وجود الورش والتى تحجز اماكن لعربيتين وتلاته وتفضل فاتحه لفترات متأخره من الليل حتى لو لم يوجد شغل عندهم ( عاملانها قهوه ) حل ممتاز ونتمنى من القائمين على الامر تنفيذه

الرد فى الاقتباس

[momen_bondok]

المشاركة الأصلية كتبت بواسطة تامر ديزل اللي حضرتك عملته هوا الصح لان الناس بقت حاجه صعبه جدا عن نفسي المشكله دي مش بتواجهني كتير ف دمياط الا في دمياط القديمه لان شوارعها زحمه وضيقه ومليانه عربيات لكن لما بيحصل بعمل زي حضرتك بالظبط ولابسال في اي محل او عربيه جايه ... بس دي مش فتونه يعني ... دي من الزهق لاني لو طاوعتهم كلهم هفضل الف بالعربيه ساعات لحد ما مكان يفضى وتصدف انه ميكونش ليه واحد حاجزه

طبعا حضرتك نورت الموضوع والله يا استاذ تامر

هو فعلا الموضوع مش فتونة بس زهق فعلا ودة نتيجة جعل الناس بالدين والقانون والاخلاق

انا مثلا المكان اللى راكن فية دلوقتى بعيد عن البيت جدا ودة بسبب ان الصنية او الميدان الداخلى اللى بركن عندة فية جماعة ميكانيكة وبتوع العربيات الهوندا اللى مسيطرين علية واول ما مكان يفضى بيسدوة بعربية بالعرض لغاية ما ييجى البية اللى عايزينة يركن

يعنى مثلا هحكى لحضرتك موقف صغير كنت فى يوم فى عملى لقيت ابن عمى بيتصل بيا بيقولى انت فين قلت لية فى الشغل قالى اول ما تيجى تشيل العربية من المكان اللى انت راكنها فية علشان المكان دة بتاع العربيات الهوندا (الربع نقل) بدل ما يعملو فيها حاجة قلت لية احنا عايشين فى غابة ولا اية قالى بص يا مؤمن لو خايف على العربية انقلها من مكانها (حسبى الله ونعم الوكيل)

جزاك الله خيرا على المشاركة

[HaMaDa-ToUBaR]

المشاركة الأصلية كتبت بواسطة momen_bondok الرد فى الاقتباس

ما هو يا سيدى الفاضل ياكدة يا اما هشد معاة فى الكلام وهنمسك فى بعض وواحد فينا يتعور او يا سيدى قدر ان لما شافنى شديت معاه سكت وكبر دماغة .. ورجعت ولقيت الازاز محدوف بطوبة ولما متخربشة من اولها لاخرها ولا علامة مسروقة

يبقى انا كدة استافدت اية فى الحالتين ؟؟؟

بعدين والله زى ما قولتلك احنا مشكلتنا انهاردة فى مصر ان اغلب الناس بقت وخدها فتونة ومفقتدة للذوق وكل واحد بقى ع تكة ومستعد يتشاكل ويرفع السلاح فى اى لحظة والناس مخنوقة ومش طايقة بعضها

طيب ولية كل دة لو كل واحد هدى وفكر بالعقل وبالراحة والاصول هتلاقى الامور مشت وكلة زى الفل .. وانا ياما اتعاملت مع ناس كتير اقفال وطريقة كلامهم تكسر الجبل بس الحمد الله بالهدوء وباسلوبى فى الكلام والادب خليتة يقولى انت عاوز اية وانا اعملهولك

يا سيدى وربنا ما يوقعنا ابدا فى اى مشاكل مع حد ويعدى ايامنا ع خير ان شاء الله

[crime]

انا بصراحه من كتر الارف بتاع ده مكانى وفيه عربيه جايه
ريحت دماغى وبقيت اركنها ف جراج
منى بحميها من السرقه ومنها بشترى دماغى

[amrjemy]

اكتر حاجه بتدايقنى هو كلام البهوات بتوع المحلات أل يعنى العربية اللى واقفة ادام المحل هتحجب الفاترينة والناس ماتشتريش منهم مايعرفوش ان الارزاق فى يد الله لكن بالنسبة للناس الى عندها جراشات ادام البيت اعتقد مش من اصول الذوق ان واحد يجي يركن عربيته ادام باب الجراش وهو عارف انه جراش اظن من حق صاحب البيت ان يحرج بعربيته فى اى وقت وخاصة لو كان فى شغل صباح باكر ولا واحد افندى محترم مبيت العربية ادام الجراش دى موقف صعب جدا