ربنا ينتقم منك يا ابو الفتوح يا نصاب يا شيخ منصر وينتقم من توكيل اسبيرنزا الحرامية

[مادا]

اولآ قبل ما احكى الموضوع حد يرد عليا ...

لما اربع فرد كاوتش يبوظوا قبل الاربعين الاف ..
فرده عملت عالى واطى قبل العشرة تلاف الاولى و حطتها استبن
و فرده تانية اسلاها فكت والعربية بتخبت منى
فرده اتمسحت تمامآ وماشيه على جانبها علشان طعها العربية الزبالة دى بتفتح والعجل الورانى بيميل
وفرده شكلها بقى مقعور شكلها مش عجله خالص وكل الكلام
قبل الاربعين ده الف تبقى دى عربية

لما تيل فرامل يتغير اربع مرات فى اربعين الف كيلو تبقى عربية دى ..

لما عربية تحتاج لضبط زوايا وتربيط عفشة كل شهر على الاقل تبقى عربية دى ...

لما عربية كل ما تجرى بيها او تحمل عليها العجله الخلفية بتفتح... تبقى عربية دى

[مادا]

اولآ : عملت صيانة الاربعين الاف عند الحرامية بتوع ابو رواش .. اتكلفت 1870 جنيهآ .. يعنى كل اربعين الف ادفع المبلغ ده ... مبلغ كتير جدأأأأأ ومبالع فيه


. المهم دفعت المبلع وقلت اخر مره اروحلهم واشوف خلقتهم .
عملولى الصيانه .. ايه هى الصيانه اللى اتكلفت المبلع ده .. تغير طقم كاتينه وبوجيهات وفلاتر وزيت موتور طبعآ نصب وسرقة ..

المهم رحلت علشان استلم العربية اعطولى ورقه عليها ملاحظات . العربية محتاجه تيل امامى وطنابير وسلك دبرياج واربع فرد كاوتش على حسابى .. امال ال1870 اللى دفعتها دفعتها فى ايه
وبعد كده بعد ما استلمت العربية اقسم بالله العربية بتنتش منى ومش عاوزه تمشى ومتلته بمعنى كلمة متلته والبوجيهات اللى ركبوها بايظة تماما .

رحت ليهم تانى وقلتهم عاوز اراجع صيانة الاربعين الف العربية متلته البوجيهات فيها حاجه وكمان المفروض سلك الدبرياج على حساب التوكيل ليه مركبتوش قالولى كالعاده مش عندنا روح الصحراوى انتلاقيى هناك ولو عاوز تراجع الصيانه احجز علشان العدد كتير .. حجزت بعد اسبوع عندهم ورحت الصحراوى علشان اغيرسلك الدبرياج قالولى هناك مش انركبك السلك واللى عملت الصيانه هو اللى يركبهولك .


.. رحت تانى ابو رواش فى ميعاد الحجز علشان اراجع على الصيانه الزفت وقلت ليهم عاوز اغير البوجيهات دى وكمان عاوز اغير سلك الدرياج علشان توكيل الصحرواى رفض يركبوه .. قالولوا انجيب السلك من هناك ونحجزه باسمك بس احجز وانركبه المره الجايه حجزت للمره الثالثه علشان اركب سلك الدبرياج وتركت ليهم العربية علشان يعملوا مراجعه الصيانة .. وبعد ما رجعت قاللولى دى البوجيهات مضبوطه واللى عامل كده فى العربية سلك البوجيه الثانى عاوز يتغير (((وانا واثق ان البوجيهات اللى مركبنها بايظة لانى قبل وما اروحلهم كنت مركب بوجيهات بره التوكيل على حسابى وكانت العربية ماشية كويس ))

بس قلتهم ماشى انا كده كده حاجز عندكم الاسبوع الجاى علشان اغير سلك الدبرياج ابقوا غيروا سلك البوجيه.. ورحت ليهم للمره الثالثه وعرفتهم ايه المطلوب وقلتهم انا حاجز عنكم سلك دبرياج من المره اللى فاتت قالوا عارفين وسبت العربية ورجعتلهم اخر النهار .. لقتهم لا ركبوا سلك الدبرياج ولا غيروا البوحيهات ولا ركبوا سلك البوجيه ولا عملوا فيها حاجة خالص وقالولى العربية كويسة مفهاش حاجه واقسم بالله واللى مش مقصدنى ممكن ارحلوا بالعربية بجربها بنفسوا العربية متلته يعنى متلته وبتقطع وبتبطل منى كمان ..

وبعد اربعين الف كيلو وبعد صيانة دفعت فيها 1870 جنيه فى عربية زبالة متستهلش لقيت نفسى عاوز اغير اربع فرد كاوتش وطقم طنابير وتيل فرامل وبوجيهات وسلك بوجيهات وسلك واير وكل ده على حسابى...

[mira lada]

لله الامر من قبل و من بعد....الظاهر موضوع التوكيلات دة فى مصر محتاج وقفة....مافيش حد راضى عن توكيل عربيتة يا جدعان.

[وائل احمد السيد]

هو دة حال اللى يمشى وراء الصينى الرخيص من غير ما انا اعرف اية الموضوع

[mhamdy75]

انا غيرت كاتينة وبلى فى المتحدة

وفلتر بنزين و تربيط عفشة وكشف وكمبيوتر

ب800 جنيه

ورفضوا تغيير البوجيهات لأنها سليمة

ورفضوا تغيير الطنابير رغم إصرارى

وقاموا بخرطها ب 50 جنيه

وتيل أمامى ب 120 جنيه

و شغل الله أكبر


-----------

ربنا يعوضك خير

ويرزقنا باللى يجيب لنا حقوقنا