سانديرو ستيب واي... صيانة ال 5000

[elmahdy29]

السلام عليكم شباب
زي ما وعدت انا لسه جاي من صيانة ال 5000 الاف... هي طبعا مجرد فحص بسيط... نظرة فاحصة يعني... بصوا على الزيت والميه وربطوا عفشه واطمنوا على الكهربا... فحص عام يعني
المركز اللي روحته هو الفرع الجديد في القطامية ورا معرض محمد زكي اللي هناك
الاستقبال ممتاز... الناس المتابعه معاك محترمة... بس لازم تراعي انهم مشغولين بميت واحد زيك... الوقت المستهلك... طويل بزياده... بدل ما امشي 11 زي ماقال... مشيت 12.30... قولتله امال لا قدر الله لو جاي اعمل حاجه بقى... هاروح امتى
انا كان عندي مشاكل ان في بعض اصوات بسمعها من التابلوه وفرش الباب اليمين... هي اصوات بسيطه الصراحه... لكن لقيت الحاجات ديه هناك مالهاش حل معروف...كبرت دماغي لانها هايفه... ادوني طقم دواسات اصلي فاخر عليه اسم اللوجان هديه... وقالوا ان ده للوجان والسانديرو بس... معرفش بيدوا بقيت العربيات ايه
بالنسبه لانطباعي عن العربيه بعد ال 5000
الحمد لله راضي بيها ومستمتع جدا بيها وبحبها كل يوم زياده... اه والله... وده فضل الله طبعا... الاداء من حيث العفشه او الموتور ممتاز.... توفير البنزين فوق الممتاز..يتبقى طبعا صوت الموتور انه بيبقى عالي شويه جوه الكابينه بعد ال 120 كم... بس عموما انا اتاقلمت... وطبعا اي اله ليها مميزاتها وعيوبها... والحمد لله انها على اد كده
ده اللي حاضرني الوقتي... لو حد يحب يسال عن حاجه يقول وانا في الخدمه
تحياتي للجميع

[qmp137]

عقبال ال 500000 ممكن اعرف اية مميزاتها وعيوبها

[elmahdy29]

المشاركة الأصلية كتبت بواسطة qmp137 عقبال ال 500000 ممكن اعرف اية مميزاتها وعيوبها

http://masrmotors.com/vb/showthread.php?t=76692

[Neo206]

[MSE_Eman]

بفكر أجيبها .....بس قلقتنى من الاصوات الطفيفة اللى بتقول عليها دى فى الباب اليمين وملهاش حل ؟؟؟؟!!
هى عبارة عن ايه بظبط صوت زنة ولا ايه
كمان كنت اسمع ناس بتشتكى انه فيه صوت زنة فى الدريكسيون ورعشة فى الدواسة هل هى موجودة ولا؟؟؟