للخبراء فقط .. السكودا أوكتافيا أم الرينو فلوانس ؟

[abdullahalbadry]

أستاذ الكريم أنا كنت فى نفس الحيره اللى كنت إنت فيها ، ما بين الأوكتافيا فانتازيا و الفلونس والجيتا .
الجيتا فيها مشاكل للركب ، هى منظر وبس وبالتالى إستبعدتها ، أما الفلونس فهي عربيه لا غبار عليها ، ولكن فيها عيبين ، الأول أنا قطع غيارها أغلى من الأوكتافيا ، الثانيه أن العربيه رغم إسمها العريق وكماليتها إلا إنها مجرد ما بتعلق نمر سعرها بيروح فى خبر كان ، على العكس من الأوكتافيا اللى بتحفظ سعرها كغيرها من العربيات الألمانى أو اليابانى ، يعنى تشترى الفلونس بـ170000 وتبيعها بعد سنه بـ 130000وطوب الأرض يقطم فيك وإنت أما الفانتازيا تشتريها بـ 200000وبعد سنه ممكن تبيعها بـ 190000أو 185000 وإنت واقف مش بتدلل عليها .
الأوكتافيا عربيه أنا بصراحه مكنتش حطتها فى بالى ، لولا إن ربنا هداني بعد إستخاره ليها ، والحمد لله عربيه لا غبار عليها ، وكل يوم بكتشف فيها مزايا أكثر من اللى قبله.
أول فئه من الأوكتافيا الفانتازيا فيها كماليات أكثر من الفلونس ، وممكن حضرتك تفكر فى الخليجى ، بصراحه أفضل من المصرى بألف مره وكماليات مش موجوده فى المصرى ، وبالنسبه للضمان ممكن تضمنها فى التوكيل مقابل 7000جنيه أو عند شركات الضمان مقابل 2000 جنيه لمدة سنتين أو 40000كم.
وأخيرا إبعد عن المازدا 3 أنا معايا مازدا3 ، 2010 وندمت إنى جبتها والكورولا عربيه رائعه بس سعرها كتير عليها وعلى الأوبشن اللى فيها.
على العموم إعمل إستخاره وتوكل على الله وهو سيهديك للأصلح

(أوكتافيا)

[omaralfateh]

شكرا يا باشا أنا والله مستني حد يكلمني عن تجربة والحمد لله إنت أفدتني جدا بجد



أنا كدا حددت إن شاء الله الأوكتافيا بس معلش على جهلي

هي الأوكتافيا كام نوع .. أنا سمعت عن الـ A5 لكن معرفش إيه الفانتازيا رغم إن كله بيتكلم عليها

وإيه هي أوكتافيا 1 وأوكتافيا 2 ؟

[Toyota Corolla]

المشاركة الأصلية كتبت بواسطة omaralfateh شكرا يا باشا أنا والله مستني حد يكلمني عن تجربة والحمد لله إنت أفدتني جدا بجد أنا كدا حددت إن شاء الله الأوكتافيا بس معلش على جهلي هي الأوكتافيا كام نوع .. أنا سمعت عن الـ A5 لكن معرفش إيه الفانتازيا رغم إن كله بيتكلم عليها وإيه هي أوكتافيا 1 وأوكتافيا 2 ؟

ال a5 الشكل الجديد بيتقال عليها فانتازيا أو أوكتافيا 2011 أما الشكل القديم بيتقال عليه a5 أوكتافيا 2008 مثلا على حسب صنة الصنع و كان فيه a4 بس ديه بطلت تنزل من سنين

[ابو هيما]

