{ ولا تَبْخَسُوا النَّاسَ أَشْيَاءهُمْ }...... برجاء الدخول للاهمية القصوى

[zico7m]

مع كامل احترامي وموافقتي الكامله لكل حرف مما ذكرته بس انت شايف الموضوع من ناحيه واحده بس
بمعني واحد هيخش يطلب سهر مبالغ فيه جدا وحدش هيقولوا انه مبالغ في السعر يقوم يجي واحد ميعرفش السعر الحقيقي يشتري(تسمح تعرفلي النصب بصورة مختلفه عن كده) يعني كل وسائل النصب تبحث عن من لا يعرف القيمه الحقيقيه وخداعه
وانا من وجهه نظري ان من يري احد يعرض اي سلعه ومبالغ فيها "نصاب يعني" وسكت يبقي مشارك في النصب واكل مال من سينصب عليه والساكت عن الحق شيطان اخرص

[albalshy]

موضوع أكثر من رائع بصراحه . و كل صاحب سياره شايف ان سيارته مش تساوى كام ألف لاء دى تساوى كام مليون و بينظر لها على أنها حتة ألماظ و له كل الحق انه يطلب فيها المبلغ اللى عايزه و اللى شايفه مناسب لسيارته . و ده عرض و طلب و الكلام ليس عليه جمرك .
و مع مراعاة ما سبق لازم نحط فى الاعتبار بردو ان فيه أسعار متداوله فى السوق و خلاص بقى معروف كل سياره سعرها من كذا الى كذا حسب الحاله الا من بعض السيارات اللى حالتها شاذه .
و مع ذلك لما نلاقى عربيه صاحبها طالب فيها سعر يزيد 4 أو 5 ألاف جنيه عن سعرها الطبيعى أو حتى سعرها التقريبى فهنا لابد من وقفه جاده . لأن مش كلنا ملم بالأسعار و مش كلنا متابعين حالة السوق . و المفترض اننا كلنا أ عضاء و اخوه و زملاء فى منتدى واحد نتعارف على بعض و نسأل بعض و نستشير بعض و فى النهايه كلنا بنستفيد من بعض فى جميع مجالات السيارات .
لذلك فالضروره تقتضى اننا نسأل صاحب العربيه عن حالتها كويس و على أى أساس هو طالب السعر ده و لو السعر مبالغ فيه الواجب يفرض علينا مصارحته بذلك و فى نفس الوقت نعرفه و نعرف زملائنا الأعضاء الراغبين فى الشراء بالسعر المناسب تبعا لحالة السياره و عشان محدش يشترى عربيه فيها كام ألف جنيه زياده و بعد فتره ييجى يبيع العربيه يقوم يخسر فيها كتير أوى .
معلش يا جماعه محدش فينا جايب فلوسه بالساهل كلنا تعبانين و شقيانين فى فلوسنا .
و مع العلم فيه ناس كتير بتعرض عربياتها للبيع فى المنتدى و بيبقى طالب السعر العادل و المناسب لعربيته لا جنيه زايد ولا جنيه ناقص فلا داعى للجدال و الفصال تانى معاهم و ندعو لهم بسرعة البيع و ربنا يوفقهم و يكرمهم و يحسنلهم بيعها و بيجدوا مشترين كتير لعربيتاتهم من جوه و بره المنتدى .
أما لما نلاقى عربيه سعرها المطلوب مبالغ فيه أوى من غير ما تكون حالتها شاذه فهنا الكلام بيكتر و جدال و مشاحنات و ليه يا عم و كلام مالوش لازمه من غير بيع ولا شراء و فى الاول و فى الاخر بتكون غلطة البائع أو العارض سيارته للبيع لانه لو طلب سعر معقول و عادل مش هايسمع كلام يضايقه أو تعليقات سخيفه و فى نفس الوقت هايلاقى مشترين كتير لعربيته .
موقفين حصلوا معايا أنا شخصيا :- صديقى كان عايز يشترى نوبيرا مو2001 زيرو دواخل و رشه كلها ماعدا السقف و كامله مانوال و عداد 160000 كيلو و المطلوب 46000 ( ليييييييييييييييييييييييي ييه ؟؟؟؟؟؟؟؟؟؟؟؟؟؟؟؟؟؟؟ و ازااااااااااااااااااااااا ى يعنى ؟؟؟؟؟؟؟ ) .
كونت باتفرج على كورولا 2002 كامله أوتوماتيك زيرو دواخل و رشه حزام جانبين مع الاكصدامات و عداد 170000 كيلو و المطلوب 75000 ( بقى ده اسمه كلام ؟؟؟؟؟ ) .

