فعلاً ماشوفتش عربية اجمل من كدة

[lover4ever8989]

بصراحه الفيرنا عربيه جميله مع انى كان معايا تويوتا كرولا 2004 1600 بس معجب بالعربيه دى عشان الى بيقول انك مركبتش تويوتا او لانسر التويوتا كانت مش ثابته على السرعات العاليه لو راكب لوحدى
الفيرنا عيبها الوحيد الثبات مره كنت ماشى الطريق الصعيد الغربى وكان معايا 3 والله مشيت بيها 200 بس العربيه صاحبها مروقها وواخد بالو منها اوى اى حد بيحكم على عربيه لازم يكون جربها وتكون عرببيه كويسه مش تعبانه عشان كلامه يكون فى محله

[lover4ever8989]

وبالنسبه لفرامل العربيه صاحب العربيه مغيرلها تيل جايب واحد المانى مش فاكر اسمه بس مخليها مشاء الله عليها ومش بتزحف جامد حتى على السرعات العاليه
علما بان العربيه دى موديل 2005 بس لما مراعيها عشان كدا بتقفل عدادها واى عربيه تاخد بالك منها تبقى عروسه تهمل فيها تبقى.........

[El-masry]

المشاركة الأصلية كتبت بواسطة بحر الحياه لما تشترى عربيه جديده زيرو محدش حط رجله فيها وتلاقيها صوت موتورها على نتيجة العزل السيىء وكل شوية تسمع فيها اصوات مره الفتيس وتروحش تشتكى يغيرهولك ومره التكييف تروح تشتكى يسمعهولك فى كذا عربيه ومره وير الفتيس ينقطع وتروح تشتكى يغيرهولك وكل ده واستهلاك البنزين عالى جدا حوالى 150 كيلو فى الصفيحه جوا البلد ده غير الاصوات الصغيره البسيطه اللى بتظهر وتختفى كل فتره مع نفسها كده كل ده والعربيه لسه معملتش 3000 كيلو يبقى مستنى منى اقول ايه ع العربيه

انا لو مكانك هتخنق فعلا
بس في ناس كتير كدة علي فكرة بتجيب عربيات زيرو و بتتعبها في الاول اغلب الصيني بيكون كدة بيظهر فيه مشاكل كتير و في ناس بتجيبه مافيهوش حاجة

بس انت ظبطها و تعالي علي نفسك و ان شاء الله هترتاح بعد كدة لأن الفيرنا من العربية قليلة الاعطال

انا عربيتي زيك تقريبا انا تقريبا عامل 5000 بس الحمد لله انا ماعنديش المشاكل دي غير صوت العزل طبعا سيء بس انا بعلي الكاسيت سنة و كله بيبقي تمام احلي عزل

والله انا هقولك علي حاجة اعرف ناس اشترت كروز جديدة اللي ب ا140 الف و مشاكل الدنيا و الاخرة حصلت معاهم و اخرتها اقسم بالله ماركونة تحت البيت و التوكيل مش راضي يغيرها

فنحمد ربنا علي اد مشاكلنا

و يا باشا روق انت معاك اسد عالطريق

[El-masry]

المشاركة الأصلية كتبت بواسطة lover4ever8989 وبالنسبه لفرامل العربيه صاحب العربيه مغيرلها تيل جايب واحد المانى مش فاكر اسمه بس مخليها مشاء الله عليها ومش بتزحف جامد حتى على السرعات العاليه علما بان العربيه دى موديل 2005 بس لما مراعيها عشان كدا بتقفل عدادها واى عربيه تاخد بالك منها تبقى عروسه تهمل فيها تبقى.........

شكرا يا باشا عالمرور
انا ناوي لما اغير تيل هغير ماستر و هجيب حاجة زي دة عشان موضوع الزحف دة موجود فيها فعلا

[طارق ابوذيد]

ينصح التوكيل بتركيب جنوط 14 بدل 13 وبالتجربه فرقت كثير السياره للاحسن