يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

[mrabie_1]

الف الف مبروك يا مستر على العربية بس يا ريت تقولى
عامله معاك ايه و لو انا عايز اجيب الخليجى الهاى لاين منها اجيبه منين علشان يبقى مضمون و اذاى اشيك عليها يا ريت تنصح اخوك احسن انا لايص و عايز اخلص فيها الأسبوع اللى جى القعدة من غير عربية بعد ما بعت عربيتى صعبة و خايف اتسرع

[alymonir]

المشاركة الأصلية كتبت بواسطة mrabie_1 الف الف مبروك يا مستر على العربية بس يا ريت تقولى عامله معاك ايه و لو انا عايز اجيب الخليجى الهاى لاين منها اجيبه منين علشان يبقى مضمون و اذاى اشيك عليها يا ريت تنصح اخوك احسن انا لايص و عايز اخلص فيها الأسبوع اللى جى القعدة من غير عربية بعد ما بعت عربيتى صعبة و خايف اتسرع

الله يبارك فيك
أهلا بيك في مصر موتورز
احنا كلنا اخوات و هذفنا نساعد بعض
بالنسبة للخليجي أنا معرفش الشكل الجديد بينزل منه خليجي ولا لأ بس على العموم غبور أخد توكيلها و خليك في المضمون أحسن
لو عايز أي حاجة أنا تحت أمرك و ممكن ترجع للتقارير اللي أنا عاملها عن العربية

[MmFFoR]

اختيار صائب ان شاء الله
الفانتازيا تستحق

[abdullahalbadry]

مبارك عليك العربيه ، ربنا يديك خيرها ويكفيك شرها ، على العموم أنا معايا الفانتازيا برضه 2011 خليجى ومعايا برضه المازدا 2010 ، بصراحه انت والحمد لله اخترت الصح وربنا يبارك لك فيها ، بس مستنين منك بقى تقرير عنها ومواصفتها(مصرى ولا خليجى) وعن استعمالك للعربيه وملاحظاتك عنها ، وعن الأداء والأوبشن والثبات ، على العموم لو محتاج أى نصيحه أنا تحت أمرك ، مبدئيا ، غير الهواء اللى فى العجل ، وخليه نيتروجين ، حتحس بفرق وخصوصا لو الجنط 17 .
أخيرا وليس آخرا ربنا يبارك لك فيها ويديك خيرها ويكفيك شرها

[enzomoonlt]

اخي اشتري اسكودا وانت مغمض اليباني كويس عن الكوري لكن الالماني لايقهر علي مستوي كل شئ