|
#6
10-02-2010, 08:41 PM
|
||||
|
||||
رد: ذكرياتى مع السيارات فى هولندا
وعدت الليلة وتانى يوم بصراحة صحيت نفسى مسدودة من العجل ومن الخبطة اللى نتجت عن الحادث وعلية اخدت قرار بمقاطعة العجل تماما وارتضيت بالامر الواقع__________ ومرت شهور وكنت فى زيارة لاحد اصدقائى الذين تعرفت عليهم هنا اسمة -ماني-هو اسمة اصلا محمد لكن الدلع دة ضرورى عند الاسكندرانية خاصا لو من اولاد البلد--قمت بزيارتة وتطراء الحديث للسيارات وقاللى لية ماتعملش رخصة وتجيب العربية اللى انت عاوزها- قلت لة - ربنا يسهل-لكنة اقترح علي فكرة انى اعمل رخصة دولية من مصر واقدر اسوق بيها هنا 6 شهور طبعا كانت مفاجاة واتبسطت اوى خاصا لما اتأكدت من المعلومة واتصلت تانى يوم بمصر علشان يبعتولى رخصة دولية--وطبعا كان لازم الاول يطلعوا رخصة مصرية طلعت طبعا وفى خلال 10 ايام كانوا عندى--وذهبت لصديقى وصاحبى وحبيبى -ماني - الاسكندرانى ازف الية الخبر فوجئت بية يهنئنى ويعطينى مفاتيح سيارة وقاللى دية بقى مفاتيح اول سيارة ليك هنا وتدفع بس 300 جيلدر والباقى هدية منى ليك طبعا فرحت خاصا لما قاللى ادفع كل شهر 100 جيلد وبداية من الشهر اللى جاى وافقت واخذت السيارة وانصرفت بها وكانت مشكلة كبيرة لم اتخيلها او افكر فيها -طيب انا معايا سيارة ح اعمل اية دلوقتى -دة انا حتى ماعرفش اروح البيت كل الطرق اللى اعرفها هى طرق العجل ولونها احمر وغير كدة اعرف الطريق اللى بيمشى علية الترام اللى بستخدمة وفعلا اتذكر انى وصلت لبيتى فى هذا اليوم فى حوالى 3 ساعات وهو المشوار يعمل 20 دقيقة وركنت السيارة وطلعت بيتى واخبرت زوجتى انى عندى سيارة طبعا فى البداية اعتقدت انى بهزر ولكن عندما طلبت منها تنظر لها من النافذة تأكدت انى لا اهزر وكان هذا الحوار هى- دية جبتها منين السيارة دية انا- اشترتها من صاحبى -مانى الاسكندرانى- هى -ايوة لية يعنى اشترتها انت عندك رخصة؟ انا -متهكما طبعا عندى رخصة وهممت واخرجتها لها هى- تصفحتها بقرف على تعجب وسألتنى ماهذة؟ انا- دية رخصة احضرتها من مصر تسمح لى بالقيادة هنا هى - انت متأكد؟ انا- طبعا انا سألت كتير اصدقاء واخرهم مانى الاسكندرانى هى- طيب اتصلت بالتأمين؟ أنا- تأمين اية سيادتك؟ هى- اى حد هنا بيشترى عربية لازم يأمن عليها فى خلال 24 ساعة على شرط لا يقود السيارة خلال ال24 ساعة!!! أنا-طيب مش مشكلة قوليلى نأمن ازاى وانا اعملة؟ هى - بالفعل اتصلت بشركة تأمين وتلتها بشركات اخرى كثيرة وردهم كان واضح ومفهوم انهم لا يأمنوا على الرخص الدولية انا - العربية ح اسوقها يعنى ح اسوقها وبلاش تعقديها هى - براحتك --ولو حصلك مشاكل مش ح اساعدك انا - طز مش مهم تانى يوم الصبح وبالتحديد الساعة 9 ونصف صباحا لقيت زوجتى بتصحينى اصحى البوليس كلبش العربية-اعوذ بالله من غضب الله -هو انا لسة لحقت-ماعلينا - قمت