تجربتى للافادة

[shur3000]

من فترة كنت عملت موضوع عن تغير مية الرديادتير ب مية خضراء مع العلم ان المية اللى فى العربية كانت عادية المهم غيرت وبعدين سمعت ان المية الخضراء هتأثر على العربية وبالفعل حصل المحظور من 3 اربع ايام حسيت ان صوت المكنة مش عاجبنى وفيها صوت زى حديد بيخب فى بعضة روحت لاثنين ميكانيكية وقالولى طرمبة المية خلاص ولازم تتغير لانها على الكاتينة المهم جيب طرمبة جديدة ب60ج كورى وروحت للباشا طبعا حل السيور كلها والكاتينة المهم طبعا القديمة كانت مصدية وقعد يدق نصف ساعة عقبال ما غيرها وبعدين قالى كوعة الثرموستات شكلها مش ولا بد رحت جبتلة واحدة ب20 ج . وقفلنا وحطيت بقية المية الخضراء اللى كانت معايا وزودت بمية مقطرة والميكانيكى قالى احسن لو تحط مية التكيف .
انا خايف ان فى حاجة تتأثر مع العلم ان العربية ما بتسخنش.
والمصنعية 65 ج ودبسنى فى علبة سيايكون ب 10ج
المهم انا اية المطلوب منى حاليا عشان مفيش حاجة تانية تحصل ان شاء الله

[sehsss]

بص يا باشا المياه الخضراء لو ليها أضرار ما كانتش نزلت في العربيات الزيرو من المصنع، المشكلة في إن في أنواع مياه خضراء كتير في السوق سيئة وأكثرها المصري، والسعودي، أفضل مياه خضراء (وأنا عن نفسي بجيبها من سنين قبل ما اغير اللانوس) مياه موبيل بس هي مشكلتها إنها غالية شوية اللتر بـ 17 جنيها، والمطلوب منك إنك تداوم على استخدام المياه الخضراء (نوع جيد).. تحياتي

[truss]

المياه الخضراء مضرة لو تم استخدامها فى عربية متعودة على مياه الحنفية,لأن المياه الخضرا فيها مادة الايثلين جيليكول و دى ممكن تتفاعل مع الاملاح و الصدأ اللى عملته مياه الحنفية, غير كدة لو عربيتك زيرو حط مياه خضراء بأى تركيز انت عايزه, لكن لو عربيتك فيها مياه حنفية يستحسن انك تبدلها بمياه مقطرة (بتتباع او ممكن من فايظ التكييف) و تحط اضافة لتحسين مياه التبريد.

[shur3000]

ما هو المشكلة اننا كنت حاطط السعودى.
عامة انا ناوى اثبت ان شاء الله على مية التكيف او المقطرة بس عايز اعرف اية محسن التبريد دة واسمة اية ويتحط ازاى

[truss]

محسن مياه الردياتير دة اضافة جوة علبة زى الكانز بيتباع عند بتوع اكسسوار و سوائل العربيات , سعره فى حدود 15 جنيه فى منه نوع اسمه Abro و نوع تانى اسمه cyclo و الاتنين امريكانى بتفضيهم على مياه الردياتير و دول فيهم مواد بتحسن خصائص المياه و مواد لتزييت الطلمبة .