أنواع السائقين من خلال تصرفاتهم وقت القياده

[عماد ابو شوشة]

القيادة فن وذوق واخلاق وياريت نلتزم كلنا بالصبر فى الطريق وبلاش نرمى الدلكسيون يمين او شمال قبل النظر فى المراة وشكرا

[crime]

جزاك الله كل خير انت منستش حاجه يا باشا

[الصقر_الجارح]

والله يا استاذ سمير السواقة عايزة ان الواحد تكون أعصابه هادية وميهموش حاجة عشان ميبقاش سايق على أعصابه, وفي نفس الوقت يكون مركز ومنتبه للطريق ولا يتعدى على حقوق الاخرين.

ده مبدأي في السواقة, أنا عن نفسي غالبا لما بسوق بقفل السنتر والأربع شبابيك وبشغل التكيف لو الدنيا حر وبشغل الكاسيت واللي عايز يضرب كلاكس يضرب واللي يزعق يزعق و...الخ مع نفسو لأني لو ركزت معاهم هفقد أعصابي بسرعة وممكن اتخانق.

للأسف لما كنت شاري العربية جديدة كنت رايح أزور واحد صحبي في امبابة-القومية والحتة دي دايما تكون زحمة ومفيهاش مرور وفضى, المهم طبعا العربية لسا جديدة بتلمع ونا ماشي واحد من بتوع الموتسكلات(ربنا يريحنا منهم) قام طلعلي مرة واحدة معرفش منين قدامي ونا ماشي بسرعة(لأن الدنيا كانت فاضية على الصبح يوم العيد الكبير) وفضلت ماسك فرملة لأني كنت هشيله هوا الموتوسيكل المهم هو من الخضة قام وقع وقام من على الأرض بسرعة وطلع يجري ونا كان خلاص فاضلي كام سنتي وأدوس على الموتوسيكل, المهم هو اتكسرت عندو المراية وحاجات بسيطة كده لاتذكر, وقولنا الحمد لله على السلامة وكل واحد يروح لحالو, لسا بقول كده واتفاجئ بواحد سايق توك توك(ربنا يخدهم) قام لابس في العربية من ورا أنا قولت خلاص العربية اتدمرت من ورا المهم الحمد لله الإكصدام سليم وكل حاجة بس شالي حتة بوية كبيرة من الإكصدام أنا بقى من الصدمة لما سمعت صوت الخبطة وشوفت البوية اللي اتشالت(ااااااااه العربية كان لسا بقالها 15 يوم حسبي الله ونعم الوكيل) شديت معاه شوية وكان معايا صحبي ده وابن خالتي وقعد يقولي خلاص يا بيه ومعرفش ايه المهم انا كان في نيّتي اخد العربية وأمشي واستعوض ربنا على الخبطة دي وأرش الإكصدام مش مشكلة(كنت سامع إن الإكصدام بيترش عادي بدون مشاكل يعني ميقللش من تمن العربية) المهم لقيتو بدا يطول لسانه وراح شاتمني شتيمة بالأم مدريتش بنفسي إلا ونا نازل ضرب على وشو وكنت حالف ما هسبيو لحد ما لقيت الناس كلها اتلمت علينا وحاشوني عنه وقعدو يقولوي خلاص ياباشا النهارده عيد وكل سنة وانت طيب ومعرفش ايه المهم انا لسا كنت متنرفذ والواد كان خايف وكان بيبجح في الكلام بس مقدرش يشتم تاني المهم صليت على النبي وابن خالتي وصاحبي قعدو يقولوي اخزي الشيطان واركب العربية وفعلا ركبت العربية ورجعت على البيت(احنا كنا نازلين نتمشى عشان العيد وكده), بس بيني وبينك نفسي اتصدت في اليوم ده وكان عيد حزين عليا.

وفي الاخر ده اللي بتاخدو منه معلش يبيه ولا هيدفع لك تمن الخبطة ولا حاجة.

بس عموما الحمد لله على كل شيء وكويس انها جت في الحديد مجتش في حد فينا وربنا يستر طريقنا وطريقكم.

تحياتي,

[crime]

موضوع اكثر من رائع تسلم الايادى

تقبل تحياتى

[samirayad]

الله يخليك

مهندس : أيمن