انا نازل اشترى لادا 2107 بعد كام يوم. يرات لو تسعدونى الله يخليكم

[محمد عبد الحليم 2012]

سلام عليكم جميعا... انا نازل اشترى لادا 2107 ان شاء الله بعد كام يوم سمعت من بعض الناس انها بتسخن فى الصيف هل الكلام دة صحيح؟ ولو كدة يبقى الحل اية؟
يرات تشاركونى خبراتكم مع العربية دية.

[mira lada]

طول ما انت بتحافظ على دورة التبريد و بتستخدم مية زرقاء الخاصة بالراديرات مش حتحس بالمشكلة دى.

[mr_astra]

مبروك مقدما
نصيحة ليك
ما تسمعش كلام الميكانيكى لما يؤلك نشيل ثرموستات الكوعة عشان مياة التبريد تروح للردياتير على طول من اول ما تدور العربية وهاؤلك كدة هاتبرد احسن لانها مصنوعة فى روسيا وما تمشيش مع الجو بتعنا
خليها زى ماهى وبامر الله مش هاتسخن
ولا يؤلك نجيب ثرموستات بتاع الردياتير 80/62 عشان المروحة تشتغل بدرى
خليها على طبيعتها وبامر الله مش هاتسخن نهائى فى عز الصيف
وما تسمعش كلام الوكيل او اللى مكتوب فى الحوض ان زيت موبيل xhp هو المفضل ليها لانة زيت سىء جداااااااااااا وعبارة عن صفقات تجارية
لينها انت بس وتعاللنا واحنا نظبطلها الزيت بتعها

[mira lada]

المشاركة الأصلية كتبت بواسطة mr_astra مبروك مقدما نصيحة ليك ما تسمعش كلام الميكانيكى لما يؤلك نشيل ثرموستات الكوعة عشان مياة التبريد تروح للردياتير على طول من اول ما تدور العربية وهاؤلك كدة هاتبرد احسن لانها مصنوعة فى روسيا وما تمشيش مع الجو بتعنا خليها زى ماهى وبامر الله مش هاتسخن ولا يؤلك نجيب ثرموستات بتاع الردياتير 80/62 عشان المروحة تشتغل بدرى خليها على طبيعتها وبامر الله مش هاتسخن نهائى فى عز الصيف وما تسمعش كلام الوكيل او اللى مكتوب فى الحوض ان زيت موبيل xhp هو المفضل ليها لانة زيت سىء جداااااااااااا وعبارة عن صفقات تجارية لينها انت بس وتعاللنا واحنا نظبطلها الزيت بتعها

امال نستخدم زيت اية يا باشا دة انا مش بحط غير موبيل XHP من يوم ما جبت العربية.....ارجو الافادة.

[mr_astra]

المشاركة الأصلية كتبت بواسطة mira lada امال نستخدم زيت اية يا باشا دة انا مش بحط غير موبيل XHP من يوم ما جبت العربية.....ارجو الافادة.

الزيت دة سىء جدا جدا جدا لا يمشى مع لادا ولا غيرها
الزيت دة كويس اول 800 كيلو وبعد كدة معدل البخر بتاعة عالى اوى
لو عاوز زيت كويس ( من وجهه نظرى ومتجرب)
يبىقى تحط موبيل دلفاك ام اكس 3 + علبة زيت ابرو
وتعالى بعد الف كيلو نتكلم ونشوف هاتقول اية علية