المشاركة الأصلية كتبت بواسطة aymangalal
والله حضراتكم اساتذة وقمة فى العلم + العطاء + الذوق
ربنا ما يحرمنا من علمكم
الواحد كل ساعة(مش كل يوم) بيتعلم حاجه جديدة
جزاكم الله خيرا
|
كلنا بنستفيد من اراء و معلومات بعض
واللي حضرتك تعرفه النهارده جديد .. بكره ان شاء الله حتفيد بيه اعضاء جدد
المشاركة الأصلية كتبت بواسطة samirsaid1
مثلا لما بكون ماشى على غيار سواء عالى او واطى ودست على الدبرياج فجأة استعدادا للوقوف بس ماوقفتش وحبيت اكمل سير تانى بنفس السرعة فاللى بيحصل انى بلاقى تحجيرة فى الاسطوانة ودة بيأثر على حركة العربية طبعا
فبضطر انى اخد غيار اعلى عشان اللى فى الخلف مايلبسش فى العربية وعشان احافط على نفس السرعة
هل دة صح ولا خطا وأعمل ايه عشان مايحصلش كدة والعربية تبقى بنفس السرعة مع تبديل الغيارات
لانى بصراحة لسة مغير طقم الدبرياج وبحسس علية 
وشكرا مقدما |
العبره بسرعه العربيه لحظه التعشيق .. حضرتك من خلال الممارسه حتلاقي ان العربيه عند كل سرعه مرتاحه على غيار معين ... او بمعنى اصح السرعه اللي يبقى الموتور مستريح فيها لا عدد دوراته قليله اوي فتلاقي العربيه مخنوقه و لا كبيره بزياده فتحمل على الموتور
وبالتالي لما تفصل دبرياج سواء لفرمله او تهديه و عايز تعشق النقله تاني .. شوف السرعه اللي العربيه وصلت ليها و اختار الغيار على هذا الاساس ... بس كده
يعني ممكن تكون في منزل مثلا و تكون على التاني و تفصل دبرياج فسرعه العربيه تزيد فتلاقي التالت يبقى احسن
13-01-2011, 07:26 PM
رد: عاوز افهم يعنى ايه تسقيط الغيار فى الجرى ؟
