المياة الخضراء للكيا سيراو

[اسماعيل نصار]

السلام عليكم

عوز اعرف موضوع المياة الخضرة الى فى العربية دة عندى اية

لحسن بسيط على الجركن الى قدام الرداتير لقيت جركن شفاف و فية كمية قليلة من السائل الاخصر

عوز اعرف اية فيدة السئل دة فى السيارة

و لقيت مستوى السائل منخفض املة منين

و اجيب انهى نوع و هل السائل دة لى علاقة بالتكيف و جو السيارة ولا اية

شكرا ليكم

[Eng . Mano]

المية الخضراء دى اللى هى مياه التبريد فى العربية ، و بتتحط فى الرادياتير و فى القربة .
و طبعا دى مهمة جدا لانها بتحافظ على الرادياتير من البارومة و طبعا افضل للموتور من المياه العادية .
و لازم حضرتك تهتم بالكشف عليها و لو لقيتها فى القربة ( الجركن الشفاف ) اقل من المؤشر السفلى لازم تزودها فورا ، لاحسن لاقدر الله تجيب جوان موتور .
و المياه الخضراء اشتريها من اى بنزينة ، و تمنها مش بيزيد عن 25 جنيه . و يستحسن انك تجيب السعودى لان درجة تحمله بتكون افضل من المصرى ، و ياريت فعلا الموضوع ده يكون فى اسرع وقت ؛

[اسماعيل نصار]

شكراا ليك فى القريب انشاء الله

طيب بعد ازن معاليك فى نوع معين اجيبو للسيراتو ؟؟

و هل مكانو فى الجركن الشفاف

انا سمعت ان فى مياة خضرة تركيز مش عرف اية و خفيفة الخ

يريت حضرتك لو معاك كيا يراتو تكتبلى على اسم جركن اجيبو

تحياتى

[Eng . Mano]

لأ خالص مافيش مياه خضراء للكيا سيراتو مخصوص او لاى عربية بعينها .
المياه الخضراء دى مياه تبريد محرك السيارة ، و موجودة لجميع المحركات و السيارات .
يعنى على سبيل المثال عمرك شوفت زيت موتور ( موبيل - شل - توتال - ....... ) لمحرك معين او لعربية معينة ، زيت الموتور لجميع انواع السيارات ، المياه الخضراء بالظبط زيه . و انت بتشترى الجركن هات اللى المياه يكون لونها اخضر غامق و باين انه تقيل ، ماتجيبش الاخضر الفاتح ، و زى ما قولت لك هاتها من اى بنزينة و يكون نوع مستورد مش مصرى .

[mido_4up]

انا معاك يا استاذ eng mano