صيانة 1000 كم للسيارة مازدا 3 2010

[alymonir]

المشاركة الأصلية كتبت بواسطة sam ram الف مبروك على الالف وعقبال ما نقول مليون مبروك على صيانه المليون بس حضرتك متقلقش من الحاجات الصغيره استهلاك البنزين ان شاء الله يتظبط مع الاستخدام و التليين وموضوع التكييف جرب انك تشغله فعلا ... يعني شغل الهوا الاول ... ولما تحس انه ساقع شغل التكييف ... بس يا ريت تكون في الشمس ويوم مش برد ... والا فعلا حتلاقي الهوا اللي برا ساقع زي التكييف وممكن تكون الحته اللي اشرت مع فتح الباب مره حك في رصيف عالي فعمل كده ... بس هو الريزرف اللي كبير شويه .. اول مره اسمع عن ريزرف 13 لتر !!

الله يبارك فيك
موضوع البنزين كذا واحد أكد لي المعلومة دي
بس هل 10 لتر/100 كم معدل طبيعي لسيارة ياباني 1600 105 حصان ؟؟؟
الهواء أسقع لما باشغل التكييف , ها ممكن يكون التكببف له مرحلتين مثلا ؟؟
الريزرف فعلا كبير بس في واحد صاحبي معاه سيفيك و قالي إن الريزرف كبير عنده برضه , الظاهر إن الياباني الجديد كله كده !!
شكرا على ردك

المشاركة الأصلية كتبت بواسطة sad-bird الف مبروك يا استاذ على وعقبال لما تعمل صيانة المليون وكمان تعمل صيانة ال وحش الجديد mazda shinari concept بس متنساش انا حاجز لفة بقالي سنتين هههههههههههههههه

الله يبارك فيك
إن شاء الله المرحلة الجاية ناوي عليها بس كمان خمسين سنة إن شاء الله تكون انتشرت شوية علشان قطع الغيار

[mohamed456]

المشاركة الأصلية كتبت بواسطة alymonir الله يبارك فيك هي بدأت تنتشر بس مش أوي لدرجة اني لما بشوف حد راكبها بازمره و أرعشله و هو كذلك برضه الله يبارك فيك يا حازم باشا صاحي لحد دلوقتي , على غير العادة إن شاء الله خير علشان خاطرك حاكمل الموضوع مع اني ماكنتش ناوي أكمله دلوقتي ( للتشويق ) , بس واضح إن مفيش حد مهتم بالمازدا قوي 1- طبعا أول حاجة سألت على قطع الغيار فجيبتهالكم بس دي عايزة موضوع مستقل و تفرد صحفي خاص و جائزة من المنتدى 2- سألته على الهواء البارد يأتي من فتحات تكييف السيارة عند وضع الهواء من الخارج من أسفل الزجاج الأمامي فقط , كنت شاكك إن التكيف بيشتغل بالغلط فقالي إن التكييف مش شغال على الوضع دة إلا لو شغلته , بس مش عارف , لحد دلوقتي حاسس إن الهواء أسقع من درجة حرارة الجو الخارجي لدرجة إنه أحيانا بيشبر الازاز 3- كان فيه جزء صغير جدا في حرف الباب الأمامي شمال ( دائرة قطرها 5مم تقريبا ) زي ما يكون البوية متقشرة فيها ( مش مني و الله أنا استلمتها كدة ) و لا أظن إن صاحب المعرض اللي اشتريتها منه لأنه لا يوجد اثار أخرى لخبط أو احتكاك فقالي إنها لا تمثل أي مشكلة و لا ضرر على الصاج مستقبلا , و دي برضه شاكك فيها 4- استهلاك البنزين عالي حبتين فقالي إن ده طبيعي , و دي أكتر حاجة مستغربها حوالي 10 لتر لكل 100 كم ( متوسط مدينة و سفر ) أنا حاسس إنه عالي جدا + إن احتياطي التانك كبير جدا , اللمبة بتنور و بيكون فاضل حوالي 13 لتر في الخزان برضه لا تعليق ودي من أكتر الحاجات اللي مدايقاني لحد دلوقتي

انا فى واحد رعشى فى مدينه نصر معاة مزدا 3 2009 ممكن تكون انتا
انا معايا المازدا 3 2010 زينون و عملت ال 1000 كم بس انا كنت عايز اعرف منك انا لازم اخد العقد الصيانة عشان لحد دولوقتى مستلمتش عقد الصيانة
و كمان كنت عايز اسءل الكمبيوتر بيخرف عندى ........... بيعمل معدل استهلاك 12.9 و لما حسبتها بيعمل 7.3 ؟؟؟؟؟؟؟؟؟؟؟؟؟؟؟؟؟؟؟؟؟

مبروك والف مبروك
وعقبال الا 1000000 ان شاء الله
وربنا يباركلك فيها

[alymonir]

المشاركة الأصلية كتبت بواسطة mohamed456 انا فى واحد رعشى فى مدينه نصر معاة مزدا 3 2009 ممكن تكون انتا

مين رعشي دة ؟ , على العموم مش أنا لأني في اسكندرية
انا معايا المازدا 3 2010 زينون و عملت ال 1000 كم بس انا كنت عايز اعرف منك انا لازم اخد العقد الصيانة عشان لحد دولوقتى مستلمتش عقد الصيانة
و كمان كنت عايز اسءل الكمبيوتر بيخرف عندى ........... بيعمل معدل استهلاك 12.9 و لما حسبتها بيعمل 7.3 ؟؟؟؟؟؟؟؟؟؟؟؟؟؟؟؟؟؟؟؟؟[/QUOTE]
و أنا معايا البيزك و عملت الصيانة في مركز خدمة أبو رواش
مفيش حاجة اسمها عقد صيانة , فيه دفتر صغير بتستلمه مع شراء العربية بتتسجل فيه الصيانة و دة لازم يكون معاك لأنه بيثبت حقك في الضمان
بالنسبة للكمبيوتر أنا معرفش بس أسألهم في التوكيل لما تروح إن شاء الله
بالتوفيق

المشاركة الأصلية كتبت بواسطة walidelwahsh مبروك والف مبروك وعقبال الا 1000000 ان شاء الله وربنا يباركلك فيها

الله يبارك فيك
1000000 كم بس ؟

[احمد باشا]

اولا الف مبروك علي العربيه وربنا يكفيك شرها
ثانيا انا ناوي اجيب المازدا نفس الفئه بتاعت حضرتك فكنت عاوز اعرف اسعار قطع الغيار و هل هي موجوده بره التوكيل ولا لا
وكنت عاوز اعرف فين مراكز الصيانه بتاعت المازدا سواء في القاهره او المحافظات
وهل بعد التجربه تنصحني اجيبها ولا اروح لعربيه تانيه ؟؟
وياريت صور للعربيه من جوه لان الصور الي حضرتك حاططها في التقارير مش شغاله
انا بفكر في اللون الازرق او الاحمر .... راي حضرتك احسن لون لايق علي العربيه ايه ؟

وشكرا ليك