انا نازلة السوق الجمعة الجاية تشوروا عليا ب أية ؟

[ezzat2002mo]

حضرتك تحددى الاول انتى عاوزة ايه من العربيه حجم وشكل وقوة وسعر قطع الغيار وسهوله البيع والتعامل مع التوكيل ولا لا وبعدين نقدر نحدد لان الاختيارات كتير جدا

[ahmed_eng2001]

نصيحتى المتواضعة لسوق السيارات

حضرتك تروحى تتفرجى و تشوفى علشان تتعلمى .... متعمليش حسابك فى الشراء
للأسف تجار السيارات مسيطرين على اغلب السوق و ليهم طرق و اساليب غريبة فى استبعاد السيارات الكويسة و بيعها لحسابهم ... او تطفيش الزباين من العربيات الى هم عاوزينها ... و ان كان احيانا بتكون فيه حاجات كويسة ... بس دى قليلة جدا

نصيحة تانية .... لو الناس قالوا لحضرتك ان سعر للياريس بـ 60 الف مثلا .... لما تتفرجى على عربيات سوف تجدى ان العربيات الجيدة .. سعرها بيزيد شوية عن كدة
فحضرتك لازم توطى سقف السعر شوية عن الفلوس الى معاكى
و تقبلوا مرورى

[سيداحمد]

الاخت الفاضله:اولا اوعى تشترى عربيه فيها توكيلات لان اكتر التوكيلات مضروبه ثانيا ماتخديش معاكى مبلغ كبير للسوق ثالثالو عاجبتك عربيه واشترتيها ادفعى عربون بسيط لحين الكشف على السياره فى المرور مع اخذ صورة بطاقة البائع واتاكدى انها بطاقته وصوره من رخصة السياره واتاكدى ان رقم الموتور والشاسيه هما اللى فى الرخصه عند دفع باقى المبلغ اتاكدى من عنوان صاحب السياره ومتدفعيش فلوس فى الشارع ولازم تخاى2000جنيه لحد مايجيبلك شهادة المخالفات ولو الرخصه منتهيه اومعاه تصريح لازم يجيب شهادة بيانات للشهر العقارى وشهادة بيانات للمرور اللى انتى تابعه له لو هاتنقلى ملكيه واهم حاجه تكونى واثقه فى الناس اللى رايحين معااااااكى علشان ماحدش يقبض من صاحب العرييه ويقولك تمام وهى معيوبه وربنا يوفقك للى فيه الخير

[mhamdy75]

المشاركة الأصلية كتبت بواسطة سيداحمد الاخت الفاضله:اولا اوعى تشترى عربيه فيها توكيلات لان اكتر التوكيلات مضروبه ثانيا ماتخديش معاكى مبلغ كبير للسوق ثالثالو عاجبتك عربيه واشترتيها ادفعى عربون بسيط لحين الكشف على السياره فى المرور مع اخذ صورة بطاقة البائع واتاكدى انها بطاقته وصوره من رخصة السياره واتاكدى ان رقم الموتور والشاسيه هما اللى فى الرخصه عند دفع باقى المبلغ اتاكدى من عنوان صاحب السياره ومتدفعيش فلوس فى الشارع ولازم تخاى2000جنيه لحد مايجيبلك شهادة المخالفات ولو الرخصه منتهيه اومعاه تصريح لازم يجيب شهادة بيانات للشهر العقارى وشهادة بيانات للمرور اللى انتى تابعه له لو هاتنقلى ملكيه واهم حاجه تكونى واثقه فى الناس اللى رايحين معااااااكى علشان ماحدش يقبض من صاحب العرييه ويقولك تمام وهى معيوبه وربنا يوفقك للى فيه الخير

+11111111111111111111

[sharooo]

المشاركة الأصلية كتبت بواسطة ام يزيد السلام عليكم يجماعة انا ماليش غيركم بصراحة تنصحوني وتدلوني انا نازلة السوق يوم الجمعة وعمري مارحت قبل كدة واكيد معايا ناس بتفهم بس عاوزة اعرف اية هبا طبيعة السوق واخلي بالي من اية واعمل اية مثلا لو عجبتني عربية واعربن عليها ازاي يعني تقولولي من الاخر اية اللي مفروض اعملة لعل وعسي الاقي حاجة لقطة وبلاها حكاية التقسيط و9 ونص فايدة العربية ام 111 الف لاقيتها هتخشلها في 150 الف دة غير كدة اني لو دفعت فلوس زيادة هدفع غرامة سداد مبكر الحتة دي بقي اللي حرقت دمي فسألت نفسي لية ماروحش السوق واتفرج يمكن ؟

لازم تجيبي عربيه من حد قريبك او زميلك في العمل...شخ تكوني بتثقي فيه وعارفه تاريخ عربيته
تانيا تفحصي السياره وورقها بكل دقه
تالتا تصلي استخاره وتتوكلي على الله
رابعا نصيحه لوجه الله ابعدي عن الصيني
65 الف يجيبولك اوبترا بس تزودي شويه او صني 2009 مثلا اوالانترا الشكل قبل الاخير
وممكن يجيبو فيرنا اتوماتك 2010 اوشفروليه لانوس او افيو2010
وممكن ب 50 الف تجيبي حجات ممتازه زي نوبيرا 2006 فبريقه برا وجوه ماشيه اقل من 100 الف كيلو
حددي الفئه واختاري