[dr_maged]

المشاركة الأصلية كتبت بواسطة zico7m مع كامل احترامي وموافقتي الكامله لكل حرف مما ذكرته بس انت شايف الموضوع من ناحيه واحده بس بمعني واحد هيخش يطلب سهر مبالغ فيه جدا وحدش هيقولوا انه مبالغ في السعر يقوم يجي واحد ميعرفش السعر الحقيقي يشتري(تسمح تعرفلي النصب بصورة مختلفه عن كده) يعني كل وسائل النصب تبحث عن من لا يعرف القيمه الحقيقيه وخداعه وانا من وجهه نظري ان من يري احد يعرض اي سلعه ومبالغ فيها "نصاب يعني" وسكت يبقي مشارك في النصب واكل مال من سينصب عليه والساكت عن الحق شيطان اخرص

مع احترامى لحضرتك بس نصب اية اللى بيشترى عربية بيبقى سائل كذا حد وبيبقى عارف متوسط الاسعر فى السوق وفى كذا موضوع هنا فى المنتدى عن التسعير المستعمل ممكن انت لما تلاقى حد وعارف انه نصاب ومتأكد (( لان بعض الظن اثم )) تبلغ عنه الادارة

وبعدين ده مش نصب دى تجارة انا ممكن عندى شقة وغالية عليا وقيمتها كبيرة واحد ممكن يقدر القيمة دى انا مغليها 10000 جنية عن السوق يبقى كدة بنصب حضرتك من الواضح فاهم التجارة غلط تماما
النصب لما اذكر شئ فى البضاعة مش موجودة فيه يعنى اقول فابريكة برة وجوة وهيا عاملة حادثة اهو دا نصب
لكن انا مقيم حاجتى ب 10 قروش والسوق بيقول 5 انا حر فى ذلك سواء قبل الشارى او لم يقبل
مش معقول واحد بيشترى حاجة ب 30 الف جنيه مثلا ومش عارف سعرها الحقيقى كام وهيروح يدفع من اول كلمة

[ahmedagamal]

جزاك الله خير
بس أنا مش مع حضرتك يعني أزاي السوق بيقول 5 قروش وأنته طالب 10 فين أمانه البيع والشراء أنا أعرف أن البيع أمانه يعني أنا بشوف متوسط السوق وبناء عليه أحط السعر
أنا مثلا معنديش خبره في أسعار العربيات وفي واحد عرض عربيه ب 50 ألف على المنتدى
سألت أهل الخبره برده في المنتدى(تسعير أي عربيه مستعمله) قالي نفس الموصفات تعمل 45 ألف أزاي أنصح أي حد يدخل على الوضوع وأعرفه السعر الحقيقي (الساكت عن الحق شيطان أخرس) أنا مش بقول أن كلام حضرتك غلط بس ياريت يكون في رقابه على مواضيع بيع السيارات من أهل الخبره المعتمدين في المنتدى يعني مش أي من هب ودب يحط سعر
وده طلبي وأمنيتي أن يكون في أشراف على مواضيع بيع السيارات في المنتدى للناس الغلابه ألي زي أمثالي أنا بقالي حوالي 4 شهور مش عارف أجيب عربيه حرام والهي
وربنا يوفق الجميع

[dr_maged]

المشاركة الأصلية كتبت بواسطة ahmedagamal جزاك الله خير بس أنا مش مع حضرتك يعني أزاي السوق بيقول 5 قروش وأنته طالب 10 فين أمانه البيع والشراء أنا أعرف أن البيع أمانه يعني أنا بشوف متوسط السوق وبناء عليه أحط السعر أنا مثلا معنديش خبره في أسعار العربيات وفي واحد عرض عربيه ب 50 ألف على المنتدى سألت أهل الخبره برده في المنتدى(تسعير أي عربيه مستعمله) قالي نفس الموصفات تعمل 45 ألف أزاي أنصح أي حد يدخل على الوضوع وأعرفه السعر الحقيقي (الساكت عن الحق شيطان أخرس) أنا مش بقول أن كلام حضرتك غلط بس ياريت يكون في رقابه على مواضيع بيع السيارات من أهل الخبره المعتمدين في المنتدى يعني مش أي من هب ودب يحط سعر وده طلبي وأمنيتي أن يكون في أشراف على مواضيع بيع السيارات في المنتدى للناس الغلابه ألي زي أمثالي أنا بقالي حوالي 4 شهور مش عارف أجيب عربيه حرام والهي وربنا يوفق الجميع

يا جماعة انتم ليه شايفين ان كل واحد مغلى فى السعر يبقى نصاب وعاوز يضحك على الناس
لكل الاعضاء اللى بيتكلموا فى النقطة دى هلى فى حد منكم شاف واحد باع عربية بسعر خيالى عن اللى فى السوق ولا اللى هوه حاطة وعاوزة فى عربيتة
دا فى عربية لانوس وهم معروضة للبيع فى المنتدى وعشان صاحبها طالب اكتر من تمنها اللى فى السوق ومع انها تستاهل اللى مطلوب فيها محدش راضى يخدها وفى حد بيشترى عربية غير لما يكشف عليها
يعنى خلاص بقى كلنا بنفهم فى العربيات وبنتمن والله اللى شابف حد بينصب على حد ولا واحد هيتخم يبقى يبلغ الادارة لكن انت ولا هتبيع ولا هتشترى بتدخل فى مشكلة مع البائع لية ممكن هوه مش عارف السعر ابعت له على الخاص بلغ الادارة ينصحوه لو لقيت حد بيشترى منه قول له على الخاص لكن اية فايدة الخناقات والمشاحنات