مطلوب سيارات بالسائق للعمل بشركة بترول بمرتب 2500 جنيه

[totolay007]

مطلوب سيارات بالسائق للعمل بعقد سنوى بشركة بترول بمرتب 2500 جنيه ثابت العمل داخل القاهرة فقط ساعات العمل 8 ساعات ايام الاجازة يوم الجمعة او السبت


دى وجهة الاعلان

نظرة واقعية على هذا العرض


أولا : عند التعاقد يوجد عمولة قيمتها شهر من الراتب يعنى انتا بتشتغل شهر مجانى من قيمة العقد السنوى

ثانيا : البنزين والزيت عليهم وصيانة العربية عليك

ثالثاً : انت ملزم بالذهاب لجميع الاماكن داخل القاهرة الكبرى وليس محدد بعدد كيلو مترات معين


عملية حسابية لتحديد مكسبك بعد فترة انتهاء العقد

أولاً : المرتب الشهرى 2500 * 12 شهر = 30000 الف جنيه اجمالى مدة العقد

يتم خصم الاتى منهم

1- عمولة التعاقد شهر من العقد 2500 جنيه

2- صيانة السيارة بالتوكيل خلال السنة لن تقل عن 2000 جنيه

3- نسبة اهلاك السيارة خلال هذا العام 10% وهذه اقل نسبة وسيتم حسبها على فيرنا مانوال

هذه الحسابات بأقل النسب خساره

سوف اقوم بجمع المصاريف السابقة


2500 جنيه عمولة تعاقد + 6500 جنيه أهلاك سيارة + صيانة 2000

وبجمع ما سبق


اجمالى اعباء وخسائر من 30000 الف جنيه = 11000 جنيه

صافى الربح من 30000 الف جنيه = 19000 جنيه

19000 جنيه مقسمين عليك وعلى السيارة

انتا كسائق على السيارة مرتبك السنوى 9500 على 12 شهر = 790 جنيه شهريا دخل عامل نظافة

السيارة ايجارها الشهرى 9500 على 12 شهر = 790 جنيه أقل من الدخل الشهرى لعربية كبده وقفه على نصية الشارع

وفى الحالة دى اشرفك لا تشتغل عامل نظافة لتجبلك عربية كبده وتقف عليها وفى الحالتين انتا كسبان

[screamseko]

عندك حق وحسبه جميله جدااا
كلو بينبهر بالدخل الشهري ومبيفكرش في بعد كده

[Hamada_El_Sh3er]

والله عندك حق
ده كده العرض ده كويس أوي
ده في عروض تانية كمان بتقول ان الزيت عليك والمرتب 2400 بس
وموضوع ال 8 ساعات ده كدب في كدب في نصب في هبل
ده انت لما بتروح الشركة وتقابل المهندس
بتلاقيه بيقولك انت تحت إيدي ورجلي وفي اي وقت اجيبك وامشيك

[M.TONSY]

تمام وان كنت برجح موضوع الكبدة ده حلو قوى

[M.TONSY]

وفى كمان عربية الفول اه بجد مش بهزر ده بيكسب احسن من ايجار 10 عربيات سيراتو ومش هتاخد من وقتنا غير ساعتين