احترس من الخواجة تلاكـيـكو

[خالدخليفة]

[quote=Dr. Bolbolan;134637]بالسياره عندك طريقتين :-

أولا :- طريق مصر / اسكندريه الصحراوى و بعد الرست هاوس ( أى منتصف الطريق ) بحوالى

20 كم ستجد يوترن ترجع منه كأن اتجاهك القاهره مرة أخرى ثم ستجد طريق الى اليمين ( طريق

وادى النطرون ) ستجد فى نهايته الطريق الدولى أو طريق الساحل الشمالى ! تاخد شمال و منه

الى مطروح ( وده الطريق المختصر ) !

ثانيا :- برده طريق مص / اسكندريه الصحراوى و تكمل لغاية قبل اسكندريه بحوالى 60 كم ستجد

العامريه ! تطلع كوبرى العامريه و تنزل منه تانى يوترن تاخده وبعدين تدخل يمين من تحت اعلان

ماكدونالد لتصل الى الكيلو 21 طريق الساحل الشمالى و منه يسارا على طول الى مطروح !

فيه طريق تالت بس مالكش دعوه بيه لآنه مكسر جدآ من 6 أكتوبر / طريق الواحات و بعد الاستراحه

ستجد طريق يمين اسمه ( أبو سنان ) يصل فى نهايته الى العلمين و منها يسارآ الى مطروح ! بس لا أنصح

به اطلاقا لآنه مكسر و مافيش فيه أى خدمات اطلاقا ولا بلاد وهو طريق لشركات البترول والجيش !

هو بس تصحيح صغير لكلام الدكتور بلبولان من القاهرة هتمشى 127 كيلو بالظبط وتاخد اول يمين بعد ها مباشرة وخلى بالكل ان احيانا لجنة الرادار بيقفو عند الملف ده فانت من عند الكيلو 126 تمسك الشمال لقيت اللجنة تعدى وتخلى بالك من حزامك وسرعتك وعينك ع الشمال لانك لو مشفتش اليوترن ياجميل هتمشى لحد النوبارية وترجع زى محصل معايا بعد اليوترن مباشرة تمسك اليمين لانك هتدخل يمين على طوول يعنى مش هتمشى مسافة 200 متر على بعض ثم هتمشى 115 كيلو بالظبط لحد العلمين ثم يمينا 300 متر بالظبط وتلف وترجع شمال تمشى 180 كيلو حتى مطروح بالسلامة ان شاء الله
لكن طريق الجيش ده كنت فاكر ان محدش يعرفه غيرى انا وسواقين النقل لكن اتضح ان الدكتور بلبولان رحالة قديم وانا مشيته وده طريق كلمة مكسر قليلة عليه ويكفى انك تعرف ان مقص العربية اتكسر بس بعد مخرجت منه على الاسفلت وهو طوله 150 كيلو مشيتهم فى 4 ساعات بسبب سوء حالة الطريق وطريق صعب جدا ولولا 2 من العرب كانو معايا مكنتش نزلت اريح فى السكة لكنهم اصرو اننا ننزل ونولع نار وناكل والدنيا ضلمة وولعت نور العربية علشان نشوف وكانو رافضين وخايفين على البطارية ولما فهمتهم انها جديدة سابونى اولع النوروعلى فكرة الطريق ده انا حصلتلى صدمة لما وصلت الى اخره وفوجئت ان باقى 170 كيلو على مدخل اكتوبر ثم 20 كيلو حتى بداية المحور

[نبيل عبدالرحمن]

فعلاً السرعة القصوى داخل مدينة مرسى مطروح هى 60 كيلو/ساعة وعلى فكرة الكل بيحترم هذه السرعة وأيضاً إشارة المرور والبلد فى فصل الشتاء رائعة أنا لسه راجع من سيوه وعديت عليها وأنا فى طريقى للإسكندرية وأصبحت مدينة بها حركة لكنها أرحم بكثير من شهور الصيف

[خالدخليفة]

