أدعو كافة الاعضاء للقراءة بعقلانية و دون هجوم بدون مبرر

[alref]

موضوع جميل و كلام في الجون

بس برضو هنرجع للي قولناه زمان..الصيني في منه درجات
هتلاقي عربيات صيني في امريكا..بس مش ممكن تلاقيها بالمواصفات اللي موجودة في مصر..بالذات الأمان

اللي هنا رخيص علشان خاماته رخيصة..
خلي الوكيل يجيب خامات محترمة و هتلاقي سعر عالي
بس وقتها ماحدش هيشتري علشان هيبقي زي سعر التويوتا
كل واحد هيقولك اشتري ياباني احسن

بس كلها كام سنة..و هتشوفوا الصيني هيعمل ايه في السوق
زي ما واكل سوق الكمبيوتر و الأجهزة المنزلية..هياخد ربع سوق العربيات علي الأقل
و ربنا يستر

[hazem_khidr]

الموضوع مش كده يا دكتور
معايير الجوده ممكن تختلف في الاقمشه و العاب الاطفال و الحاجات دي.
انما العربيات ليها معايير تانيه
يعني مش حينفع يعمل سبيكه للموتور اللي بينزل مصر تعبانه و سبيكه كويسه للموتور اللي بينزل امريكا!!!
الخامات واحده ماينفعش الوكيل يلعب فيها الا في اضيق الحدود مش بيبقي عنده مساحه
كبيره علشان يعرف يسترخص.
يعني المواتير اللي بتنزل هنا و الشاسيهات و العفشه هيا نفسها اللي موجوده في اي مكان في العالم.
بصراحه انا اول مره اعرف ان امريكا فيها صيني و استحاله يكوون تمنه زي تمن التويوتا
لاختلاف الايد العامله و مصاريف التطوير و ما الي ذلك

[alref]

معلش يا حازم ماظنش ان العربيات الورق و انعدام عوامل الأمان ممكن تتباع او تنزل اصلا في اسواق اوروبا و امريكا
مش هيقبلوا اصلا يدخلوها السوق

اكيد العربيات اللي بتنزل برا مصر بتتقيد بعوامل امان معينة و اشتراطات و مواصفات محترمة
هنا كله في الكليتش
كفاية ان التوكيل بيشيل الأير باج من العربيات
يا عم دا احنا في الضياع خالص

[حازم شاهين]

هو فيه ملحوظة عايز أضيفها خاصة بالأسعار و هى
أولا رخص العمالة الصينى بالمقارنة باليابانى و الأوربى و الكورى حتى
يعنى جزء من الفرق فى الأسعار راجع لتكلفة العمالة (انا بقول جزء بس علشان صناعة السيارات مش بتعتمد على العمالة بنسبة كبيرة)
الجزء التانى هو مصاريف البحوث و التطوير (نسبة محترمة من تكالف الشركات الكبيرة بتكون لتطوير الأنظمة المختلفة فى السيارة - و هى السبب الحقيقى لظهور الإختراعات المذهلة اللى كل شوية تطلعلنا من الشركات الأوربية مثلا) و أعتقد إن الشركات الصينى مريحه بالها من موضوع التطوير ده خالص بتستخدم بس التكنولوجيا الموجودة بدون تعديل أو تطوير فيها ( صحيح ممكن يكونوا بيستخدموا أحدث تكنولوجيا فى السوق) لكن مبيصرفوش كتير علشان يطلعوا ابتكار خاص بيهم يطور عربياتهم (لسه فى ابتدائى يا جماعة)

المهم الشقين اللى فاتوا دول ممكن يأثروا على سعر أى عربية بالإضافة للكلام اللى اتقال قبل كده بخصوص الخامات

[Ahmed Anwer]

