** السيراتو أصبحت ظاهرة إجتماعية يتم الكتابة عنها **

[الدملاوي]

لا حول ولا قوة ألا بالله

حاجة تحير فعلاً والله

[sam ram]

لا طبعا في فقرا و غلابه و اغلب من الغلب كمان
ودول مش حنشوفهم في الكمبوندز أو مارينا او شارم ... شرم الشيخ سابقا !!
الحسبه بمنتهى البساطه اننا 80 مليون
5% منهم البشوات اللي بنسمع و نقرا عنهم في الجرايد ويقدروا يركبوا طيارات مش عربيات
و5 % طبقه غنيه او ميسوره
دول كده 10 % .. يعني 8 مليون ... مش حنشوفهم الا في مارينا و شارم و كمبوند الصفوه

و30 % طبقه حنقول مجازا متوسطه .. لانها طبقه مطاطه زي الاستك ما بين اللي معاه حته مرسيدس موديل قديم او سي كلاس مثلا .. ولحد اللي معاهم السيراتو و ما فوقها وما تحتها ..
ومن سكان الرحاب و الشروق ومدينه نصر و لحد سكان غمره والمنيب و فيصل
يعني كاتب المقال صاحب الافيو الحقيره لا يمت لطبقه الفقراء بصله ويعتبر من الطبقه المتوسطه
بمعنى اصح دول غالبيه الناس اللي شايفينها راكبه عربياتها في الشارع و بيشتروا اللحمه اللي كانت ب 60 جنيه و بقت ب 100 علشان رمضان وبيدخلو ولادهم مدارس لغات او انترناشيونال
دول كده 40% ... يعني 32 مليون

يتبقى كام ... 60% ... ودول ما تحت الطبقه المتوسطه وانت نازل
60% من 80 مليون يعني 48 مليون ... يا بلااااش !!!
دول بقى ممكن يبتدوا من عند الدش القسط و التوك توك واللي بيركب الميكروباص و في ايده العلبه المارلبور و الحته النوكيا قسط ... او مستعمل ... او مسروق ... أو .... و انت نازل !!!


وعلى فكره الجزم النايكي و الساعات السواتش معموله للطبقه المتوسطه .. و لا مستكترينهم علينا كمان !!!

[hazem_khidr]

لا مش مصدق نفسي
اقرأ اشوف اسم محمد بيه جنيد في موضوع لسه حفتحه
و بعدين يدوب تحته الاقي سامح باشا رمزي
بجد مش مصدق نفسي
واحشني و الله يا باشمهندس و واحشني مشاركاتك العمليه جدا
تحياتي