اجرى اشوف فى اية-لقيت كلبش وورقة ملزوقة على زجاج السيارة الارقام اللى مفروض اتصل بيها علشان يساعدونى فى فك الكلبش ودفع الغرامة على غيار الريق 125 جيلدر لانى ومن اجل ان اركن فى الشارع لابد ان يكون عندى تصريح مدفوع الاجر ومحدد المدة-ياليلة مش فايتة_اية دة كلة هو انا ح اركب دبابة -هو ياربى ولا العجلة ماشية ولا العربية ماشية بصراحة وقتها زوجتى اعلنت انها ح تساعدنى وبالفعل ذهبت معى لشركة تامين وعملت التامين بعدها ذهبنا الى البلدية واستخرجنا تصريح للباركينج-وبقى كلة تمام ومن حقى اسوق زي مانا عاوز تانى يوم اتصل بي صاحبى مانى الاسكندرانى يطمن علية وقلت لة انى مظبط كل حاجة وعملت تامين وكلة تمام وفوجئت بة يسألنى على ورقة مخالصة السيارة ولم اكن اعرف انها مهمه بالنسبة لة وايضا بالنسبة لي لان بها او منذ استخراجها تتحول ضرائب السيارة مباشرا على حسابى انا وعلية عرفت كيف تدفع الضريبة على السيارة وهى بشكل سنوى او نصف سنوى او ربع سنوى او شهرى ولكن المحصلة واحدة على ان يكون الحد الاقصى سنة واحدة وعهليها يتم التجديد للسيارة كصيانة ولوازمها-وكانت معرفة مفيدة ومكلفة بالطبع وقبلت بها واصبح كل شىء على مايرام وتعلمت الكثير من الطرق ومن القوانين وهى لمن يجيد اللغة امر يقدر علية الانسان العادى- مش كيمياء يعنى-فقط على قائد السيارة ان يلتزم ومرت قرابة 4 شهور ولم تقابلنى اى دورية شرطة منما زادنى ثقة.... وفى ليلة كحلاء اتصل بى احد الاصدقاء فى يوم اجازتى وعرض علي ان نتقابل ونذهب لمقهى المصريين ووافقت وانا سعيد ح اروح اقابل صديقى عماد الفيومى وانا راكب سيارتى وبعد كدة اخذة اوصلة لبيتة وابقى عملت معاة واجب والواجب يتضاعف لو انا اللى دفعت الحساب فى المقهى المهم -ذهبت وقابلت عماد صاحبى الفيومى وتقابلنا مع ثلاث اصدقاء اخرين فى المقهى وكان اقتراح احدهم اية رايكم يا جماعة نخرج بسيارة جنيدى -نتفرج على البلد!! طبعا انا جاتلى زغطة --معقولة ح اعمل واجب مع كل دول--والله اهى فرصة كويسة اوطد علاقتى مع الناس يالا بينا --يالا بينا هوبا قعدنا فى السيارة احنا ال5 وتحركنا وطبعا الحلو الى عاوز يتفرج على البلد هو اقدم واحد فينا وبالطبع هو اللى حافظ الطرق اللى ح نمشى منها وعلية عمل فيها ابو العريف وشمال فى يمين فى يمين فى يمين فى شمال لقيت سيارات البوليس بتحاوطنى من كل مكان............... يتبع <!-- / message --><!-- sig --> 
|
|
#7
10-02-2010, 10:38 PM
|
||||
|
||||
|
رد: ذكرياتى مع السيارات فى هولندا
حمد الله علي سلامتك يا استاذ جنيدي
ايه الغيبه الطويله دي منتظرين الباقي علي احر من الجمر 
__________________
حـازم خـضـر
|
|
#8
11-02-2010, 11:32 AM
|
||||
|
||||
|
رد: ذكرياتى مع السيارات فى هولندا
