اصحاب الموتوسيكلات الصيني .......انتبهوا!!!!

[SmoothRider]

المشاركة الأصلية كتبت بواسطة كاكا اما بالنسبة لموضوع من يحمل اسرته على الموتوسيكل فهو ليس ناتج عن غباء بل ناتج عن فقر و ضيق حال اضطره غصب عنه ان يفعل ذلك حتى يتجنب بهدلة المواصلات و التصاق الناس بزوجته . و كما يركبه الطالح يركبه ايضا الصالح و من هو احسن منا اخلاقا و هذا الامر ينطبق على من يركبون السيارات فلا يجب التعميم و يجب مراعة اخوانكم فى الوطن التى اضطرتهم الظروف للموتوسيكل الصينى و يجب ان نراعيهم اثناء القيادة و لا نتغابى معهم . .

وعليكم السلام ورحمة الله
على فكرة الناس هنا مش بتتكلم على الصيني كموتوسيكل
بنتكلم على السلوكيات المرفوضة لبعض الناس اللي راكباه
وبالأخص حاجتين:
1.عدم ارتداء ملابس الوقاية
2. تحميل الموتوسيكل بأكثر من شخصين

وكلامك عن إن كل شيئ فيه الصالح والطالح مضبوط
وأيضا فكرة إن سائقي الموتوسيكلات الصيني بيتعاملوا وحش على الطريق من سائقي السيارات صحيح وأنا مجربه بنفسي وقت كنت بتعلم على موتوسيكل صيني

فبرجاء عدم الإحساس بأن هناك من يستعلي على الآخرين هنا
لأن كل تعاملاتي مع الناس في القسم ده والمنتدى عامة بتقول إن الناس هنا لا تؤذي أحدا بالكلام وناس محترمة وكمان وقت ما تحتاجهم تلاقيهم يساعدوك من غير انتظار مقابل أو غيره.

وعامة أنا بعتذر ليك عن أي فكرة مش تمام اتنقلتلك عن الناس هنا ونظرتهم لغيرهم.

[SmoothRider]

المشاركة الأصلية كتبت بواسطة Jack Box متشكرين لزوق سيادتك في الرد ودي اهانه ليا شخصيا لاني صاحب الموضوع وارجو من الاعضاء المحترمين عدم الرد في هذا الموضوع مره اخري لو سمحت وانا احتراما لحاجات كتير اوي كان ممكن ارد عليك كويس

اعذره يا عمنا
هو داخل شايط وشاط في الكل
معلش

[nktis]

المشاركة الأصلية كتبت بواسطة Jack Box متشكرين لزوق سيادتك في الرد ودي اهانه ليا شخصيا لاني صاحب الموضوع وارجو من الاعضاء المحترمين عدم الرد في هذا الموضوع مره اخري لو سمحت وانا احتراما لحاجات كتير اوي كان ممكن ارد عليك كويس

غريبه بصراحه رد الاستاز. انا اللي قلت غلط انه بيركب هو والاسره. وانا هو معايا صيني .
رجاء تقرا كويس الردود وبعد كده ترد

[كاكا]

يا جماعة انا لا شايط و لا حاجة و اظن اهانات الناس واضحة اوى للى بيركب الصينى و وصلت الى الحد ان واحد داخل يقول دول ناس بايظة و بلطجية و عادى جدا
و مافيش حد منكم دخل و قاله عيب اتقى ربنا فى كلامك و بطل نبرة الاستعلاء دى دة كلنا فى الاخر سواء امام الله

واضح ان اللى يقول كلمة حق فى البلد دى دلوقتى يبقى وحش و بيشتم غيره و الغلطان مش عايز يقول انا غلطان كله فاكر نفسه فوق الخطأ و للا يجوز نقد كلامه الخاطىء

على العموم ربنا يهدى الجميع

[nktis]

يا استازي انا راكب موتسكل صيني ومفيش حد اهاني او شتمني . كل التعليقات وانا منهم علي وسائل الامان وثانيا اللي بيركب ويركب مراته وعياله ؟؟ الصيني معمول يشيل واحد مش اربعه