سؤالى لأهل الكرم والجود وعظماء الصرح الكبير

[هانى الاسيوطى]

المشاركة الأصلية كتبت بواسطة haythom_7 ما شاء الله لا قوة الا بالله ما هذا الكلام الجميل الشبيه بالعطر الذي يفوح من فمك الطاهر مش عارف اقول كلمتين على بعض زيك والله انا محتار زيك في الاختيار ومنطقتي زي منطقتك فيها مطبات كتير واتنصحت ب 131 لكن مش مرتاح ليها خالص وعاوز اجيب مازدا لرافهيه السواقة وبصراحة سبب اصراري على المازدا هو المنتدى هنا بسبب شكره فيها وربنا يدلك على الخير وانا كمان معاك

أخـى الفاضـل الكريـم [haythom_7 ]

شرفنى تواجد سمو شخصك الكريم بين طياتى


واسأل الله التوفيق لى ولك

إحترامى لشخصك الكريم

أخوك / هانـى الاسيوطـى

[mazagngi2010]

ده كان ردى على احد الاخوه المحترمين فى استفسار زيك فى احد المنتديات الاخرى

المشاركة الأصلية كتبت بواسطة mazagngi2010 بصراحه كنت مقلق زيك لانى لسه متعلم جديد والناس بتقول مازدا فاسده وكلام هجص من بتاع المصريين والعربيه معايا من شهرين وانا اشتريتها من صاحبى و هو عشره عمر فعلشان كده مضمونه ومخباش عليا اى حاجه فيها العربيه اللى معايا عمليه جدا وموتورها فايق وجرايه جيبت بيها 160 مره للتجربه -صاحبى كان معمرها قريب- وبتسحب كويس خصوصا الاولانى والتانى اللى عاجبنى فيها ان السخونيه متعرفلهاش سكه ولله الحمد هيا بتحك معايا فى المطبات العاليه لو محمل بس عادى لانها عايزه جوز مساعدين ورا وانا منفض بالنسبه للاعطال الله اكبر عليها كل اسبوع مش ااقل من 800 كيلو مابين حتت مكسره وسفر ومبتقولش لا الاعطال اللى قابلتنى كانت بسبب عمر افتراضى بعيد خالص عن الموتور مره ماسوره الفرامل اتخرمت(كانت اتاكلت) ومره كلت مطب جامد ومسمار ماسك قفيز اتقطم وكان مبرى اصلا ومره ترموستات الحراره (له عمر افتراضى) من كتر الاملاح دراع نور غيرته لان القديم كان بيلمس وفضالى البطاريه حاجات الى الان والحمد لله انا شايف انها بسيطه وبسبب الزمن لكن تقف ومتدورش مثلا او تسخن او كده محصلش الى الان الحمد لله قطع الغيار لسه ماتزنقتش فيها اللى اشتريته اكر باب ووش فوانيس خلفيه ودراع نور ولقيتهم بسهوله عند واحد بتاع يابانى متخصص فى الزقازيق الحاجات التقيله لسه مدورتش عليها وربنا مايحوجنى لليوم ده بالنسبه للميكانيكا جربت بلبل مازدا فى القلعه وعنده قطع غيار كتير لها خصوصا شغل الميكانيكا ولو الزمن رجع هجيبها طبعا وهبعد عن الماروتى و اللادا والريجاتا وال32 لانها الحمد لله طلعت عربيه شغل وجريها كويس لو مظبوطه ودى اهم حاجه وناعمه جدا بالنسبه للبنزين صاحبى كان بيحطلها 80 ومكنتش بتقول لا خالص بس لما اشتريتها منه ورحت لبلبل علشان ينضف الكربرتير وطلع منه كميه وساخه بالهبل بقيت بحطلها 92 او 90 علشان اريحها شويه والسحب فارق معايا عموما العربيه مبتقلش لا لل80 بس 90 كويس شويه نصيحه شوف اى حد تعرفه معاه العربيه دى الاول وحاول تسوقها لفه وجربها وشوف نفسيتك هترتاح الاول لها ولا لا لو انت فى الشرقيه مش هتاخر عليك فى الموضوع ده وشوف عربيه حالتها نضيفه وربنا يوفقك فى عربيه كويسه