اللى بيقول ان فعلا السرعة داخل مطروح 60 م انا عرفت بعد م اتمسكت انا بتكلم على التلكيك لان عمليا متقدرش تجرى فى مطروح لان تقريبا كل 200 او 300 متر مطب محترم ولا جبل عرفات ثم ان كل اشارة تلاقى واحد شاف نمرك مش مطروح تطلع بقى قاهرة فيوم اى حاجة تانية يروح موقفك ويبص ع الحزام ويتلكك ويغرمك لكن نمر مطروح يقلق منها لان معظمهم عرب وممكن يقرفوه فى عيشته لو عمل معاهم اى تلكيكة وخاصة ان معظم افراد الشرطة سواء ظباط او امناء من خارج مطروح
ثانيا / طيب ماهى السرعة داخل القاهرة 40 طيب بذمتكو وعينى ف عينكو حد بيمشى 40 ولو نظام التلاكيك ده هنا كل اللى بيركب عربية هيتاخد مخالفة سرعة هيا ملهاش تفسير غير انهم بيتلككو علشان يلمو فلوس هيلمو منين والبلد كل عدد سكانها حوالى 16 او 17 واحد (هههههه)وبدليل كل اشارة كان يشاور لى عشان اقف ويبص على الحزام ويعدينى اومال فين روح القانون مش نص القانون الجامد ولما قلت للظابط روح القانون قال لى خلص ومتتفلسفش هتدفع والا ممعاكش والحوار اللى شرحته سابقا
ارجو تكونو فهمتو الغرض من الموضوع واشكركم جميعا

[bmkbmk]

معلهش يا باشا حمدالله على السلامة
الكاميرا الوحيدة فى مطروح هى فى المدخل و كاتبين فيها السرعة 60 السرعة 60 السرعة 60 عشان يبقوا ريحو ضميرهم
و كمان هو نوع من كرم الضيافة المطروحية للضيوف الجداد اللى مايعرفوش التيتة
انت مش واحد رايق و جاى تصيف ولا جاى تريح اعصابك يومين .. يعنى بنى ادم مرفه و كمان عندك عربية و ماشى زى الصاروخ على 65 ....... لا يا حلو تعالى بقى هات ضريبة رفاهية
انا كنت هلبس الرادار ده الصيف اللى فات لولا ان صاحبى اللى انا رايح له نبهنى و شدد عليا ان السرعة فى المنطقة دى 60 و قاعدين بالرادار يلموا فلوس .... فالحمد لله صبرت 5 دقايق ولا 10 دقايق ماشى على 60 و جت اللجنة و هما بيقفوا الناس و انا بضحك .. مش سخرية من الناس اللى اتصورت ... بضحك على حالنا فى مصر .... كويس انهم ماخدونيش مخالفة ضحك فى الطريق العام ....و بعد كدة بقى فتحت وصلت 80 يعنى من كتر المطبات السرعة ماينفعش تزيد عن كدة

و سلملى على المية و الهوا

[خالدخليفة]

المشاركة الأصلية كتبت بواسطة bmkbmk معلهش يا باشا حمدالله على السلامة الكاميرا الوحيدة فى مطروح هى فى المدخل و كاتبين فيها السرعة 60 السرعة 60 السرعة 60 عشان يبقوا ريحو ضميرهم و كمان هو نوع من كرم الضيافة المطروحية للضيوف الجداد اللى مايعرفوش التيتة انت مش واحد رايق و جاى تصيف ولا جاى تريح اعصابك يومين .. يعنى بنى ادم مرفه و كمان عندك عربية و ماشى زى الصاروخ على 65 ....... لا يا حلو تعالى بقى هات ضريبة رفاهية انا كنت هلبس الرادار ده الصيف اللى فات لولا ان صاحبى اللى انا رايح له نبهنى و شدد عليا ان السرعة فى المنطقة دى 60 و قاعدين بالرادار يلموا فلوس .... فالحمد لله صبرت 5 دقايق ولا 10 دقايق ماشى على 60 و جت اللجنة و هما بيقفوا الناس و انا بضحك .. مش سخرية من الناس اللى اتصورت ... بضحك على حالنا فى مصر .... كويس انهم ماخدونيش مخالفة ضحك فى الطريق العام ....و بعد كدة بقى فتحت وصلت 80 يعنى من كتر المطبات السرعة ماينفعش تزيد عن كدة و سلملى على المية و الهوا

ههههههههههه ياباشا ياريتنا بنصيف فىحد بيصيف دلوقت ده انا رايح فى شغل يعنى بنحسبها مكسب وخسارة لكن لو بنصيف اهو بجملة مصاريف الرحلة ويجعله عامر