الى الاستاذ mragab لادا 2107 موديل 2003

[mragab]

لما اجى استلم يا استاذ استرا استلم ازاى من الميكانيكى
واخد الحاجة القديمة منة ولا اية
هم النقاط اللى اركز عليها

[zing0]

بعد إذن أخى مستر أسترا... هأستلم الميكروفون المرة دى بس (بأجرب صوتى)
حضرتك المفروض تستلم العربية دايرة عالسلانسية و تحرق فيها صفيحتين عالواقف و تتابع الحرارة أول بأول (المياة و مقاس الزيت)
المفروض المكنه يكون صوتها منتظم يعنى مفيش برجله و لا أصوات غريبة
و بعد التليين متزودش سرعتك عن 60 و عالرابع (يعنى تجيب الغيارات بدرى على RPM قليل و متحرقش)
المفروض برضه يكون العادم بدون لون, يعنى و لا أبيض و لا أزرق و لا أسود. و يا سلام لو الشاكمان بيعمل رذاذ مياه خفيف فى بداية التدوير الصبح يبقى كده الشغل 10/10

صوت المكنه ممكن يكون عالى شوية, لأن التاكيهات هتكون مفتوحة (الميكانيكى هيفتحها علشان المكنه متسخنش بسرعة) و هتلاقى صوت طرق منتظم (حاجه بترن بإنتظام) فى غطا المكنه. أدام الصوت منتظم ...عادى

بعد التليين تماماً هتغير طقم بوجيهات و غيار زيت و فلتر و تضبط تاكيهات

- ملحوظة, خلى الميكانيكى يكشف على طقم الدبرياج و الكاتينه و الكربراتير و الفرامل (ماستر و سيرفو) قبل ما يقفل بالمرّه.

- الحاجات القديمة إللى تخرج من المكنه من حقك
و غالباً الميكانيكى هيطمع فيها, تحب تبيعها له, ماشى
تحب تقولوا واحد صاحبى عاوزهم و تبيعهم إنت, أفضل برضه
بس غالباً كل الحاجات إللى هتطلع ملهاش إستخدام عندك يعنى مش إستبن مثلاً. إطمئن على موتورك و بعدين بيعهم.

[mr_astra]

بعد إذن أخى مستر أسترا... هأستلم الميكروفون المرة دى بس (بأجرب صوتى)

ههههههههه صوتك طلع احلى منى

[mragab]

انا ان شاء الله هستلم انهاردة الجمعة
اهم حاجة انى اشوف ان المكنة مش بتسرب زيت ولا مياة
واتابع الزيت والمية
وامشى على سرعة اقل من 80
فترة كدة وهغير بوجيهات
اشكركم جميعا وخصوصا الاستاذ استار وزينجو
شكرا جميعا
وربنا يخليكم وينفعنا بعلمكم وتفيدوا الناس وشكرا جزيلا

[zing0]

ههههههههه صوتك طلع احلى منى

يا باشا إحنا بنفتخر إننا من تلامذتك