طبعا انا اتسمرت مكانى لا قادر اتحرك ولا قادر ابص يمين او شمال وكل اللى معايا فى السيارة سمع هس ولا كلمة بعد ماكنا بنضحك ونهزر ... ابو العريف اللى كان معانا قاللى خلليك قاعد مكانك اوعى تنزل -همه ح ييجوا لغاية عندك !! سألتة - انت متأكد ولا اية بالظبط قاللى -طبعا هو احنا فى مصر ح تنزل تتحايل على الظابط هنا فى نظام. وبالفعل بعد لحظات مرت كالدهر جاء احد ظباط الشرطة وبكل ذوق وادب -كان هذا الحوار الظابط-مساء الخير وهو مبتسما انا -اهلا مساء الخير وحاولت ان ابتسم الظابط- انت بوليس انا -لا الظابط-انت سائق ترام انا-لا الظابط-انت مطافى او اسعاف انا -لا (زادت حيرتى) الظابط- انت سائق تاكسى محترف انا - لا اكيد لا انا معايا سيارة عادية الظابط- طالما معاك سيارة عادية ولا هى بوليس ولا اسعاف ولا مطافى ولا تاكسى ولا انت سائق ترام لية ماشى على طريق الترام-هذا الطريق مخصص فقط لمن ذكرتهم لك انا- وشى جاب 100 لون ونفسى انظر للخلف وعينى تيجى فى عين ابو العريف اللى حطنى فى الموقف دة وعاجلنى الظابط مطالبا بالرخصة وجميع اوراق السيارة-بالفعل اعطيت لة كل ما املك من اوراق وطلب منى ان اقف فى جانب الطريق-وقد حدث واخد هو يتصفح الورق ويكشف علية وانا ابحث عن صديقى ابو العريف ولم اجدة اختفى اختفاء تام-سألت علية بقية الاصدقاء وكان جوابهم انه فتح الباب وفلسع لانة خايف من عباس!! عباس مين ياجدعان؟ عباس دة الاسم الحركى للبوليس هنا وصاحبنا دة هرب لانة خايف يسألوة عن الاقامة وهو وجودة غير شرعى وبالتالى لو مسكوة ح يرحلوة على مصر... الله الله -الموضوع كبر طيب وانتم ظروفكم اية كان جوابهم انهم تمام ومش ح يسيبونى الا لما يشوفوا البوليس ح يعمل اية. رجالة بصراحة... لكن كان نفسى اشوف ابن الأرندلى اللى دبسنى وخلع وهو الوحيد اللى ماعندوش اقامة ومايعرفش حاجة -- رجع ظابط الشرطة وابتسامتة تملاء وجهه-وقاللى انت عندك مشكلة هذة الرخصة غير صالحة هنا والسبب انك تحمل اقامة ومر عليها اكثر من عام وعليه لابد من حصولك على رخصة قيادة هولندية -هذة النوعية من الرخص تصلح فقط لمن وجودة هنا مؤقت وغير مقيم بصفة دائمة-- انا- طيب والحل اعمل اية؟ الظابط- انت تحصلنى بسيارتك على قسم البوليس!!!! وبالفعل بعد ان انصرفت جميع سيارات البوليس التى كانت تحاوطنى ولم يتبقى الى السيارة التى سوف اتبعها--- وفضلت ماشى وراها لغاية قسم البوليس ركنت ودخلت مع الظابط وتركت اصدقائى فى السيارة وكانت مفاجأة ان يقوم الظابط بسؤالى -تحب تشرب اية؟ المفاجأة لجمتنى وشكرتة وقلت لة انى مستعجل وعندى شغل . قاللى انت لازم تدفع مخالفة قيمتها 400 جيلدر (( يالهوى يامة ) 400 جيلدر لية دية السيارة كلها ب 300 جيلدر وبالتقسيط-قاللى الغرامة لانك لا تملك رخصة غير صالحة وقد تغاضينا عن غرامة السير فى طريق مخالف لاننا تأكدنا انك لا تعرف تمام هى خربت كدة يعنى مافيش مجال للمقاوحة الناس عملت واجب من عندها وانا طبعا باللغة اللى بتكلمها الضعيفة جدا مش حمل حوارات لكنى سألت الظابط - يعنى مافيش حل اخر لانى ماقدرش ادفع المبلغ دة كتير جدا!! قاللى بالظبط فى حل تانى....