المشاركة الأصلية كتبت بواسطة abdullahalbadry أستاذ الكريم أنا كنت فى نفس الحيره اللى كنت إنت فيها ، ما بين الأوكتافيا فانتازيا و الفلونس والجيتا . الجيتا فيها مشاكل للركب ، هى منظر وبس وبالتالى إستبعدتها ، أما الفلونس فهي عربيه لا غبار عليها ، ولكن فيها عيبين ، الأول أنا قطع غيارها أغلى من الأوكتافيا ، الثانيه أن العربيه رغم إسمها العريق وكماليتها إلا إنها مجرد ما بتعلق نمر سعرها بيروح فى خبر كان ، على العكس من الأوكتافيا اللى بتحفظ سعرها كغيرها من العربيات الألمانى أو اليابانى ، يعنى تشترى الفلونس بـ170000 وتبيعها بعد سنه بـ 130000وطوب الأرض يقطم فيك وإنت أما الفانتازيا تشتريها بـ 200000وبعد سنه ممكن تبيعها بـ 190000أو 185000 وإنت واقف مش بتدلل عليها . الأوكتافيا عربيه أنا بصراحه مكنتش حطتها فى بالى ، لولا إن ربنا هداني بعد إستخاره ليها ، والحمد لله عربيه لا غبار عليها ، وكل يوم بكتشف فيها مزايا أكثر من اللى قبله. أول فئه من الأوكتافيا الفانتازيا فيها كماليات أكثر من الفلونس ، وممكن حضرتك تفكر فى الخليجى ، بصراحه أفضل من المصرى بألف مره وكماليات مش موجوده فى المصرى ، وبالنسبه للضمان ممكن تضمنها فى التوكيل مقابل 7000جنيه أو عند شركات الضمان مقابل 2000 جنيه لمدة سنتين أو 40000كم. وأخيرا إبعد عن المازدا 3 أنا معايا مازدا3 ، 2010 وندمت إنى جبتها والكورولا عربيه رائعه بس سعرها كتير عليها وعلى الأوبشن اللى فيها. على العموم إعمل إستخاره وتوكل على الله وهو سيهديك للأصلح (أوكتافيا)

أنا متابع بأهتمام كبير تعليق حضرتك وأستغربت جداً من كلأم حضرتك بأنه يبعد عن المازدا 3 وأجابة السؤال ده مهمة جداً بالنسبة لى وأعتقد لكثيرا من القراء وخصوصا
أن التوكيل عامل عليها تخفيض اليومين دول تسعة الأف جنيه وأنا كنت بفكر فيها فياريت حضرتك تفيدنا وتقول لنا عن عيوبها لأنى أنا قرأت عنها كلأم كتير كويس فى النت وناس كتير كانت بتشكر فيها وبرضه أتصدمت لما دخلت على المواقع التى بتيع مستعمل ولأقيت أن كتير بيبعوها .. فأكيد حضرتك هأتحسم أجابة السؤال ده من خلأل خبرتك ..وجزاك الله كل خير مقدماً

[AbOnOrA]

الاستاذة المتميزين sherif ride و Toyota Corolla و abdullahalbadry

بجد امتعتونى بالحوار الراقى والمعلومات والتجارب القيمة والصادقة فتحياتى ليكم جميعا وباكد على كل كلمة قولتوها

استاذ عمر omaralfateh اهلا بيك اولا فى مصرموتورز وفعلا عندك حق انك تحتار بين العربيتين بل وعربيات الفئه كلها ( مازدا 3 - هوندا سيفيك - تويوتا كرولا - شيفرولية كروز - هيونداى النترا - وانتهاء بالمجموعة الغربية رينو فلوانس وسكودا اوكتافيا والفولكس جيتا )

وزى اى مقارنة الفيصل فى النهاية طبيعة استخدامك واولوياتك

فمثلا لو كان استهلاكك للعربيه قليل الى متوسط ( من 10 -20 الف كم سنوياً ) واولياتك فى مقدمتها التميز فانصحك بالفلوانس كعربيه ممتازة واكثر تميزا واوفر سعرا ولو انت كمان مش بتفكر تبيع قريب ( من سنة الى 5 سنين ) يبقى تمام اوى والفلوانس انسب اختيار

لكن لو عايز عربيه شيك وتمنها الى حد كبير فيها فسهل تبيع فى اى وقت يبقى السكودا اقرب

الخلاصة الاتنين عربيات ممتازة واثبتت نفسها فى السنين اللى فاتت الفلوانس اكثر اناقة وتميز والسكودا اكثر فخامة وتقديرا فى عيون الناس
بس يا سيدى استخير ربنا وشوف العربيتين واقعد فيهم وقولنا اخترت ايه