|
#1
18-10-2009, 01:32 AM
|
|||
|
|||
أفضل سيارات عملية و مزايا و سعرها أقل من 95000
السلام عليكم،
أنا و مجموعة من زملائي في العمل ممن يبحثون عن إختيار مناسب لسيارة حديثة زيرو، نتناقش منذ حوالي شهر حول الإختيارات المتاحة. جمعنا الإقتراحات و كانت الشروط المطلوبة كالآتي حسب الأهمية: 1- السعر لا يزيد بأي حال من الأحوال عن 95000 جنيه (بس يعني لو حبكت أوي 1000 جنيه بحد أقصى زيادة). 2- السيارة سيدان أساسا ولكن بعض الهاتشباك مستثنى لميل البعض للمظهر الرياضي. سعة المحرك لا تقل عن 1300CC 3- إعتمادية السيارة و راحة ركوبها في الأمام و الخلف. (مش لازم وسع جامد المهم مش خنقة). 4- السيارة أتوماتيك مادام الموديل متاح و السعر أقل من الحد الأقصى المذكور عاليه (لو مافيش يبقى مانيوال) و فول أوبشن. 5- التوكيل على الأقل جيد إلى متوسط و قطع الغيار موجودة و هناك قاعدة جيدة من ملاك السيارة. 6- الأمان في الأساسيات (التحكم و الثبات و قوة الفرامل و حماية الكابينة) - وجود الإيرباج محايد هنا 7- سعر إعادة البيع على الأقل جيد إلى متوسط. 8- إقتصادية إستهلاك الوقود بالنسبة لسعة الموتور. بالتصويت قررت المجموعة استبعاد الموديلات: لانوس، أفيو، اسبرانزا 516، لوجان، سيريون لأسباب مختلفة (تتراوح بين عدم الإعجاب بالشكل إلى مشاكل أداء و جودة صناعة إلى عدم تناسب السعر مع المزايا) وكانت القائمة المتبقية هي (بدون ترتيب محدد): 1- تويونا ياريس 2009 1300CC فول أوبشن مانيوال 93900 2- تويوتا ياريس 2009 1300CC تكييف و باور و كاسيت أوتوماتيك 95900 3- هيونداي نيو أكسنت 2010 1600CC فول أوبشن مانيوال 77900 4- هيونداي نيو اكسنت 2010 CC1600 فول أوبشن أونوماتيك 83900 5- هيونداي فيرنا 2009 1600CC فول أوبشن أوتوماتيك 75000 (أضيفت نظرا للشعبية التي تتمتع بها و السعر طبعا) 6- هيونداي إلانترا 2010 1600CC فول أوبشن مانيوال 92900 7- هيونداي جتز 2010 1600CC فول أوبشن أتوماتيك + فتحة سقف 81500 8- نيسان صني 2009 1600CC فول أوبشن مانيوال 91000 9- ميتسوبيشي لانسر 2009 1300CC فول أوبشن مانيوال 93900 10- بروتون جين 2 2009 1600CC فول أوبشن أتوماتيك 89900 11- بريليانس إف أر في 2009 1600CC فول أوبشن أوتوماتيك 89900 [على فكرة من ضمن السيارات التي لم يتم ضمها لحداثتها اسبيرانزا إم11 2010 1600CC فول أوبشن مانيوال 74900. في ناس شافتها و كانت معجبة بيها جدا بس لسة مش عارفين حاجة عنها أوي] إيه رأيكم يا جماعة؟ أنا حبيت أشرككم في المقارنة و المفاضلة دي عشان كلنا نستفيد من خبرة السادة الأعضاء. في حاجة على بالكم عايزيين تعلقوا بيها؟ في سيارة من دول متميزة في حاجة من المواصفات المذكورة؟ طيب في واحدة شايفين إنها مش مناسبة هنا خالص؟ و ليه؟ إيه السيارة المفضلة ليك في القائمة دي؟ إية أكثر سيارة في القائمة دي سعرها مش مناسب لإمكانيتها (مقارنة بباقي القائمة)؟ في انتظار ردودكم................... .. التعديل الأخير تم بواسطة tech_lover ; 18-10-2009 الساعة 02:08 AM 
