تيل الفرامل الخلفى يتغير ولا !!

[saleh samir]

المشاركة الأصلية كتبت بواسطة mr_astra اشكرك على ثقتك الفرق بين ملى التيل وتغييرة التيير بتروح تشترى طقم تيل خلفى بيجى بالحديد وعلية تيل الفرامل (المادة اللى بتشتغلى على الطنبورة ) ودة بيجى جديد وتمنة اغلى من الملىء اما ملو التيل الخلفى لة طرقتين اما انك تملاة عند متخصص فرامل ودبرياج بيشيل التيل القديم ويركب تيل جديد والخامات المتوفرة التركى والاسبانى والايطالى وكمان موجود تخانات مختلفة من اول 4 ملى الى 7 ملى وبيركب التيل على الحديد ببرشام بس الطريقة دى انا مش بحبها لانك مش بتستفاد من السمك الكلى لمادة التيل نظرا لوجود برشام يعنى لو التيل اللى هاتركبة سمكنة 6 ملى وعملتة بنظام البرشام هاتستفاد من حوالى 3 ملى فقط اما لو عملت ملىء للتيل بنظام اللصق فهو اغلى فى السعر ولكن عمرة اطول الضعف من نظام البرشام فخليك فى اللصق افضل والسمك اللى هاتملى بية التيل بيحددة الفرملجى بالاعتماد على حالة الطنابير عندك يعنى لو الطنابير فيها ريجة وهاتاخد منا وش خفيف على المخرطة هنا هايطلب منك انك تملى التيل بخامة مثلا 6 ملى اما لو حالة الطنابير كويسة والتخانة لسة زى ما هى فممكن تملى التيل بسمك 4 ملى مثلا ونصيحة طالما هاتفك عجلتين ورا وهاتملى التيل غير بالمرة جلد بستم خلفى بتاع المساتر الخلفية وفى حركة كدة بتتعمل فى المساتر الخلفية بتزود كفائة الفرامل بس اما اشوف مدى استجابتك للكلام

انا فهمت حضرتك تمام وفعلا من الكلام طريقة الملئ أحسن من التغيير .. والموضوع كلو عبارة عن مادة بتتأكل مع الوقت ليها سمك معين الفرملجى بيحددو ع حسب حالة الطنابير عندى صح كده

[saleh samir]

المشاركة الأصلية كتبت بواسطة mr_astra ونصيحة طالما هاتفك عجلتين ورا وهاتملى التيل غير بالمرة جلد بستم خلفى بتاع المساتر الخلفية وفى حركة كدة بتتعمل فى المساتر الخلفية بتزود كفائة الفرامل بس اما اشوف مدى استجابتك للكلام

اول مره بصراحة اسمع عن حاجة اسمها جلد بستم خلفى بس ان شاء الله هغيرو بردو .. والحركة دى هل الصنايعى هوا اللى هيعملها ولا سر المفروض انا اللى اعملو
وآسف للاطالة ع حضرتك

[mr_astra]

لالا ابدا مش سر ولا حاجة
نقفل بس النقطة الاولى وبعدين نقول الحركة اللى بتتعمل
جلد الماستر الخلفى
طبعا كل عجلة فيها ماستر فرعى بياخد الضغط بتاعة من الماستر العمومى عن طريق مواسير نحاس
وبيحول الضغط اللى واصلة او بيعلى الضغط اللى واصلة (يعتبر بوستر) لتيل الفرمال
وطبعا بما انه ماستر بوستر لازم يكون راكب جواة جلد ماستر بيتحرك جوة شميز
الجلد دة بقى انا بقترح عليك تغيرة بالمرة طالما فكيت العجلتين

الرحركة بقى اللى بتتعمل
انة بيقص البستم بتاع الماستر الفرعى على المخرطة وبيركب جلد مقفول على نهايات البستم
يعنى بدل ما الزيت بيشتغل على وسط معدنى( جسم البستم) لا بيشتغل على وسط مطاطى اللى هو الجلد المقفول الى هايركب فى التعديل
والحركة دى بتخلى الفرامل الخلفية افضل بكتير

[saleh samir]

المشاركة الأصلية كتبت بواسطة mr_astra لالا ابدا مش سر ولا حاجة نقفل بس النقطة الاولى وبعدين نقول الحركة اللى بتتعمل جلد الماستر الخلفى طبعا كل عجلة فيها ماستر فرعى بياخد الضغط بتاعة من الماستر العمومى عن طريق مواسير نحاس وبيحول الضغط اللى واصلة او بيعلى الضغط اللى واصلة (يعتبر بوستر) لتيل الفرمال وطبعا بما انه ماستر بوستر لازم يكون راكب جواة جلد ماستر بيتحرك جوة شميز الجلد دة بقى انا بقترح عليك تغيرة بالمرة طالما فكيت العجلتين الرحركة بقى اللى بتتعمل انة بيقص البستم بتاع الماستر الفرعى على المخرطة وبيركب جلد مقفول على نهايات البستم يعنى بدل ما الزيت بيشتغل على وسط معدنى( جسم البستم) لا بيشتغل على وسط مطاطى اللى هو الجلد المقفول الى هايركب فى التعديل والحركة دى بتخلى الفرامل الخلفية افضل بكتير

جزاك الله خيرا ع مجهودك معايا

[ahmad kandil]

مشكككككككككككككككوووووووو وووووووووور