[/QUOTE]

وعموما الى الان اداء العربيه مرضى جدا والحمد لله لسه مشفتش منها مشاكل رغم الحرق والجرى والدغدغه اللى فى الشغل
بالنسبه لكون حضرتك فى الصعيد فمش عارف ظروف قطع الغيار والميكانيكيه عندك

سلام

[هانى الاسيوطى]

المشاركة الأصلية كتبت بواسطة mazagngi2010 ده كان ردى على احد الاخوه المحترمين فى استفسار زيك فى احد المنتديات الاخرى

وعموما الى الان اداء العربيه مرضى جدا والحمد لله لسه مشفتش منها مشاكل رغم الحرق والجرى والدغدغه اللى فى الشغل
بالنسبه لكون حضرتك فى الصعيد فمش عارف ظروف قطع الغيار والميكانيكيه عندك

سلام[/QUOTE]


أخـى الفاضـل الكريـم [mazagngi2010 ]

شرفنى تواجد سمو شخصك الكريم بين طياتى

وبارك الله فيك وفى شرحك القيم والوافى

أخى الكريم لو امامك سياره مازدا 323

يا ريت حضرتك تقولى وكل الشكر لك





إحترامى لشخصك الكريم

أخوك / هانـى الاسيوطـى

[فادي مكرم]

1- قالوا لى أن السياره لا تنفع معك لأنها منخفضه على منسوب الأرض علما بأنه يوجد عندنا فعلا ً مطبات كثيره العربية مش واطيه للدرجة انا لما اشتريتها وطيتها كمان عشان الثبات لاني معظم الوقت ماشي مش محمل بتحك ساعات بس مش الحك اللي يزعل انت ممكن ترفعها تزود كاوتش بين المساعد والبطاحة 2- العفشه ضعيفه ولا تستحمل عفشتها حلوة وانعم من اللادا بكتييييير وعلى فكرة الكاوتش برده بيفرق ف العفشة يعنى لو الكاوتش قديم هتحس بفرق وبرضه حط فى اعتبارك انها بقالها 29 سنه يعنى كويس انها على حالتها العفشة عندى كويسة والحمد لله 3-إصلاح العفشه مكلفه جدا ً لا لا مبتفرقش كتير جوز بيض اسكاترة ياباني ب 80 جنيه بالدراعات جلبة المقص ب 15 او اقل تقريبا وعملت صيانة كاملة للعفشة و حشوة للاسكاترة وتشحيم ب70 مصنعية 4- قطع غيارها غاليه ونادرة الوجود متوفرة هنا ف اسكندرية عند الدكتور و ياسين و المختار والاسعار معقولة فانوس اشارة كامل شمال 40 جنية مش صيني فلتر هوا 20 تقريبا بتاع فورد عشان فلترها صعب تلاقيه شوية جوز فوانيس كاملة خلفى ب 180 غطا الزيت اصلي 6 جنيه ديناموا 180 جنيه استيراد مع مراعاة ان العربية عندي موديل 88 ونادرة هنا فى مصر ال 82 حاجتها كلها متوفرة عند الدكتور وعربية معروفة عند الصنايعية وبيشكروا فيها

و اي استفسار تحت امرك

[هانى الاسيوطى]

المشاركة الأصلية كتبت بواسطة فادي مكرم و اي استفسار تحت امرك

أخـى الفاضـل الكريـم [ فـــادي مكــرم ]













شرفنى تواجد سمو شخصك الكريم بصفحتى

وبارك الله فيك وفى شرحك القيم والوافى

أخى الكريم لو امامك سياره مازدا 323

يا ريت حضرتك تقولى

وطلب تانى بعد إذن حضرتك هى سعرها الأن كام

وما هو حال الأسعار هل هى مرتفعه أم منخفضه للمستعمل





إحترامى لشخصك الكريم






أخوك / هانـى الاسيوطـى