لماذا السيارات المستعملة افضل خيار في مصر؟ على عكس الراي السائد!!

[ahmed_zamalek7]

ياجماعه الموضوع بيختلف من واحد لواحد حسب العربيه ال شتراها يعنى الشترى مستعمل وطلعت كويسه ومصرفش هيقلك المستعمل جميل وانا الكسبان والعكس لو وقع حظه فى حاجه وحشه
المستعمل ميزته انى بعلى بمستوى العربيه انا شخصيا كان المعايا 90 الف اول مفكرت اشترى كان ايه المتاح قدامى اوبترا كامله لما دورت فى المستعمل جبت بيجو 307 بانوراما احسن بكتير والحمد الله كانت بحالها واستعمال حريمى فجبتها وربنا كرمنى مشكلتها ان قطع غيرها فى القاهره وانا من الزقازيق ول بعتها مش هخسر كتير لكن الزيرو كنت هجبها مثلا بى 90 كنت هبيعها بى 70 خساره كبيره لكن لو المستعمل وحش اخسر ال 20 احسن

[طارق عبد السلام]

مش كل المستعمل متعب
ومش كل الجديد مريح
يعنى انا رأيى المستعمل هو الحاله المميزه وموجود لكن المشنات لالالالالالالالالا
انا من فتره اشتريت بولو 99 مستعمله بحاله روعه
العربيه دى عمرها مازعلتنى وصياناتها ومش مكلفه 6 سنوات وانا بالظبط معى عربيه زى الزيرو بل افضل ولا عمرى عملت لها عفشه ولا وقفتنى عند ميكانيكى الصيانات الدوريه فقط
ودايما بعتز بكلمه بولو او فولكس لانها حماله أسيه وبهدله وعمرها ماقلت لا

[نوجا28]

المشاركة الأصلية كتبت بواسطة islamtmam1 اخي اكريم القديم رديم يعني اردم عليه كمان بيقولو لوكان فيه خير ماكان رماه الطير غالبا اي عربية ما بتتباعشى في مصر الا بعد ما تكون مشنه ايدك منها والارض اللهم الا نادر انا رايي المتواضع ان الصيني زيرو احسن من الياباني المستعمل خصوصا لو الستعمل لاتدري عنه شىء وعموما انا باشكرك جدا علبى الموضوع الجميل ده

انا مع الراى ده جدا كرتونة جديدة ولا حديدة مستعملة بالذات ان قلة الضمير مش عند التوكيل بس دى صفة فى البشر عموما وكمان مين قال ان علشان عربيتى زيرو لازم اعدى الاول على راسى ريشة يعنى ولا ايه بصراحة منطق غريب

[ahrambc]

ربما لن يكون هناك جديد فى مشاركاتى و ربما كانت تجميع لبعض الملاحظات .

أولا : قرار شراء سياره مستعمله أو جديده يعتمد على الشخص نفسه ..... من حيث امكانياته الماليه و من حيث درايته بالسيارات .

النقطه الأخيره هى خادعة فى كثير من الأحيان .... فربما يتصور الشخص فى نفسه القدره على الحكم على سياره مستعمله بينما لا تتوافر هذه القدره فيه , و لذلك فيجب على من يشترى المستعمل أن لا يخدع نفسه اذا كانت خبرته فعليا لا تسمح له بالحكم على سيارة مستعمله .

هذه النقطه الأخيره قد تكون صعبه فى بعض الأحيان .... لكن على الأنسان أن يتعلم أن لا يخدع نفسه .

هناك أيضا من يستعين بخبراء قد يكونون غير مؤهلين لذلك سواء من ناحية الخبره أو الأمانه .

لذلك اذا كنت تملك الخبره و الدرايه اللازمه فأشترى لنفسك بدون تردد ...و يمكنك الأستعانه بالتكنولوجيا ....فهى لن تخدعك بأى حال .

أما عن قرار شراء سيارة جديده حال توافر الامكانيات لذلك .... لكن يجب الحذر من التالى :

1- توافر قطع الغيار خارج التوكيل و بالقرب من أماكن اقامتك و انتقالاتك .

2- توافر الفنيين المؤهلين للعمل على سيارتك و الأجهزة اللازمة لذلك بالقرب منك .

3- احرص على مداومة الصيانات حسب جدول الشركة المصنعه .

4- انتقى الأنواع التى يسهل بيعها حتى لا تخسر كثيرا من قيمة السياره

و لذلك فحتى انتقاء سيارة جديده يتطلب أيضا قدرا ما من الخبره و المعرفه .

.

[محمدحسن الغالى]

عربيتى موديل 76 تحفه فنيه باور سنتر فتحة سقف اوتوماتيك دركسيون زينون