حد يعرف مميزات و عيوب اونو 1998

[mohamed zaky mohamed]

اخواني الافاضل حد يعرف مميزات و عيوب اونو 98 و هل تتحمل السفر باسره من 5 افراد ( منهم 3 اطفال ) السفر لمسافه توصل ل 500 كم ... اخوكم مستعجل

[freshprince60]

انا معايا 1997 بولندى والعربية كويسة وتستحمل السفر بس اهم حاجة ما تقرصش عليها وامشى اخرك 80 -90 كم وطبعا تطمن على الزيت والمية وتحطلها بنزين 90 احسن وماتقلقش ان شاء الله هاتسد معاك*

[Kemo Kono]

العربية دى حلوة جدا لاى حد عايز عربية صغيرة و ناعمة ....غير الفليشيا اللى صوتها زى اللادا ....فعلا هتسد معاك اوى بس ارحمها من النقر المفاجأة و طبعا راعيها ف الصيانة الدورية زيها زى اى عربية ..تصونها تصونك ....العربية ناعمة وسريعة و اقتصادية بدرجة رهيبة ( 1000 سى سى ) و عالية نسبيا لو فاضية ...بس مع تحميل فردين كبار بالخلف بتصبح واطية .....و ثابتة على الطريق حتى 100 كم / ساعة ...بس تقدر تجيب بيها 130 كم / ساعة و هى فاضية و تكون ماسكة نفسها شوية بس طبعا عايزة سواق خبير عشان متروحش منه ف عمود ....كان معايا واحدة 2002 فضى عدادها كان 82 الف كم ......موتورها كان زيرو ( موتورها الاصلى ) و كانت عربية جميلة بس بعتها من كام شهر عشان كانت صغيرة و انا متعوتدش على عربية صغيرة ...بس بجد سيارة جميلة ...بالتوفيق !

[dr3mb]

عربية ممتازة توكل على الله وهاتها
قطع غيارها رخيصة ومتوفرة مع اتنين اصحابى وحبينها جدا بس موديلات 91و93
بس اعتقد انهم واحد
وانا بفكر اجيبها

[hazem_khidr]

مشكلتها في الفوانيس فقط لاختلافها عن موديلت التسعينات
اما ما عدا ذلك فقطع غيارها متوافره.
لكن مهما كانت سياره صغيره و مسافه 500 كم محتاجه سياره اكبر و احدث
فلا تتوقع من الاونو ان يكون ادائها باداء سياره حديثه