byd f3 ولا لوجان

[dr Ayman]

بصراحه ال byd عربيه جامده جداااااااااااا فى الشكل وواسعه اوى من جوه وتحفه بجد انما مش عارف القوه والاداء وتحملها مع مرور السنين هل هى عربيه معمره ام لا
رجاء النصيحه لوجان ولا byd

[mahshahin]

المشاركة الأصلية كتبت بواسطة dr Ayman بصراحه ال byd عربيه جامده جداااااااااااا فى الشكل وواسعه اوى من جوه وتحفه بجد انما مش عارف القوه والاداء وتحملها مع مرور السنين هل هى عربيه معمره ام لا رجاء النصيحه لوجان ولا byd

والله نفس اللي كنت بفكر فيه لما كنت بشتري عربيتي فضلت محتار byd or Logan لحد لما قولت اني لازم احسبها بالعقل .... الرينو في مصر عموما واخد سمعة مش قد كدة ... انا مقصدش جودة العربية ... انا اقصد سعر قطع الغيار والصيانة واخد سمعة انها غالية جدا ولعلمك في منها رخيص وكويس ... لكن الناس في مصر مادام اقتنعت بحاجة انسى اي حاجة تانية زي الموبايل النوكيا هو احسن حاجة انما تقول للناس سوني اريكسون يقولك ياعم هو دة تليفون....
على العموم اللوجان معجبنيش خاااااااااااااااااااالص الصاج بتاعها ضعيف جدا جدا جدا جدا جدا ولو عايز تتأكد بص على اي واحدة مش في الشارع هاتلاقي الرفارف مطبقة ودة في اغلب اللوجان اللي شوفته في الشارع وبعدين مفيهاش كماليات وشكل قديم والطبلوة بتاعها فقير جدا وفتحت الشنطة والتنك من الداخل (انا فصصتها لما كنت بشتري والله )
انا دلوقتي معايا BYD F3 مانيوال الحمد الله مرتاح وعربية كويسة وفيها أوبشن حلو وقطع غيارها متوفره جدا ورخيصة وأي ميكانيكي بيشتغل فيها وماتورها كويس صوته عالي شوية بس سحبه حلو وجامد والثبات تمام لحد 160 زي الفل ... ربنا يوفقك في اللي فيه الخير

[dr Ayman]

ربنا يبارك فيك والله انا محتار جدا وعايز اجيب عربيه كويسه ومحتار ف اكتر من حاجه

[كيا سيفيا]

وانا كمان ارشح لك الـ BYD نظرا لما اورده زميلنا الفاضل علاوة على فرق الكماليات ( جنوط اسبور - فرامل ABS & EBD - ايموبلايزر - تابلوه ابنوس ) بالاضافة الى الموتور القوى الميتسوبيشى 16 صباب بعزم 108 حصان بعكس موتور اللوجان الـ 8 صباب وبعزم يقارب الـ 80 حصان فقط . وبالتوفيق