حد حس بكده وهو بسوق الاسبيرانزا

[مادا]

لما بستعمل الديركسيون او الفتيس بتاع عربيتى الاسبيرانزا a113 بحس بالم فى عظام يدى فى حد منكم حس بكده وهو سائق الاسبيرانزا وهو ممكن استبدل الفتيس والدركسيون بغيرهم يارريت حد يرد عليا

[aymanlaw]

شىء غريب!!!!!!!متابع بأهتمام

[azzat 55]

من رأيى المتواضع دة حالة فردية

[مادا]

طب فى امكانية انى اغير الفتيس والدريكسيون ولا لئه

[احمد الشناوى1981]

فعلا فى فروق بين عربيات الاسبيرانزا و انا شفت دا بنفسى لما جربت عربيه a113 موديل 2007 لقيت الدركسيون بتاعها اخف بكتييير من عربيتى
ثانيا بالنسبه لموضوع الفتيس برضة شفت عربيه موديل 2010 كان الفتيس بتاعها ناعم زى اى عربية كورى و انا كان الفتيس عندى تقييل و لما رحت التوكيل قالو ان طبيعة العربية كدة و مفيش عندهم حل للموضوع دة و بعد كدة فى ميكانيكى كان شغال فى التوكيل و فتح بره لما رحتلو زيت الاتياش بتاعة عصاية الفتيس الى بتبقا تحت الكفر الجلد الى مغطى العصايه و كمان زيت الاتياش الى فوق الفتيس وده بعد ما رش عليها الاول wd40 و الموضوع دة اخد 10 دقايق و الفتيس اتحسن بشكل كبير جدا و ان لم يكن زى العربيه ال 2010 الى كنت جربتها بس اهو اتحسن
عموما العربيات دى على قد فلوسها يعنى متنتظرش انها تكون مرسيدس او بى ام