للخبراء فقط .. السكودا أوكتافيا أم الرينو فلوانس ؟

[Ahmed Anwer]

المشاركة الأصلية كتبت بواسطة sherif ride انا هقولك راى السيارتين من ناحية الاعتمادية 10/10 قطع الغيار تميل نسبيا لأكتفيفا بس فى القطع الخفيفة زى المرايات و الأجهزة الصغيرة هتحس بالفرق لكن فى الحجات التقيلة فى السيارة هتلاحظ فرق سعر انى الرينوا اغلى نسيبا من ناحية الأداء السيارتين فوق الممتاز بس الرينوا افضل من جوانب معينة مثلا قوة الموتور مقابل وزن السيارة فى صالح الفلوانس. التصميم الخارجى فى الاول و الأخر مسألت ازواق و الاتنين يعتبروا مستوى ممتاز يعنى لو على الشكل اللى تعجبك. وسع المقصورة الداخلية لصالح الاكتفيا تصميم داخلى تقريبا ممتاز فى الاثنين الارتفاع معقول فى الاثنين الاكتفيا افضل بمارحة فى سهولة اعادة البيع بحكم الانتشار و الشعبية سعر الفلوانس جديد افضل لكن الاكتفيا مبالغ فى سعرها بعض الشىء. و انا لو مكانك ابص على الفرق بين السيارتين و اشوف الفرق يستاهل فرق السعر ولا لا و لو مش فغاارق يبقى هات الفلوانس.

أنا معترض فقط علي النقطة دي ،،، أعتقد أن الفلوينس أوسع بالتأكيد ،،

أنا في نفس حيرتك

بس شبه استقريت علي الفلوينس لسببين

* فرق السعر أنا أولي بيه و اللي هأخسره في إعادة البيع هأعوضه بزيادة في فرق الشراء الضخم زيرو

* الأوكتافيا بقالها سنين من غير تغييرات تذكر سواء كشكل أو انتريور أو أساسيات
يعني مش هحس أووي إني جبت عربية زيرو جديدة و مع انتشارها من سنين

تعتبر السيارة الشعبية الأولي في فئتها ،، اقصد الفلوينس أكثر تميزا

بس مما لا شك فيه إن ده ليه ثمن إن الأوكتافيا جنية ذهب متجرب و متقدر

[sam ram]

لو حضرتك عايز العربيه لفتره من 4 ل 10 سنين أو مش مهم سعر اعاده البيع و بتلتزم بمواعيد الصيانه في التوكيل وعايز عربيه واسعه و شيك شكلها لسه جديد وقدامه فتره على ما يتغير وسعرها مناسب جدا (نسبيا) تبقى الرينو فلوينس ....
لو اللي فات مش فارق معاك يبقى الاوكتافيا اكيد
الاوكتافيا حينزل منها موديل جديد على 2012 او 2013 بالكتير ( الله اعلم حينزل مصر امتى ) لكن عربيه بقالها 14 سنه( من 97 ) بنفس الشكل تقريبا .... و نفس السمعه الطيبه
الفلونس من 2009
لكن للاسف الميجان عملت احلا دعايه للفلونس رغم اننا لسه مسمعناش عن مشاكل الميجان في الفلونس
الاوكتافيا تشيكي مبنيه على شاسيه الجتا و الجولف بمكونات كتيره من فولكس تقدر تعتبرها جولف سيدان متجمعه في التشيك
الرينو مصنع رينو في تركيا و في منها كوري (بره التوكيل ) ... تقدر تعتبرها رينو فرنساوي متجمعه في تركيا
وعلى فكره الفلونس فعلا صالونها اوسع من الاوكتافيا ( اكبر قاعده عجلات و صالون )... لكن شنطه الاوكتافيا اكبر ( اكبر شنطه 570 لتر - مقابل 530 للفلونس )
في النهايه الفلونس اعلا فئه اقل من 170 الف .... الاوكتافيا مانيوال بتبتدي ب 160 الف
وفي نظري الفلونس من اجمل واشيك العربيات في فئتها ..... خصوصا الانتيريور
لا هي مبهرجه زي الالنترا و لا ممله زي الاوكتافيا
اما بخصوص فرق ال 50 الف جنيه بين الفلونس و الاوكتافيا فبنفس المبداء فرق ال25 الف بين السيراتو و الفلونس او ال 100 الف بين الاوكتافيا و المرسيدس ..... كله بتمنه ..... لكن العبره بالقيمه مقابل اللي بتدفعه