ليه مش عايزيين يبيعولنا بروتون ساجا ٢٠١٢

[accountant85]

المشاركة الأصلية كتبت بواسطة darktomb99 استاذ تامر , انا مضطره انى اتعامل مع بنك سوسيتيه عشان العرض ده جاى من البنك ده بالذات لان ده البنك اللى بيتحول مرتب جوزى عليه , و استاذ MEGAREKAB انا حاشرح لحضرتك اكتر و الموضوع من الاول احنا عايشيين فى القاهره , و جوزى بيشتغل مهندس ف شركه قطاع خاص و مرتبه بيتحول على بنك سوسيتيه جنرال , وفى طريقه لشراء العربيه من البنك ده ان هما بيحسبوا كام ضعف للمرتب كده (مش فاكره كام ضعف بالظبط ) بس مرتبه عمل 70 ألف جنيه و ختارنا على اساس المبلغ ده عربيه بروتون ساجا 2012 و هى لو تبع العرض ده حايكون فى فرق ف السعر حوالى 4 او 5 الاف حاندفعهم زى مقدم فرق سعر , احنا متكلمين مع مندوب البنك اللى هو استاذ محمد العاطر من حوالى 5 شهور كده , اولا قال لجوزى هات عرض سعر من اى معرض بيبيع بروتون , جوزى راح عند الريان و قاله على سعر العربيه كده بالكلام ,لاقاه ارخص بكتير من سعر البنك , رجع لمحمد العطار , قاله لاء دى العربيه غليت , رجع للمعرض , مدير الفرع بتاع المعرض راح متصل ب محمد العطار قاله خلاص خليه يجيب لى عرض سعر , جبناله عرض سعر , قال اسبوع و تستلموا العربيه , عدى اسبوعين و مافيش خبر , اتصلنا بمحمد العطار قالنا اصل العربيه مش موجوده خالص ف السوق , وبعدين رجع قالنا مافيش اتوماتيك (مع العلم اننا ماضيين عقد بالمواصفات انها اوتوماتيك) و ف الاخر قالنا مافيش غير اللون الاحمر , مع اننا طالبين اسود , رصاصى , و فضل الاستاذ محمد العطار ده يماطل فينا بالمنظر ده كده كتير , و من شهر كده نزلنا اسكندريه ف زياره كده , عدينا على معرض اباظه اللى ف جليم على البحر , لاقينا هناك بالصدفه مندوب من بنك سوسيتيه اسمه الاستاذ هانى , اتكلمنا معاه و مع الاستاذ حازم واحد من الموجودين ف المعرض شوفنا العربيه زى ما احنا عايزينها تمماااااااام و اللون الاسود كمان , الاستاذ حازم عملنا ف ساعتها عرض سعر مختوم بختم فرع المعرض و حاول يتصل ب محمد العطار لكن كان قافل موبايله , المهم تانى يوم سافرنا و معانا عرض السعر و راح بيه جوزى على البنك , قابل محمد العطار وقاله العرض ده ماينفعش عشان من اسكندريه والبنك ف القاهره , و دى اخر حاجه وصلنالها و مش عارفيين نعمل ايه مع الاستاذ محمد العطار ده عشان نرضيه ويسلمنا العربيه .. انا اسفه انى طولت و ياريت اكون وضحت لحضرتك ..

انا رأئي ان جوز حضرتك يروح البنك و يقابل مسئول قطاع التجزئة المصرفية ويعمل شكوي فالاستاذ اللي معطل الموضوع دة او يعرف ايه اسباب التأخير اللي ممكن تكون :
1. الاستعلام لسة متعملش - وبالطبع هيكون السبب في
ان جوزك ميكنش لسة اخد موافقة من البنك ع التمويل.
2. يكون في ورق ناقص.
3. ان يكون الاستاذ اللي فالبنك والمسئول عن الموضوع ده اصلا مش فايق لشغله وغالباً هيكون هو دة السبب
لان لو جوز حضرتك ماكنش اخد موافقة ع التمويل كان زمانه اتبلغ بالرفض

فلازم يقابل مدير قطاع التجزئة المصرفية شخصياً علشان يكهرب الدنيا فالبنك وساعتها هتستلمي العربية تاني يوم
وموضوع عرض السعر دة مش مشكلة لان المفروض في فرع للبنك فالاسكندرية فسهل جدا ان حد يسلمك العربية من هناك