افضل انواع البطاريات للفيرنا؟

المشاركة الأصلية كتبت بواسطة tonsy1979 مع احترامى الشديد ليك يا استاذ محمد السائلة افضل بكتير من الجافة لان البطارية السائلة ممكن صيانتها ومعالجتها اذا المياه جفت او نقصت انما الجافة لو مايتها نقصت هتزودها ازاى وعلى فكرة كل البطاريات الجافة الموجودة فى السوق تعبانة وكبيرها سنة وتغيرها

يا جماعه انا فعلا نفسي اجيب الجافة علشان البطارية السايله ساعات بتسقط ميه من الفاتحات بتاعتها وانا خايف انها تربي صداء في القاعده بتاعتها

والبطارية السايله قاعده في العربية بقالها 4 سنين عندي لو جيبت الجافة هتقعد نفس المدة ولا هتخرب بيتي

[M.TONSY]

المشاركة الأصلية كتبت بواسطة corsair يا جماعه انا فعلا نفسي اجيب الجافة علشان البطارية السايله ساعات بتسقط ميه من الفاتحات بتاعتها وانا خايف انها تربي صداء في القاعده بتاعتها والبطارية السايله قاعده في العربية بقالها 4 سنين عندي لو جيبت الجافة هتقعد نفس المدة ولا هتخرب بيتي

كورسير باشا حبيب قلبى بعد الشر على بيتك اسمع كلامى واديك مجرب السائلة افضل وبعدين مسائلة المية دى خد بالك وانت بتزودها ومتخلهاش تعدى العلامة بتاعة كل عين من جوة انا عندى كبيرها بتعمل بخر بسيط من برة العين بس انما لو الميه مظبوطة وبتدلق من الفتحات الجانبية ابقى راجع شحن البطارية لان لو شحنها زيادة تخلى المية بتفور وتعلى فبالتالى تنقص شوفت بقى السايلة افضل انما لو جافة وميتها نقصت هتعمل ايه ابقى نديه حقن ههههههه

[heshamcar]

الحمد لله يا جماعة انا استخرت الله و اشتريت ِa c dilco
السعودي الجافة امبارح ب 400 جنية + القديمة من عند ابو اسماعيل بمصطفي النحاس و سايبها علي الله بعد الخلاف القائم سائلة ام جافة
لكن اللي خلاني اميل ليها فعلا كلامك يا سيد corsair عن التمليح و الصدا لان دة انا شفتة عني في الحوض بالفعل.
و علي فكرة هي ضمان استرجاع حتي لو يوم 29 في الشهر ال12 في سنة الضمان بدون اي تحمل ووكيلها منصور شيفورلية مش زي الفارتا
و ربنا الستار

[khaabas]

اعتقد ال 70 فعلا احسن لان 55 اللى مركبلها وبالرغم ان مبقلهاش الا 6 شهور ابتدت تخنقنى وعاوز اقيسها

[M.TONSY]

فعلا 70 امبير انسب حاجة للفيرنا خصوصا الكاملة