يا ريموتي يا مدوخني

[eng/walaaeldeen]

السلام عليكم
لو الريموت الثاني شغال كويس روح اخرب الدنيا في التوكيل لو لسه في الضمان لو الضمان خلص امرك لله استعمل الرموت الثاني وشيل البطاريه من الرموت ده وخليه استبن وأمرك لله او شوف حد بيصلح الريموتات ولو نفس العيب في الرموت الثاني يبقي العيب في الدايرة
والله المستعان

[zego]

الريموت التاني تمام بس هو الريموت عليه ضمان والا ايه انا كان كبيري افك اشيل البطارية واحطها بس
طب اعمل ايه عشان اطالب بتغيير الريموت وهل هيعملوه علي طول والا هياخد كام شهر كمان

[hosamsamy]

المشاركة الأصلية كتبت بواسطة zego معاي بيرسونا اليجانس 2011 ومن مدة 6 شهور كدا جيت أفتح مرة العربية لاقيت السنتر ما بيشتغلش بس بتعمل الصوت المسلوع بتاعها ده واللوك ما بيفتحش فروحت لتوكيل الغدر اللي في المنصورة قعد كام ساعة كدا وطلع يقولي طبيعي طبعا بعد الزعيق معاه قال خلاص فوت علينا كمان كام يوم كدا قولت ماشي قاللي مشكلتك في الحجر اللي في الريموت ولازم يتغير قولت له بصراحة اول مرة اشوف حاجة زي كدا عربية جديدة وع الزيرو والحجر يخلص قاللي ده عمر افتراضي زي الانسان قولت والضمان قاللي ده ب 5 جنيه وبعدين ده حسب الاستهلاك مشيت وقولت مش مستاهلة واتعودت كان كل شهر حوالي كدا اغير الباشا من شهرين اتجننت وقولت اروح عز العرب أو ( ذل القرف ) طبعا من غير ما نخش في المعاملة بتاعتهم والنظام الزبالة اللي قريته وسمعته فكنت رايح وعامل حسابي اني ابقي بااااااااااااااااااااارد جدا وقولت لهم علي المشكلة دي خاده وقال هنكوده والمفأجاة كل اسبوع بالكتير اوى اوي 10 أيام ترجع ريمة لعادتها القديمة اهزه شوية كدا او افكه واربطه برده حالف عليا لايتغير يعني عنت باصرف عليه اكتر من نفسي الريموت لوحده عايز له 3 احجار في الشهر اوطبعا احراج بقي ادام الناس وبابقي في نص هدومي وانا بافتح من الباب بصراحة كلامي فيه هزار شوية لان بجد انا مخنوق اوي حاجة هايفة بس مضايقاني قوقوا لي اعمل ايه ربنا يبارك فيكم يا جماعة

السلام عليكم يا أخي العزيز
أولاً بعد التحيه
لقد حدث معي اليوم نفس ما حدث معك
وديت المفتاح لبتاع ساعات كشف على الحجر وقاللي الحجر شعال تمام يمكن البورده بتاعت المفتاح
روحت لواحد بتاع سنتر لوك قاللي لازم تروح الشركة لأن أكواد البروتون مش موجوده إلا في التوكيل بتاعها
أنا ناوي أسأل في التوكيل
ولو سعر التكويد زي ما سمعت 600 جنيه
بافكر جدياً إني أشيل السنتر خالص من العربيه
قوللي رأيك أشيل السنتر ولا أتوكل على الله وأعمل زيك أروح للتوكيل
أخوك .. حسام

[medo maad]

المفتاح عايز يتكود بس دى كل الحكاية وطريقة التكويد موجودة فى منتدى بروتون ساجا دى حصلت معايا وعملتها الطريقة التى قلتها دى

[medo maad]

على فكرة لم يكلفنى اعادة التكويد هذة مليم واحد وضياع التكويد هذا امر وارد فى اى وقت واستعادتة مش مشكلة