مشاركة ايهما تفضل : القيادة العادية ام القيادة الاوتوماتيكية ؟؟

[باهر احمد]

انا رأيى ان الاوتو ده ملوكى و بشواتى يعنى يكفى انك بتسوق مرتاح و ريلاكس بس بشرط ضمان كفاءة الفيتيس

[mmordy]

السلام عليكم ورحمة جميعا
انا بفكر اشترى ان شاء الله سيارة سيريون اوتومانيك م 2000 وعاوز أعرف حاجتين من الناس الى عندهم خبرة فى الاوتوماتيك
اولا إذا كان حد عنده النوع دا من السيارات يقولى مشكورا ايه رايه فيه

ثانيا البعض بيخوفنى من ان الاوتوماتيك وبيقولو مشاكله كتير ولما بيعطل بيوقف مكانه لحد ما يجيله مكانيكى أو يترفع الى المتخصصين فهل هذا الكلام صحيح ولو دا صحيح هل هناك حل لهذة المشكلة من البداية بحيث يمكن تلافى هذة المشكلة يعنى هل هناك جزء فى السيارة طالما أنى أتأكد من سلامته وكفائته لن يحدث هذه المشكلة بإذن الله

وجزاكم الله خيرا

[magdawy76]

طبعا الأوتوماتيك لأن أكتر حاجة بكرهها فى حياتى هى الدبرياج

[bmkbmk]

المشاركة الأصلية كتبت بواسطة mmordy السلام عليكم ورحمة جميعا انا بفكر اشترى ان شاء الله سيارة سيريون اوتومانيك م 2000 وعاوز أعرف حاجتين من الناس الى عندهم خبرة فى الاوتوماتيك اولا إذا كان حد عنده النوع دا من السيارات يقولى مشكورا ايه رايه فيه ثانيا البعض بيخوفنى من ان الاوتوماتيك وبيقولو مشاكله كتير ولما بيعطل بيوقف مكانه لحد ما يجيله مكانيكى أو يترفع الى المتخصصين فهل هذا الكلام صحيح ولو دا صحيح هل هناك حل لهذة المشكلة من البداية بحيث يمكن تلافى هذة المشكلة يعنى هل هناك جزء فى السيارة طالما أنى أتأكد من سلامته وكفائته لن يحدث هذه المشكلة بإذن الله وجزاكم الله خيرا

اولا ياباشا مش هقدر افيدك فيها علشان معرفش حاجة عن العربية دى بصراحة

أما عن ثانيا (مشاكله مش كتير يا باشا ولا حاجة إلا لو العربية نفسها حالتها تعبانة و المقصود انه لو عطل بيقف مكانه فاده مقصود بيه فى حالة نوم البطارية فا مش ممكن العربية تتزق زقة للنبى و تشتغل,,, انما هتتزق و تتحرك عادى لحد ما تركنها .... و متهيألى فى حالة عطل الفتيس الاتوماتك او العادى لازم الميكانيكى ييجى يشوف العربية أو انت اللى ترفعها له... و دى بجد يا باشا مفاهيم قديمة قوى كنت بسمعها و انا فى اعدادى ... و طبعا الصيانة الدورية للعربية عموما و الاهتمام بيها بيقلل جدا من فرصة حدوث الاعطال عموما)

و بالتوفيق يا باشا ان شاء الله

[الكشفى]

طبعا القيادة المانيوال لا يعلى عليها