ملاك ال 128

[ezzhelmy]

شكرا على المعلومات القيمة يا استاذ سيد

[wael nabil elsied]

العربيه ال128 جميله جدا فى حاله ازا كنت انت مهتم بيها انا معايه موديل 90 بسافر بيها اسكندريه بكامل حمولتها وزياده وممكن ارجع فى نفس اليوم مفيش مشكله

[hazemsagherh]

المشاركة الأصلية كتبت بواسطة wael nabil elsied العربيه ال128 جميله جدا فى حاله ازا كنت انت مهتم بيها انا معايه موديل 90 بسافر بيها اسكندريه بكامل حمولتها وزياده وممكن ارجع فى نفس اليوم مفيش مشكله

شكرا ليك اعتقد موديل 90 دى اغلى شوية من اللى انا مخطط له لو نويت على عربية

[عصام جلاب]

المشاركة الأصلية كتبت بواسطة sayed2077 السلام عليكم ورحمة الله وبركاته بص يا انا معايا 128 من شهر 6 اللى فات بالنسبة للعربيه لو عاوز تسافر وتبقى مطمن من كل النواحى هتعمل الاتى وتسافر وانت مطمن الكلام اللى انا هقوله ده يبقى قبلها بيوم او يومين على الاكثر 1:لازم كل الكوتش اللى متركب على العربيه يكون سليم وااستبن نفس الكلام 2:تروح للميكانيكى يغيرلك ابلاتين وكندنسر ومش هتلاقيهم غالين فى حدود 40 جنية بتركيبهم وتخليه يظبطلك كهربة العربية 3:تبقى متاكد ان البوجيهات وسلك الدبرياج سليم 4:متاكد ان انت وانت ماشى يبقى معاك على الاقل 10 فيوزات هتلاقى العشرة ب 2 جنيه 5:تذود زيت لو ناقص وتبقى متاكد ان كله تمام ونفس الكلام بالنسبة للمياه تذود الردايتير لاخر وذود القربه لغاية نهاية العصاية اللى موجوده جوه القربه 6:تبقى متاكد ان فوانيسك واشاراتك كلها تمام 7:تفول التنك يوم السفر لغاية الاخر وخالى جركن معاك حوالى 5 الى 10 ليتر احتياطى معاك بس كده وعلى فكره الاحتياطيات ديه مش فى ال 128 بس لا ديه فى كل انواع العربيات بس انا حبيت اقولك بس كده علشان تبقى مطمن وعلى فكره ال 128 عربية جميلة وتسافر وبتجيب اكتر من ال 100 كمان بس لو انت محافظ عليها وبتصرف عليها يعنى متجيش تقول اديها على دماغها ومش عارف ايه هتهين العربيه هتهينك وعلى العموم انا عامل مصروف للعربيه بتاعتى كل شهر فى حدود 200 الى 250 جنية شهريا والحمد لله عمرها ما عطلت معايا ولا عمرها عملت معايا حركة ندالة الحمد لله واخر حاجه متنساش تبقى تتطمن على فلتر الهواء وفلتر البنزين وتطمن ان الزيت سليم ومش مستهلك على الاخر يعنى تطمن انه لسه معملش الكيلو مترات بتاعته وطول ما انت مسافر تخلى عينك على لمبة الزيت وعداد الحرارة وشغل قران طوال طريق السفر علشان رنا يبقى معاك وتكسب حسانات طول ما انت مسافر ولو عاوز اى استفسار عن العربية تقدر تبعتلى رسالة على الخاص وانا باذن الله هفيدك باذن الله اخوك فى الله سيد

كلام مفيد جداوزى ماحضرتك قولت مش 128بس لازم الكلام ده يتم مع اى عربية تسافربيها