|
|
#2
18-10-2009, 01:40 AM
|
||||
|
||||
|
رد: أفضل سيارات عملية و مزايا و سعرها أقل من 95000
موضوع حلو جدا
وتسلم ايدك عليه بس بصراحه انا مش معجب خالص باليارس وحاسس انها عربيه خنيقه كفايه التابلوه بتاعها والعدادات اللى متركبه علشان اللى جنب السواق يبص فيه (طبعا لولا اختلاف الاذواق لبارت السلع ) وانا متاسف لاى حد معاه يارس بس دى وجهات نظر
|
|
#3
18-10-2009, 01:47 AM
|
|||
|
|||
رد: أفضل سيارات عملية و مزايا و سعرها أقل من 95000
 بس إنت إيه رأيك؟ بتفضل إيه من دول؟ أنا عارف إن الفئة دي من العربيات الإختيار فيها بقى صعب. أنا نفسي رغم إني غالبا هفكر اجيب حاجة من دول لسة محتار.
|
|
#4
18-10-2009, 03:59 AM
|
|||
|
|||
|
رد: أفضل سيارات عملية و مزايا و سعرها أقل من 95000
انا برشحلك عربيه من الاتنين دول دول بالمواصفات اللي انت عايزها
بروتون جين تو 1.6 فول اوبشنز اوتوماتيك ب 90000 جنيه ديهاتسو سيريون 1.5 فول اوبشنز اوتوماتيك ب 94000 جنيه انا بعدتلك عن الكوري *و الصيني * و العربيات اللي اشكالها معوق او او او لو عايز السيدان خليك في البروتون جين تو لو عايز هاتشباك خليك في الديهاتسو سيريون القايمه بتاعت حضرتك مليانه عربيات كوري و بلاها الاف ار في عشان صيني و بلاش من الياريس و اللانسر عشان المحرك بتاعهم صغير و بلاش من الصني عشان هي مانيوال و خليك افضل في الاوتوماتيك و صدقني العربيتين اللي انا رشحتهم هم افضل اختيار و لا تنسي صلاه الاستخاره
__________________
التعديل الأخير تم بواسطة AbOnOrA ; 03-11-2009 الساعة 06:28 PM سبب آخر: يراعى عدم تكرار الفاظ لا داعى لها ولا تمثل دلاله موضوعية على قيمة السيارات
|
|
#5
18-10-2009, 05:57 AM
|
|||
|
|||
|
رد: أفضل سيارات عملية و مزايا و سعرها أقل من 95000
لو حختار من العربيات دول حختار الهيونداى الانترا ( وممكن اجيب الى فيها فتحه سقف بـ95900) او النيسان صنى (ممكن الـ A/T بـ94الف) و اكتر عربيتين شايف ان سعرهم مبالغ فيه الهيونداى جيتز و البريليانس FRV
بس انت ليه مفكرتش فى البرسونا F/O A/T بـ90900 او اوبترا اوبترا A/T بـ 94500 و انا لو مكان حد فيكو و ممكن عربيه مانيوال من غير مفكر حجيب نيو سيراتو LX F/O M/T بـ 96900 و مجتش على الألف جنيه دى بس حتكون جبت عربيه ممتازه و واسعه و كبيره و شيك و فيها ايرباج و كل الكماليات و ضمان 5سنين و العربيه ماشاء الله مفيش منها اى شكوى و انتشرت و قطع الغيار بتنتشر خارج التوكيل نظراً لإنتشار العربيه الشديد
|
 |
| الكلمات الدليلية |
| مطلوب شراء سيارة |
|
|
