ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

[محمدصلاح القاضى]

طيب ياريت ترفع لى الصور بتاعت فواتير وتقارير الصيانه
للعلم وللوقف بجانبك اذا كان لك الحق فى ذلك

[cmatcho]

العربيه مافيهاش سلك دبرياج دابرياج باكم
سعر الكاتينه للعربيه مناسب جدا لمثلها من الموديلات الاخري
العربيه عامله 120000 من 2008 ممتازه
الكوتش بتاع العربيه غيرته علي 55000 كيلو استهلاك وكان معقول

[حازم شاهين]

ممكن تكون عربيتك فيها عيب صناعة فى العفشة بيخلى الكاوتش يتاكل لكن الكلام ده محصلش معايا بصراحة و أول تغيير للكاوتش معايا كان بعد 3 سنين بالتمام و الكمال و بعمل صيناتى كلها برة التوكيل من بعد العشر تلاف
ربنا يعوض عليك
لك إنت لازم تروح حماية المستهلك و نعمل إجراءات قانونية علشان لو العربية طلع فيها عيب صناعة فعلا

أما بخصوص مندوب التوكيل فى المنتدى فأنا أول مرة أسمع عن المندوب ده يا ريت تقولنا هو مين أو إسم عضويته إيه أو تحطلنا رابط لأى مشاركة ليه

[osa92003]

المشاركة الأصلية كتبت بواسطة مادا اولآ قبل ما احكى الموضوع حد يرد عليا ... لما اربع فرد كاوتش يبوظوا قبل الاربعين الاف .. فرده عملت عالى واطى قبل العشرة تلاف الاولى و حطتها استبن و فرده تانية اسلاها فكت والعربية بتخبت منى فرده اتمسحت تمامآ وماشيه على جانبها علشان طعها العربية الزبالة دى بتفتح والعجل الورانى بيميل وفرده شكلها بقى مقعور شكلها مش عجله خالص وكل الكلام قبل الاربعين ده الف تبقى دى عربية لما تيل فرامل يتغير اربع مرات فى اربعين الف كيلو تبقى عربية دى .. لما عربية تحتاج لضبط زوايا وتربيط عفشة كل شهر على الاقل تبقى عربية دى ... لما عربية كل ما تجرى بيها او تحمل عليها العجله الخلفية بتفتح... تبقى عربية دى

[SIZE="5"][COLOR="Navy"]لما اربع فرد كاوتش يبوظوا قبل الاربعين الاف ..

هو حضرتك عايز الكاوتش يقعد اكتر من ابعين الف؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
فرده اتمسحت تمامآ وماشيه على جانبها علشان طعها العربية الزبالة دى بتفتح والعجل الورانى بيميل
وفرده شكلها بقى مقعور شكلها مش عجله خالص وكل الكلام

يعنى كعقول حصل ده طبيعى وحضرتك مشيت 40000 كيلو بالعربيه ومش واخد بالك ان العجل فاتح وبعدين ايه السيبب ممكن تكون خبطه او حمل زائد بالاضافه الى ان سهل جدا اى عفشجى يقوللك السبب ببساطه يعنى

لما تيل فرامل يتغير اربع مرات فى اربعين الف كيلو تبقى عربية دى ..

استعمال زائد ...وممكن يتم تغيره بره بنوعيه افضل ومش مضطر للتوكيل

لما عربية تحتاج لضبط زوايا وتربيط عفشة كل شهر على الاقل تبقى عربية دى ...

اى واحد عايز يحافظ على عربيته حتى لو مرسيدس فى مصر بالطرق الجميله والمطبات اللى فيها محتاج يعمل كده مش حضرتك

لما عربية كل ما تجرى بيها او تحمل عليها العجله الخلفية بتفتح... تبقى عربية دى

اكشف عند اى عفشجى ويقوللك ايه السببب ماهو ده سبب عند حضرتك بس مش موجود يعنى فى كل العربيات

[hal71]

على فكرة يا جماعة كل اللي شاري عربية جديدة و بيروح التوكيل اللي بيدفعه في الصيانات مش مجرد قطع الغيار و المصنعية لأ طبعاً دي آخر حاجة.
*** إنت في الحقيقة بتدفع الآتي :-

--رسوم الوكالة
-- ثمن إعلانات الجرايد
--تكلفة إنشاء مباني الصيانة
-- ثمن الأجهزة و الإستهلاكات (كهرباء -مياه -معدات-...إلخ) وقيمة صيانات المباني و المعدات
--كمان أجور العمال و حوافزهم و الرعاية الصحية و التأمينات الإجتماعية الخاصة بهم و كمان قيمة الأجازات المدفوعة الأجر الخاصة بهم
-- الأرباح الخاصة بالوكيل
-- الضرائب اللي بيدفعها الوكيل للدولة
**حضرتك إحسب كل ده و حمله على تكلفة المصنعية وقطع الغيار تعرف ليه الحاجة تتعمل بره بقرش و جوه التوكيل بعشرة
**طبعاً كل ما عدد العربيات المباعة يزيد كل ما الفرق ده يقل لكن عمرهم ما هيتساووا أو حتى يقربوا من بعض.
**يعني أنا مثلاً عشان عربيتي قديمة بأصلح عند ميكانيكي و كهربائي ما عندهمش محلات أصلاً(قاعدين في الشارع بجد) لكن محترفين و نضاف جداً و بيرضو بقليله لأن ما عندوش المصاريف الرأسمالية الرهيبة اللي عند التوكيلات.
ده مش معناه إن التوكيلات وحشة لكن معناه إني طالما هأتعامل مع التوكيل يبقى لازم أبقى فاهم ليه الأسعار وهمية

و إن كان ده طبعاً لا يعفي على الإطلاق من سوء الخدمةاللي حصل مع حضرتك