هيييييييييييييية فرحت .. اللحقنى بية ربنا يسترك مسك الرخصة الدولية وكان مايزال محتفظ بها ومعها وصل الغرامة وقاللى شوف ممكن نقطع الاتنين مع بعض مقابل ان لا تقود هذة السيارة مرة اخرى ولابد ان تحصل على رخصة هولندية-والان تأخذ هذة السيارة وتذهب الى بيتك وممنوع منعا باتا ان تقودها مرة اخرى بدون رخصة- قلت لة انا موافق-يعنى امشى؟ قاللى ح تمشى لكن فى زميل لية بموتوسيكل ح يروح معاك ويطمن انك وصلت الى بيتك بدون مشاكل--زادت فرحتى ح امشى فى موكب ولو بموتوسيكل واحد والمشكلة اتحلت ومافيش داعى اعمل مصيبة جديدة واخويا يعرف ويعيش دور عم الواصي خرجت فرحا ومشتاق اشوف اصحابى علشان احكي لهم ازاى توصلت لحل مع ظابط الشرطة وازاى ان لغتى ساعدتنى  وعرفت اقنعهم بوجهه نظر والمفاجأة انى خرجت مالقتش ولا واحد من اصحابى-  -كلهم باعونى وطاروا-وتحية لقلة الاصل -ركبت سيارتى والموتوسيكل امامى لغاية ماوصلت الشارع اللى ساكن فية وبتمنى ان مافيش حد يشوفنى من الجيران- اصلا السيارة كانت ملفتة للانتباة لانها احقر سيارة راكنة ف الشارع-وصلنا وركنت - وكلمنى الظابط المساعد وقاللى -احذر من القيادة بدون رخصة -لكنة قاللى شىء اخر اعجبنى فعلاقال لي -انة امر ليس من الصعب ان تحصل على رخصة هولندية وانا ارى انك تقود السيارة بطريقة جيدة-بصراحة كلمتين حلويين نسونى قلة اصل اصحابى ونستنى ابو العريف-وقدر الله وماشاء فعل- صعدت لمنزلى وسبحان الله اول سؤال اتواجهت بية هو البوليس كان معاك لية -انت عملت حاجة بالسيارة؟ انا مش قلت لك السيارة دية ح تسبب لنا مشاكل !! هسسسسسسسسسسسس هسسسسسسسسسسسسسس مش عاوز كلام كتير خلاص انا قررت ابيعها لغاية ما يبقى عندى رخصة هولندية ((قال يعنى قرار خدتة بمزاجى)) اتصلت بالمانى صاحبى الاسكندرانى وحكيت لة اللى حصل وعرضت علية ارجع له السيارة ولكن كان هذا مستحيل لانة يملك سيارة اخرى ومن الصعب ان يكون هناك سيارتان بأسمة لان هذا يعمل لة مشاكل مع الضرائب-طيب والحل نكتب ورقة ونعلقها على السيارة ونسأل كل الاصدقاء اللى نعرفهم واللى بنقابلهم فى صلاة الجمعة-- مر 4 ايام وانا مللتزم والسيارة مركونة تحت البيت منتظرة عدلها....  وانا غير مهتم وكنت اذهب لعملى سيرا على الاقدام وفى اليوم الخامس لعب الشيطان لعبتة وقلت ادور السيارة علشان البطارية ماتنمش( اهى حجة والسلام) وبالفعل دورت السيارة وفجأة لقيت دخان كثيف منبعث من الموتور واصوات غريبة وشرارات لقيت نفسى طلعت اجرى بعيد عن السيارة قلت دية ح تنفجر فى اى لحظة واستمر هذا الوضع طيلة 10 دقائق كانت كفيلة ان تعبىء الشارع بل والمنطقة بدخان اسود وكثيف-ولم يوقظنى من حالة الذهول التى