>>> تقرير بعد معاينة GEN 2 موديل 2010 <<<

[MaXx]

انا بقول انها عربية كويسة لانها انتشرت و بدون دعاية تذكر ,,, التوكيل مش مديها حقها ,,, مش عارف ليه عز العرب مش بينزل اعلانات معاه توكيل بروتون و سيتروين كمان ,,, مفيش ولا اعلان ,,, مش هو بس عربيات كتير مالهاش اي اعلانات كل الياباني و الالماني تقريبا مفيش غير الهايونداي و الشيفروليه اللي بينزلوا اعلانات بانتظام ,,, و مؤخرا الرينو اللوجان ,,,

و العربية عندنا هنا في مصر بتاخد وقت علي ما الناس تثق فيها ,,, و بما ان الناس وثقت فيها يبقي العربية كويسة و هي بقت منتشرة بشكل مقبول اوي يعني يديك شئ من التميز برضو مش زي اللانسر مثلا ,,,

[بدر بسيونى]

عشان نقدر نقييم عربية لازم يكون فات على استخدامها على الاقل 5 سنوات بعدها نقدر نفكر فى حالتها وشكلها وموترها وكمان مكوناتها برجاء احد ملاك الجين 2 القدامى هو اللى يذكر التقييم مش الفرجة وبس لان التقييم المظبوط بالاستخدام وشكرا ليك انك فتحت النقاش فى الموضوع ده

[POP EL GAMED]

المشاركة الأصلية كتبت بواسطة MaXx كنت قريب من عز العرب امبارح قلت اعدي و اشوف الجين 2 ,,, دخلت قلت اشوف موضوع العربية ديقة من الكنبة اللي ورا ده ... لا مش ديقة رجعت كرسة السائق للخلف و قعدت وراه و كان في مسافة بين رجلي و بين الكرسي ,,, الشنطة واسعة ,,, الاداء الفني مش هتكلم عنه لاني ما جربتهاش سواقة ,,, بس في اغلب اللي جربوها بيشكروا فيها ,,, نيجي بقي للنقطة محل الشكوى من اغلب مالكي الجين 2 التقفيل الداخلي ,,, الزراير اللي في التابلوه فعلا تحس انها رخيصة و رديئة ,,, كان في ناس بتشتكي ان الزراير دي بتقشر و لونها بيروح و كمان المقابض الداخلية بس العربية فيما عدا ذلك اعتقد كويسة جداً ,. يا جماعة يا ريت اللي عنده GEN 2 يقولنا رأيه هل العيب ده موجود بشدة ولا ايه ؟ في التوكيل قال ان العيوب دي كانت في الموديلات القديمة بس لما بصيت علي التابلوه و الخامات حسيت انه بيهيس السعر ,,, 84 مانيوال و 91 اوتوماتيك ,,, تحجز دلوقتي ,,, تستلم بعد العيد ان شاء الله

انا اختلف تمام مع حضرتك فى نقطه ان العربيه واسعه
لو رجعت الكرسى بتاع السواق اللى ورا بيبقى متضايق ولما يرجع على الاخر بيكون حاضن كرسى السواق العربيه دى مع انتيمى وركبتها كتير مريحه فى الكراسى الاماميه وده طبيعى انما الكنبه ضيقه والعربيه ادائها عالى ومحترم والشنطه مش واسعه الشنطه لا نقدر نقول واسعه ولا نقدر نقول ضيقه هى متوسطه لانها عربيه شبابيه فى المقام الاول والسنطه مبتبقاش مهمه للشباب اللى عايز شنطه اكبر يشوف البيرسونا نفس الموتور ونفس الشاسيه وكل حاجه بس سيدان

[a7lahamada]

العربية دي ممتازة وعوامل الامان فيها محترمة جدااا وصاجها جاد جداااا