السيارة الأونو - مميزاتها وعيوبها

[مهند سالم]

عموما إلا أنا فاهمه من وجهة نظر العضوين إلا معاهم أونو إنهم اتفقوا على إن الإيطالي أفضل، ده واحد.
ثانيا: الكاربيراتير أفضل من الإنجكشن في العربية دي.
ثالثًا العربية فعلا واطية ومحتاجة حرص في المشي.
رابعا: العربية فعلا ضيقة ومش عائلية في السفر.
وشكرا ليكم

[ayman sahin]

تفصيل ممتاز للعربية وياريت لو حد يقدر يقدم تقرير زية للريجاتا لو حد عندو خبرة معاها ........عشان نستفيد وشكرا

[nicolass]

المشاركة الأصلية كتبت بواسطة TELEBK مع خالص تحياتي لهذا الرد المفصل ولكن أنا كل تجربتي في العربية علي مدار سنتين كانت مع المعدلة البولندي الإنجكشن وإسبراتير إلكتروني وعلي شريحة كمبيوتر ، وده بالفعل مشاكله كتير لكن هيه ديه التكنولوجيا الحديثه في العربيات بعد الألفينات ، وبالنسبة للي مع حضرتك هيه أكيد إيطالي ، وبعد ماإشتريتها " البولندي " عرفت إن الإيطالي عضمها جامد وصاجها حتي أشد من البولندي والبرازيلي ، لكن أختلف مع حضرتك في موضوع الشاسية لإن خبطة زي إللي حضرتك بتقول عليها لازم تكون أثرت في الشاسية حتي ولو تأثير خفيف يعني لو سمكري شافها أو حتي حطيتها علي جهاز ظبط زاوايا وإتزان حيبان لو كان الشاسية إتأثر ولا لأ ، وإن شاء الله يكون ماإتأثرش ، لكن بالفعل العربية واطيه وقريبة من الأرض وأي مطب عالي بتاخده بيأثر في الشكمان ، وممكن تكون إللي مع حضرتك إنت شاريها متعلية وراكب ليها علايات في السوست الكباية عند المساعدين ورا ، لكن خد بالك ومش كل مره تسلم الجره ، وبالنسبة للعفشة أنا قولت إللي مر بيه فيها وده أعتقد في كل العربيات الحديثة ، وديه مشكلة بيعاني منها ناس كتير معاهم عربيات جديده ، وعموما العربية ديه إتصممت في إيطاليا وإختلاف الطبيعة والشوارع هناك عن هنا حتتأثر بيه العربية ، فحاول إنك متركبش فيها عدد كتير كل مره ، وتجنب بيها المطبات والدغدغة ، وربنا يسترها عليك ويسلمهالك ويديلك خيرها ويبعد عنك شرها . مع خالص شكري وتقديري د/خالدptmnlo123per154

بالنسبة للشاسية لما اعمل زوايا هقولك بس فى ميكانيكى شافهالى بعدها الى كان عاملى العمره وقالى مافى شئ فيها
بس هتاكد وان شاء الله خير

والشكمان فى الاول كان عاملى بلاوى وكان بيقع فى اليوم مرتين
لانه من تحت عامل كيرف كدا ناحية الارض
فـ اى بتاع شكمانات بيقص الماسورة بتاعته ويلفها لفوق او على جنب ويلحمها تانى

انا عملت كدا من يجى 4 شهور والحمد لله مبقاش فى اى مشكلة مع المطبات

وفعلا الانجكشن غالى فى قطع الغيار عن الكربراتير ومشاكله اكتر

بس موفر اكتر فى البنزين لان الكربراتير اوقات بيستهبل كالعادة يعنى

توتالى هى عربية لشاب لسة بيتعلم سواقة او فى اول حياته مناسبة جدا

شيك,شبابية,سهل التعديل فيها واى تعديل هيبان حتى لو اتركب فوجات او اتغيرت مراية,صغيرة ومناسبة لشوارعنا الضيقة,بتسحب بسرعة وحلوة فى السفر مع التكييف .....

i like it

تحياتى يا دكتور

[TELEBK]

المشاركة الأصلية كتبت بواسطة nicolass بالنسبة للشاسية لما اعمل زوايا هقولك بس فى ميكانيكى شافهالى بعدها الى كان عاملى العمره وقالى مافى شئ فيها بس هتاكد وان شاء الله خير والشكمان فى الاول كان عاملى بلاوى وكان بيقع فى اليوم مرتين لانه من تحت عامل كيرف كدا ناحية الارض فـ اى بتاع شكمانات بيقص الماسورة بتاعته ويلفها لفوق او على جنب ويلحمها تانى انا عملت كدا من يجى 4 شهور والحمد لله مبقاش فى اى مشكلة مع المطبات وفعلا الانجكشن غالى فى قطع الغيار عن الكربراتير ومشاكله اكتر بس موفر اكتر فى البنزين لان الكربراتير اوقات بيستهبل كالعادة يعنى توتالى هى عربية لشاب لسة بيتعلم سواقة او فى اول حياته مناسبة جدا شيك,شبابية,سهل التعديل فيها واى تعديل هيبان حتى لو اتركب فوجات او اتغيرت مراية,صغيرة ومناسبة لشوارعنا الضيقة,بتسحب بسرعة وحلوة فى السفر مع التكييف ..... i like it تحياتى يا دكتور

عفواً وشكراً للرد والإهتمام ، وبالنسبة لتوفير البنزين في الإنجشكن _ كان فيه مهندس في التوكيل " أوماترا " قالي لو الإنجكشن مظبوط ممكن تعمل في الصفيحة " 20 لتر " من 360 : 400 كم .
مع خالص شكري وتقدير
د / خالدptmnlo123per154

[TELEBK]

المشاركة الأصلية كتبت بواسطة ayman sahin تفصيل ممتاز للعربية وياريت لو حد يقدر يقدم تقرير زية للريجاتا لو حد عندو خبرة معاها ........عشان نستفيد وشكرا

عفوا ، ديه خبرات مهم جدا في منتدي محترم وناسه مهذبين بالشكل ده إن إحنا نتبادل خبراتنا مع بعض ، بإسلوب راقي ومتحضر .
مع خالص شكري وتقديري
د / خالدptmnlo123per154