ضبط زوايا ولا حاجة تانية

[queen]

معلش هسأل هو ايه الفرق بين ظبط زوايا واتزان وترصيص العجل
عشان انا الدركسيون بيرتعش منى جامد بعد 100 والاخوه هنا نصحونى اظبطهم
لانى ناويه اعملهم فى بنزينه بس دايما ادور فى البنزينات وعمرى ما صادفتهم كاتبين الترصيص ده هو له اماكن مخصوصه

[احمد على 1999]

المشاركة الأصلية كتبت بواسطة queen معلش هسأل هو ايه الفرق بين ظبط زوايا واتزان وترصيص العجل عشان انا الدركسيون بيرتعش منى جامد بعد 100 والاخوه هنا نصحونى اظبطهم لانى ناويه اعملهم فى بنزينه بس دايما ادور فى البنزينات وعمرى ما صادفتهم كاتبين الترصيص ده هو له اماكن مخصوصه

الاتزان هو الترصيص اللي هو محاولة ظبط مركز ثقل العجلة في المركز عن طريق وضع حتت رصاص علي الجنط يا إلا العجل مش حيبقي متزن شبه غسالة فيها غسيل متكوم في حتة و باقي الغسالة فاضي فمع الدوران الغسالة حتتهز
و عربيتك محتاجة ترصيص

اما الزوايا فببساطة ظبط استقامة العجل بطريقة متماثلة لضمان عدم انحراف العربية و اشياء اخري

[I.fouad]

خلي بالك ان الاثنين بيتعملوا في مكان واحد ومفيهمش تعب ( ضبط الزوايا والترصيص )