اصابتنى الا صوت سيارات الاسعاف والمطافى والتى بدت لي انها بعيدة ولكن واثق ان الصوت يقترب اكثر فاكثر وبينى وبين نفسى اتمنى بل وادعوا انهم يكونوا رايحين لحد تانى مش علشانى انا--طبعا ناس كتير اتلمت لكن عن بعد وانا كنت اقرب واحد للسيارة وبصراحة نظراتهم لي كانت تحمل الكثير من الغيظ على الشماتة كل هذا وصوت سرينة الاسعاف يقترب حتى فوجئت بسيارة اسعاف وسيارة بوليس وسيارة مطافى تقف امام السيارة وانا لا حول لي ولا قوة....... يتبع <!-- / message --><!-- sig -->
|
|
#9
11-02-2010, 03:46 PM
|
||||
|
||||
|
رد: ذكرياتى مع السيارات فى هولندا
انا بقرا موضوع ومخى بيقارن بين اللى انته بتحكيه واللى بنشوفه هنا فى مصر وعمال اضحك
والى يشوف حزام الامان يسلملى عليه والرخصه اللى بتطلع ب20 جنيه
|
|
#10
11-02-2010, 11:45 PM
|
||||
|
||||
|
رد: ذكرياتى مع السيارات فى هولندا
أخذت نفس عميق وحاولت ان ابدل ملامح الذهول بأخرى تكون اكثر تأثرا واعتقد انى نجحت خاصا بعد ان وجدت اخصائى الاسعاف هو من يتقدم نحوي وسألنى اذا كان كل شىء على مايرام وكان جوابى !! لا اعتقد ذلك فأنا مضطرب جدا جدا وحتى الان لا اعرف ماذا حدث ...فى هذا الوقت كان فى تقريبا 8 اشخاص مابين رجال مطافى ورجال شرطة داخل وخارج السيارة وفتحوا كبوت العربية ووقتها طلبوا منى ان اشاركهم التفحص وحقيقى فوجئت ان كل الاسلاك الى فى السيارة محروقة -كلها - وهذا لم يكن يشغلنى كل ماكان يشغلنى انى اريد ان ينصرف هؤلاء الناس وييجى حد يفهمنى بالراحة هو فى اية !! كل دة علشان حبيت اركب سيارة هنا طيب مانا كنت راضة بالعجلة وبرضة مانفعش -  لا حول ولا قوة الا بالله- طبعا انا منتظر الكارثة اللى جاية بعد ما يطلبوا منى اوراق السيارة ولكن المفاجأة انهم لم يطلبوها ولكنهم طلبوا تحقيق شخصيتى فقط واوراق تأمين السيارة واللى عرفتة بعد كدة انهم لم يطلبوا رخصة السيارة لانها كانت واقفة ولم ترتكب اى مخالفة واوراق التأمين طلبوها علشان التأمين لازم يصلح العربية على حسابة!! طبعا دية معلومة بسطتنى جدا--اتفض المولد واتشهرت شهرة مش ولابد فى المنطقة-لكن كانت كفاية انى اتعرف. جريت واتصلت بصاحبى ماني الاسكندرانى وحكيت لة اللى حصل... قاللى ولا يهمك--اتصل انت بس بالتأمين وبلغهم وسيبلى انا الباقى... وفعلا اتصلت بالتأمين والماني صاحبى الاسكندرانى بعتلى ميكانيكى مصري اسمة-نبيل - من الزقازيق رجل طيب جدا قابلتة وكشف على السيارة وبلغنى ان الكهرباء كلها اتحرقت بالاسلاك بكل شىء ولن تصلح مرة اخر الله والحل ياعم نبيل قاللى مافيش غير مقبرة السيارات تتصل بيهم ييجوا ياخدوها ويقدروها وممكن تاخد فيها 100 جيلدر ولا خمسين حسب ما يقدروها--يعنى مافيش امل ياعم نبيل قاللى التصليح ممكن يكلفك اكثر من الف جيلدر--طبعا كشرت وزعلت ورميت توكالى على الله-وتوجهت لاخى