حد عاقل يعمل كدة (سخونة الـ لادا 2107)

[borio1704]

http://masrmotors.com/vb/showpost.ph...79&postcount=6
http://masrmotors.com/vb/showpost.ph...20&postcount=8

مقتبس بتصرف من مشاركتي في الروابط أعلاه

خطأ شائع إن: "ثرموستات الكوعة مخصص للدول الباردة"

الدول اللي الجو عندهم بارد مشاكلهم في المية مش الثرموستات... لإن المية بتجمد في الشتاء، وحتى لو الثرموستات موجود وشغال كويس، المية بتبقى متجمدة في الرادياتير ... وبرضو الموتور بيجيب وش سلندر علشان بيسخن ومفيش ميه دخلت تبرده (ماهي متجمدة في الرادياتير)

المشكلة دي بتتحل عندهم بإنهم يحطو مية خضرا في الرادياتير

إنما ثرموستات الكوعة شغلته إنه يحافظ على درجة حرارة التشغيل ثابتة من غير تأثر بالجو الخارجي، يعني لما تمشي في الزحمة العربية ما تسخنش، ولما تسوق على الصحراوي العربية ما تبردش.

وأكبر إثبات على كلامي... ليه العربيات في الخليج (اللي جوهم أحر جو في العالم) ما بيشيلوش الثرموستات من عربياتهم؟؟؟؟؟

لإن ببساطة.... ثرموستات الكوعة مظبوط على درجة حرارة التشغيل... مش درجة حرارة الجو، فمهما اتغيرت درجة حرارة الجو ساقع أو سخن... هيفضل الموتور سخن ويديك أعلى كفاءة تشغيل وعمره يطول.

[desiel]

المشاركة الأصلية كتبت بواسطة mr_astra لا دة كان نتيجة التاكيهات المحملة

يعني ايه تاكيهات محملة ؟؟

[Muhammad A]

[mr_astra]

المشاركة الأصلية كتبت بواسطة desiel يعني ايه تاكيهات محملة ؟؟

يعنى الخلوص قليل جدا
ولو بتسال عن معنى كلمة تاكيهات ممكن حضرتك تقرا فى المنتدى شوية وانا تحت امرك لو اى سؤال

[mhamdy75]

المشاركة الأصلية كتبت بواسطة mr_astra جالى صاحبى وهو مهموم عمال يصرف على العربية (لادا 2107 )ما بين ميكانيكى وبتاع ردياتير عشان العربية بتسخن ومش عارف يظبطها المعطيات:- بيانات اساسية موديل 2007 - عداد 50 الف - حالة منتازة البيانات المتغيرة ردياتير الشركة (الومنيوم واحد ماسورة ) مروحة كهربائية (5 ريشة ) ثرموستات الكوعة متشال البطارية بتنام كل شوية العربية بتولع من مشوار خمس دقايق والمياة بتغلى فى القربة صوت الموتور ناعم مش خشن فى بخار زيت طالع من الفايظ طبعا الميكانيكى شال ثرموستات الكوعة عشان العربية دى معمولة فى روسيا ولازم فى مصر تتشال بتاع الردياتير طلب منة انة يركب ردياتير نحاس 3 ماسورة مصانع ومركبلة ثرموستات 80/62 وطبعا المروحة شغالة طول الوقت وبتنيم العربية الخطوات المتبعة فى الاصلاح اشتريت من حمدى لادا ثرموستات الكوعة اللى بيقفل المياة عن الردياتير بـ 55 جنية روسى اصلى اشتريت ثرموستات مروحة 90/80 ونضفنا وسلكنا الردياتير الـ الومنيوم رحت عند الميكانيكى هوينا على التاكيهات شوية وشيكنا على التقسيمة (سير جنزير) النتيجة :- عداد الحرارة ثابت زى الالف فى تلت الاخضر ولا بينقص ولا بيزيد والتجربة كانت يوم السبت 11/8/2012 فى عز الظهر بخار الزيت اللى خارج من الفايظ تلاشى نهائيا الميكانيكى اللى كان ظابطلة التاكيهات قبل كدة كان مخليها محملة عشان يفرحة بصوت الموتور وطبعا دة كان على حساب سخونة زيادة وبرجلة فى المكنة السحب اتحسن جدا جدا الدرس المستفاد ثرموستات الكوعة هو حاجة مهمة ونزعة وتطبيب مكانة بخشبة طريقة غلط خصوصا مع الردياتير الالومنيوم ومن هنا جاء اسم الموضوع "حد عاقل يعمل كدة "...........ولكن ممكن نعمل كدة مع الردياتير النحاس الـ 3 ماسورة ووقتها نركب مروحة تبريد على سير كمان لازم نستفاد ان الثرموستات الـ 80/62 دة بيخلى المروحة تشتغل طول الوقت وبتنيم البطارية

الله ينور

H