استفسار عن البطارية والدينامو

[korky]

انا معايا عربية لادا 2015 فجاة لقيت البطارية فاضية مافيهاش نقطة مية واتنفخت اضطريت اغير البطرية لقيت الكهربائى بيقولى الدينمو كمان بايظ عايز يتغير المهم غيرت بطارية وديمنو استيراد اتظبطت شوية وفجاة لقيت العربية عملت نفس الحكاية البطارية مطرح الغطيان بتاعت المية مرشحة وتحس ان كهربة العربية نفسها ضعيفة معى العلم ان الكتاوت بتاع الدينمو داخلى مش خارجى ياترى العيب فى اية ياريت حضراتكم تفيدونى وشكرا واسف على الاطالة

[eng/walaaeldeen]

السلام عليكم
الى اعرفه انه لو الدينامو بيشحن زياده ينشف البطاريه وينفخها
والله المستعان

[ahmedfaash]

المشاركة الأصلية كتبت بواسطة korky انا معايا عربية لادا 2015 فجاة لقيت البطارية فاضية مافيهاش نقطة مية واتنفخت اضطريت اغير البطرية لقيت الكهربائى بيقولى الدينمو كمان بايظ عايز يتغير المهم غيرت بطارية وديمنو استيراد اتظبطت شوية وفجاة لقيت العربية عملت نفس الحكاية البطارية مطرح الغطيان بتاعت المية مرشحة وتحس ان كهربة العربية نفسها ضعيفة معى العلم ان الكتاوت بتاع الدينمو داخلى مش خارجى ياترى العيب فى اية ياريت حضراتكم تفيدونى وشكرا واسف على الاطالة

حضرتك بالنسبة لحكاية الميه دى ليها عوامل كتير بمعنى العربية بتشتغل كتيير فى اوقات حرارة جامده فبتسبب تبخر الميه او انتا مثلا اهملت البطارية سنة او اكتر من غير ميه لحد ما نشفت او مثلا الشحن عالى عليها جدا لحد ما نشفها

المشاركة الأصلية كتبت بواسطة eng/walaaeldeen السلام عليكم الى اعرفه انه لو الدينامو بيشحن زياده ينشف البطاريه وينفخها والله المستعان

معاك فى السبب ده


طيب الحل ايه بسيط جدا روح لكربائى تانى وقيس الدينمو لوحدو بمعنى فك كبل من البطارية والعربية شغالة ودوس بنزين وشوف الكهربا اللى طالعة من الدينمو كام لو كانت فى حدود 13.5 الى 14 فولت يبقا تمام اعلى من كده خصوصا مع دوس البنزين يعنى بتزيد وتقل مع البنزين يبقا الكتاوت بتاعتو بايظة ومحتاج تجيب كتاوت خارجى ودى سعرها رخيص وتركيبها سهل
طيب المشكلة مش فى الكتاوت يبقا المشكلة فى الدينمو او البطارية بمعنى انك البطارية القديمة كانت مثلا 66 امبير وانتا جبت بطارية 70 وبتمشى فترة قليلة بالعربية فمتلحقش تشحن كويس
او الدينمو اللى انتا حبتو ده مش بيشحن البطارية كويس لانو ضعيف