عاوز طقم صباب لبيرسرونا 2010

[علاء عزمي]

العربية سير الكاتينة اتقطع وانا ماشي علي الرغم اني لسه عامل ليها صيانة ال 60 من 5 شهور ومغيرالسير وروحت للميكانيكي طبعا ساحبها قالي عاوزة طقم صباب اجيبه منين وييجي بحوالي كام

المشاركة الأصلية كتبت بواسطة علاء عزمي العربية سير الكاتينة اتقطع وانا ماشي علي الرغم اني لسه عامل ليها صيانة ال 60 من 5 شهور ومغيرالسير وروحت للميكانيكي طبعا ساحبها قالي عاوزة طقم صباب اجيبه منين وييجي بحوالي كام

القاهرة
حضرتك هتفك وش السلندر وتوديه عند الجندى الخراط وهو هيوضبلك وش السلندر والصبابات
ويرجع زى ما كان بالظبط !!!!
هو مكانه
في شبرا مصر وعنده ورشتين
الاولي وانت جاي من اخر الترعه اول ما تعدي شارع احمد بدوي علاطول علي الترعه الرئيسي جمب الجامع
التانيه في وش الجامع علاطول بس من الشارع الجانبي مش علي الرئيسي
ولو توهت خالص روح عند تقاطع احمد بدوي مع الترعه واسأل 100 واحد هيوصلك

سير الكاتينة هتاخد القديم معاك فى ايدك وتنزل عند سامح الهوارى مملكة السيور فى التوفيقية
محل كبير فى مدخل عمارة تحت بير سلم هتلاقى عنده سيور يابانى وكورى والمانى نفس مقاس سير كاتينة عربيتك !!
اختار السعر اللى يريحك بس لازم تعرف طلمبة الماء وبكرة شداد الكاتينة كويسة ولا لاء !حد فيهم محتاج يتغير ولا لاء!
وجوان وش السلندر هتشتريه من شارع دمشق متفرع من ميدان روكسى مصر الجديدة !!
ان شاء الله التكلفة هتكون بسيطة !!
وقول للجندى انا مش لاقى لها طقم صبابات وهو يتصرف لو انت لاقيت طقم صبابها غالى فى شارع دمشق !!
الارخصلك اعمله لاءنه فى الاخر هيديلك نفس النتيجة !






علشان معندناش قطع غيار اصلى فى مصر بعد كده يا ريت كفاية قوى تغير سير الكاتينة على 25000 كم او 30000 كم بالكتير !!
لاءن سير كاتينة العربية اللى عمرة 100000 كم علشان يتغير ده مستحيل وجوده فى مصر
وبالتوفيق وابقى انقل لنا تجربتك لما تخلص على خير ان شاء الله !!

لمعلوماتك ان مش كل الصبابات بتبوظ لما يتقطع سير الكاتينة او ينط ! لالالا لاء
اللى بيبوظ فقط الصبابات اللى كان عليها الدور فى تلقين الوقود او تخريج العادم !!وقت ما اتقطع او نط سير الكاتينة فقط !!
بس طبعا ولا الخراط ولا الميكانيكى بيعرفوا الزبون الكلام ده !!!
يعنى هو يغير الصبابات اللى اتعوجت فقط مع عمل دلايل صبابات تفصيل جديدة لها ودمتم !

[محمدصلاح القاضى]

لا حول ولا قوة الا بالله
والله حاجة تزعل الواحد
معلش حصل خير

محمدصلاح القاضى, Hisham.Elgazzar,حمدى مخترع مانيوال بدون دبرياج, mhamdy75

:CHUBBY~ 36:

[علاء عزمي]

والله انا اتصلت باولاد علام وقالي موجود وعامل 850 جنيه ايه رأيكم ؟؟؟؟