تعلم القيادة وانت فى مكانك

[nawwara]

المشاركة الأصلية كتبت بواسطة Eng/salwa السلام عليكم و رحمة الله و بركاته يا نواره انا فخورة بمواضيعك كلها روعة و على فكرة احنا مشتركين فى حاجة واحدة و هى (القرآن ) الحمد لله ربنا يديمها علينا نعمة و يا ريت نبقى نتشارك الآراء فى مواضيعنا على فكرة الاخ اللى رد عليكى دلوقتى هو صاحب شعار ( خلى البنات ...... و عمرها يعدى ) اللى احنا اتخانقنا معاه انا و انت فى موضوع قبل كده و بقوله ايوة هى بنت و لو اتعلمت السواقة من ال cd ده هيكون اللى علمك بنت بلا ش تتعلم بقة علشان العار اللى سيلحق بك هاهاهاها انا بس أهدئ النفوس احب ابشرك و انا مثل والدتك ان شاء الله (خلفتك هتكون كلها بنات ) و خيركم من بشر بأنثى كما قال الرسول الكريم صلى الله عليه و سلم شكرا ليكى يا نوارة و نورتينا و شرفتينا

وعليكم السلام ورحمة الله وبركاته
جزاكى الله خيرا على كلامك الجميل , يزيدنى الشرف انى اجتمع بحضرتك على افضل حاجة فى الوجود ..
الأخ صاحب شعار ( خلى البنات تصدى وسنها يعدى ) انا عارفة انه هو , لكن ده لا يمنع طبعا انه يستفيد كبقية الأعضاء , وفى النهاية ده رأيه الشخصى وهو حر فيه , كل ما فى الأمر انه كان لازم يهتم شوية ان فى حد ممكن يتضايق من كلامه او يتجرح منه ..
انا شخصيا واحدة من اللى ماشيين فى مشوار الصدأ اللى أشار اليه الأخ , ولكن لا يهمنى الأمر لانى ببساطة طالما لم اتزوج حتى الآن، يبقى ده الخير والأفضل اللى ربنا اختاره لى , ولما يحين وقت زواجى هايبقى هو ده الخير فى الوقت اللى قدره ربنا , ولو ماتزوجتش خالص يبقى ده برده الخير ..
أمى اللى بتفكر فى مصلحتى وخايفة عليا مش هاتكون أفضل من ربنا سبحانه وتعالى بمعنى ان ربنا أحن على الانسان من والدته يبقى اللى هايقدره ربنا لى بالتأكيد هايكون أفضل ألف مرة من أى حاجة اختارها او تختارها لى أمى ودى حاجة نفسيتى مرتاحة لها جدا والحمد لله وياريت كل البنات تحسها ..
وبالتالى الكلمة اللى قالها الأخ مجرد كلمة ضايقتنى فى وقتها وخلاص ..
ما علينا المهم حملتى الاسطوانة ولا لسة ؟

[Eng/salwa]

جزاكى الله كل خير
حملت الاسطوانه و جعلها فى ميزان حسناتك
عجبتنى جدا طريقة تفكيرك فى الزواج
بارك الله لكى و فيكى و رزقك الزوج الصالح يا رب انت و كل بنات المنتدى
الظاهر انى هكون ام البنات فى المنتدى ده و اعوض النقص اللى عندى
شكرا على ردك الذوق و يا ريت تتواصلى معى دائما و احب تشاركى فى موضوعى
http://www.masrmotors.com/vb/showthread.php?t=66602

[Eng/salwa]

الملف للاسف مش شغال يا نوارة

[bekeat]

شكرا يا أخت نوارة , وكتر خيرك .

[يسري أبو الخير]

المشاركة الأصلية كتبت بواسطة nawwara وعليكم السلام ورحمة الله وبركاته جزاكى الله خيرا على كلامك الجميل , يزيدنى الشرف انى اجتمع بحضرتك على افضل حاجة فى الوجود .. الأخ صاحب شعار ( خلى البنات تصدى وسنها يعدى ) انا عارفة انه هو , لكن ده لا يمنع طبعا انه يستفيد كبقية الأعضاء , وفى النهاية ده رأيه الشخصى وهو حر فيه , كل ما فى الأمر انه كان لازم يهتم شوية ان فى حد ممكن يتضايق من كلامه او يتجرح منه .. انا شخصيا واحدة من اللى ماشيين فى مشوار الصدأ اللى أشار اليه الأخ , ولكن لا يهمنى الأمر لانى ببساطة طالما لم اتزوج حتى الآن، يبقى ده الخير والأفضل اللى ربنا اختاره لى , ولما يحين وقت زواجى هايبقى هو ده الخير فى الوقت اللى قدره ربنا , ولو ماتزوجتش خالص يبقى ده برده الخير .. أمى اللى بتفكر فى مصلحتى وخايفة عليا مش هاتكون أفضل من ربنا سبحانه وتعالى بمعنى ان ربنا أحن على الانسان من والدته يبقى اللى هايقدره ربنا لى بالتأكيد هايكون أفضل ألف مرة من أى حاجة اختارها او تختارها لى أمى ودى حاجة نفسيتى مرتاحة لها جدا والحمد لله وياريت كل البنات تحسها .. وبالتالى الكلمة اللى قالها الأخ مجرد كلمة ضايقتنى فى وقتها وخلاص .. ما علينا المهم حملتى الاسطوانة ولا لسة ؟

ربنا يكرمك و يبارك لك .. كلامك عاقل جدا و متزن .. و يشير لإيمانك المطلق بالله سبحانه و تعالى .. شكرا لك .. تقبلي تحياتي