الساجا سفاحة بنزين

[sayed1977]

السلام عليكم
فعلا كلام حضترك مظبوط لانى انا فى الازمة الماضية ماكنتش بلاقى بنزين 92 فكنت بحط طبعا 90 وكان الاستهلاك اعلى من 92 وبالتالى نفهم ان مشكلة الاستهلاك تكمن فى نوعية البنزين واخر حسبة استهلاك البنزين معى كانت كاللاتى
بنزين 92
السرعة 140
70 كيلو استهلكت 5لتر وكدة نقول 70/5=14 لتر للكيلو والعربية عاملة 4000 كليو
واعتقد ان كدة ممتاز ولا اية رأيك

[sayed1977]

اة نسيت العربية اتوماتيك

[Mohamed Elhasafy]

لو قصد حضرتك 14 كيلو/ لتر فأعتقد إن الإستهلاك معقول جداً و خصوصاً إن السرعة 140 وعلى فكرة ده تقريباً يساوى معدل إستهلاك الفيرنا
و أنا سبق و قلت إننا نعتبر العربية 1600 فى الإستهلاك و خلاص مقابل المزايا التانية اللى مش موجودة فى نفس الفئة السعرية
بصراحة كفاية إنك تحس إنك واخد حقك و مش مضحوك عليك و ملوى دراعك
و كفاية إنك تكون حاسس إن عربيتك لها قيمة و إن الشركة اللى عملاها مش بتستخف بعقلك و بتبيعلك تكنولوجيا بقالها عشر سنين بسعر اليوم

[sayed1977]

المشاركة الأصلية كتبت بواسطة m.elhasafy السلام عليكم أنا كنت قد كلمت أ/ عواطف مدير مبيعات بروتون عز العرب من يومين و فكرتها بالموضوع و قالت لى إن المسئول سيتصل بك ولكنى أمس وجدت فى موقع Paultan ريفيو عن الساجا و الحمد لله لقيت إن متوسط الإستهلاك 16.6 كيلو/ لتر و ده للمانيوال و 15.9 كيلو/ لتر للأوتوماتيك و ده بيتحسب على سرعة 90 ثابتة و بدون تكييف ... و طبعاً الواضح إن الإستهلاك الحالى لحضرتك بيقرب من المعدل الطبيعى و لكن فى مشكلة حقولك عليها فى الأخر المهم النهارده إتصلت بيا أ/ داليا من خدمة العملاء و قالت ليا أن أحضر أى يوم من 9 إلى 10 صباحاً و سيخرج معى مهندس فى رحلة 50 كيلو رايح جاى لحساب الإستهلاك و مقارنته بالإستهلاك المثالى و سوف تكون الرحلة على سرعة 90 ثابتة و بدون تكييف و النوافذ مغلقة (ناس شغالة صح) ثم قالت لى معلومة بديهيه و لكن غابت عن ذهننا جميعاً ألا وهى إن الأرقام المعلنة من الشركة الأم بتكون على بنزين 97 أوكتان (وخد بالك بنزين ماليزى) و قالت لى فعلياً مافيش حاجة إسمها إستهلاك داخل المدينة و خارج المدينة ... المفروض إننا نثبت كل العوامل المؤثرة فى الإستهلاك علشان نقدر نقارن صح أما داخل المدينة فمستحيل تثبيت أى عامل سواء إشارات أو سرعة طريق و خلافه ... إنتهى بصراحة كلام علمى منطقى بمعنى إن كلمة الإستهلاك داخل المدينة لا تعطى مدلول حقيقى لإستهلاك المحرك ... المهم فى السرعات الثابتة و كمان موضوع البنزين ... أنا كنت قريت مشاركة لعضو حط بنزين 95 (لجين تو تقريباً) ووفر معاه جداً فى الإستهلاك و لكن فرق السعر أكل التوفير و بقى خراب بيوت أرجو أن أكون أفدت الجميع و خصوصاً أ/ محمد عبد المجيد شكراً بروتون ... شكراً عز العرب

حضرتك ما رحتش ولا اية عوزين نعرف اية الاكشن الا حيعملوا مع حضرتك واخبار الرحلة على سرعة 90

[hosamsamy]

طب يا جماعه أنا ليا بس إضافه صغيره
هوا بصراحه إستفهام صغير
أنا أول ما اشتريت الساجا كنت قريت قبل كده عن الساجا سفاحة البنزين وكنت خايف جداً
لأني بصراحه موظف وشاري العربيه دي بالقسط يعني بدفع فيها تلتين مرتبي
يعني كل مليم بيفرق معايا
أول ما اشتريتها روحت فولت التنك بنزين 92 وسافرت البلد على طول
ولما رجعت حسبت المسافه اللي قطعتها لقيت التنك (حوالي 38 لتر) بيعمل حوالي 420 كيلو وده بصراحه كيِّفني من العربيه جداً
لكن بعد صيانة الألف كيلو التانك بقى بيعمل حوالي 250 كيلو ومش عارف ليه وإيه السبب
حد يقدر يقوللي؟؟
أخوكم حسام السايس