المشاركة الأصلية كتبت بواسطة oldman فى هذه المشاركة أدعو كافة الأطراف للقراءة بعقلانية و دون هجوم بدون مبرر على صناعة السيارات الصينية •السيارات الصينية مثل أى سيارات فى العالم (مفاجأة مش كدة ) طب تعالى نشوف النقاط التالية و هى خلاصة كل نقاط هجوم الأعضاء على الصينى و بعدين أترك الحكم للأعضاء: 1-بعض الأخوة ينتقدوا تقليد السيارات الصينى لبعض الموديلات السابقة لسيارات أخرى !! لماذا لم تنتقدوا الأكسنت و الأكسيل عند بداية ظهورها و هى تقليد للهوندا سيفيك والأكورد دا حتى إسم هيونداى نفسه تقليد (يعتى الصينيين لم يصلوا لتقليد الإسم كمان) لماذا لم تنتقدوا ميكروباصات النيسان الجديدة والهيونداى و هى نسخة من التويوتا موديلات التسعيتيات هيونداي كلمة كورية تعني ..... الحديثة و مش فاهم ايه الميكروباصات اللي شكل بعضها دي !!! 2-البعض ينتقد وجود أكثر من توكيل لنفس الشركة (مثل الشيرى) و يقولون أن ذلك لأجل المبيعات!! إخوان مقار هو توكيل الأوبل فكترا و منصور أوبل هو توكيل الأسترا (ولا تعلبق) الصراحة معرفشي المعلومة دي و مش مصدقها اعتقد مقار مجرد موزع و مركز خدمة معتمد 3-آخرين يقولون أن تقفبل الصينى أى كلام !! هل رأيتم السوزوكى سويفت (عند بداية نزولها) و دى يابانى و هل يعجبكم أوى تقفيل الشاهين والأكسنت المجمعة فى مصر (بصراحة بعض الصينى أنضف منهم وشوف تفقيل الشيرى مثلا) وهل تعلم أن أحد معارفى كان معاه دايهاتسو سيريون و مفتاح أتوماتيك الشباك باظ بعد 6 أشهر ولم يستطع التوكيل حل المشكلة لعدم توفر قطعة الغيار (هذا الموضوع بقاله 4 أشهر و مازال الشباك مفتوح) متفق معاك في دي مش كل الصيني تقفيله وحش و بحس ان الناس اول ما بتقعد في عربية صيني بيتفلحسوا فيها بزيادة 4-بعض الناس يقولون أن معامل الأمان ضعيف فى الصينى!! هل رأيتم إختبارات الأمان فى الانوس 2002 و الفيرنا (وهى معروفة بإسم الأكسنت بالخارج) والأفيو 2005 دي عربيات تكنولوجيا قديمة و موديلات قديمة انتهي تصنيعها في الخارج و اللي بيشتريها عارف كده ، لكن العربيات الصيني الغالي و الرخيص و القديم و الجديد كه ضايع في اختبارات الامان ( حتي الآن ) 5-مشكلة عدم توفر قطع الغيار!! العديد من الموديلات الأخرى بها نفس المشكلة مثل المازدا والانشيا والسيتروين و لكن ما يميز الصينى أن موديلاته هجين من عدة موديلات يعنى تقدر تولف عليه أى قطع غيار و كل الموديلات دي مش ناجحة في السوق و معالهشي اقبال و مالهاش اعادة بيع 6-الببعض ينتقد الصينى ويقول أن السيارات رقيقة و هشة !! هذه النقطة فى أغلب السيارات الحديثة و ذلك لأغراض تجارية ولزيادة سرعة السيارة مع تقليل قدرة المحرك وأعتقد أن الأكسنت والانوس و الكيا و حتى التويوتا ليست بها صاج 8 مم مثل الشيرى متفق معاك فيها 7-النقطة الأخيرة وهى أن البعض يقول أن توكيلات الصينى فى مصر سيئة!! هذا العيب عندنا نحن وليس الصينين لهم ذنب فيه و على فكرة توكيل الدايهاتسو اليابانى و السيتروين الفرنسية من أسوأ التوكيلات فى مصر لعدم توفر أغلب قطع الغيار عندهم بس في كل الأحوال محدهش من توكيلات السيارات العالمية ذات الأسم المعروف بيقفل او بيبيع شروة و يخلع زي ما حصل للعربيات الصيني وحتي لوده حصل تاني يوم خمسين واحد هيتاخنقوا عشان ياخدوا التوكيل ، هذا هو ملخص إنتقادات الأعضاء و أعتقد أن النتيجة فى النهاية ( السيارات الصينية مثل أى سيارات فى العالم) وأنا أتقبل الردود من الأعضاء وياريت ننظر فى الجانب المشرق لهذه السيارات ذات الأسعار المناسبة منقول

الردود في الاقتباس