برجاء الافادة بالتعديلات على الادا 2017 لجعلها مريحة قدر الامكان ؟؟؟؟

[KHALED89]

اولا أقدم التحية لكل اعضاء المنتدى وارجو ان تقبلونى صديقا لكم
واقدم الشكر لكم لاستفادتى ف الفترة القصيرة لمتابعتى لمواضيع المنتدى الخاصة بالادا
ثانيا : كان ليا طلب لو سمحتوا انا جديد ف السواقة وف مجال السيارات وعندى لادا 2107 موديل 2006 روسى وطبعا انتوا عارفين ان اول حاجة بيدور عليها الى لسه بيتعلم سواقة الراحة والتعديلات وبعد كده بيبتدى يدور على صيانة العربية
فياريت1- لو حد يفيدنى بالتعديلات الى ممكن تتعمل فيها بحيث تخليها مريحة شوية
2- وايه هيا الصيانة الى ممكن واحد مبتدئ يعملها للعربية
3- وايه هى الاعطال الى اخلى بالى منها ف العربية
ومعلش لو كنت طولت عليكوا
وشكرا لكم كثيرا

[mr_astra]

اهلا وسهلا بيك معانا وكل سنة وانت طيب
واعزرنى للرد باختصار لان البنزين عندى خلص خلالالالالالالالاص

الادا عربية جميلة وقوية لكن الدركسيون ممكن يكون تقيل شوية
وعشان يكون مريح وخفيف ممكن نغيير المناول اللى راكب لانة بيكون على جلب نغيرة ونجيب مناول على رولمان بلى بـ 70 جنية
من اسباب تقل الدركسيون بيض المقصات والـ لادا فيها 4 بيضات للمقصات وعشان تجيب حاجة مريحة شوية ممكن نجيب الطقم التركى بـ 120 جنية

[KHALED89]

شكرا لك استاذ mr_astra
وارجو من الاخوة بالمنتدى لو يوجد اى تعديلات اخرى بالنسبة لمبتدئ يقولوا عليها اكون شاكرا جدا
وشكرا لكم جميعا

[KHALED89]

المشاركة الأصلية كتبت بواسطة mr_astra اهلا وسهلا بيك معانا وكل سنة وانت طيب واعزرنى للرد باختصار لان البنزين عندى خلص خلالالالالالالالاص الادا عربية جميلة وقوية لكن الدركسيون ممكن يكون تقيل شوية وعشان يكون مريح وخفيف ممكن نغيير المناول اللى راكب لانة بيكون على جلب نغيرة ونجيب مناول على رولمان بلى بـ 70 جنية من اسباب تقل الدركسيون بيض المقصات والـ لادا فيها 4 بيضات للمقصات وعشان تجيب حاجة مريحة شوية ممكن نجيب الطقم التركى بـ 120 جنية

ممكن لو سمحت تشرحى اعرف ازاى يبقى ف عندى بوش ف الدركسيون واصلحه ازاى وايه مدى خطورته ؟؟؟؟

[ahmadmomo]

السلام عليكم ورحمه الله وبركاته
اولا البوش البسيط فى اللادا مش خطر بالعكس هو بيدى سهوله فى الدركسيون شويه ولكن من زيادة البوش بتحس بتعويم فى العربيه وانت ممكن تعرفه وانت واقف بالعربيه وتحرك الدريكسيون يمين وشمال هاتلاقى انك بتحرك الدركسيون والعجل مش بيتحرك
الاهم من البوش انك لو لاحظت صوت طقطقه فى المقصات مع التحرك والتوقف يبقى لازم تروح لعفشجى علشان يغيرلك البيض ونصيحه ماتطننش للصوت دا لانو ممكن البيض يملص منك على الطريق لا قدر الله وربنا يوفقك للى فيه الخير