وحكيت لة طبعا كان ردة اشبه بنظرات الناس اللى كانت بتتفرج علية والعربية مدخنة  ذهبت الى الماني صاحبى الاسكندرانى وحكيت لة الحكاية بالتفصيل وكلام نبيل وخلافة وقاللى ولا يهمك شوف انت بس التأمين ح يعمل معاك اية-تانى يوم جاء خبير من التأمين كشف على السيارة وكتب ملاحظاتة وانصرف وقاللى تقدر توديها المقبرة لانها مش نافعة تانى-وفعلا- جاء الونش الخاص بالمقبرة واخذوها ودفعوا لي 100 جيلدر والسبب انهم جايين من طرف الماني صاحبى الاسكندرانى لكن فى الحقيقة هى ماكنتش تستاهل اكتر من 10 جيلدر خاصا بعد ما اخذت الكاسيت معايا--ومرة اخرى اصبحت بلا سيارة ولا عجلة وصرفت نظر تماما على قيادة السيارات هنا--ومر تقريبا اسبوعين--وفوجئت بمكالمة تليفونية من شركة التأمين تطلب منى رقم حساب البنك الخاص بي!!ايوة اية المناسبة ؟؟ كان ردهم انهم يوجد عندهم رقم الحساب الخاص بزوجتى فقط وعندما ارادوا ان يرسلوا لى المبلغ الذى قدرة الخبير ارادوا ان يسألونى اولا ؟؟ هل يوجد عندك رقم حساب خاص بيك ان تفضل ان نرسل المبلغ على حساب زوجتك طبعا انا مصدوم وفرحان وخايف مصدوم لانى اللى شفتة كفاية واصبحت لا اثق فى اى شىء وفرحان لان ح يجيلى فلوس بسبب السيارة وخايف اكون فاهم كلامهم غلط--وعلية اعطيت زوجتى التليفون وكلمتهم ومع كل ابتسامة منها اعرف انى فهمت صح وبعد ماخلصت المكالمة سألتنى لو معاك الف جيلدر ح تعمل بيهم اية؟ قلت لها ح اكمل عليهم وانزل مصر اجازة!!! قالت لي يعنى مش ح تفكر تشترى سيارة جديدة .. قلت لها -لا لا لا والف لا خلاص مافيش سيارات تانى--وبالفعل تحققت المفاجأة المذهلة وارسلت لى شركة التأمين مبلغ الف جيلدر وهو المبلغ الذى قدرة الخبير كسعر للسيارة فى ذاك الوقت-- الحمدلل- يضاف اليها ال100 جيلدر من المقبرة يبقى 1100 جيلدر من عند ربنا وانا مش مصدق نفسى--وجري على المانى صاحبى الاسكندرانى حكيت لة كل حاجة بما فيها انى فى خلال ايام نازل مصر اجازة- وهممت اعطية ال300 جيلدر ثمن السيارة--ولكنة رفض وقاللى خلليهم معاك -انا لي عندك طلب وانت نازل مصر تاخدلى شنطة معاك توديها الاسكندرية-الشنطة فيها 20 كيلو وتكلفة الوزن 300 جيلدر تدفعهم ونبقى خالصين وبالفعل هذا ماحدث بالظبط.... ونزلت مصر اجازة ومكثت تقريبا 6 اسابيع كنت وقتها استخدم سيارة والدى..وطبعا كانت معايا رخصة مصرية طلعتها وانا فى هولندا هى والدولية وكلفونى وقتها 400 جنية وعلية كنت ماشى وانا مطمن لكن مافيش فايدة الشيطان لعب فى دماغى تانى وروحت رايح مطلع رخصة دولية جديدة وسافرت بعدها ورجعت الى امستردام مرة اخرى. ولا اخفى عليكم ان شغفى بالسيارات كان يزداد يوما بعد يوم خاصا عندما تركت العمل فى امستردام وذهبت الى مدينة- ارنهيم- والتى تبعد حوالى 110 كم عن امستردام-وكنت استخدم القطار فى التنقل.. حتى جاء اليوم الذى وجدت فية سيارة رينو 19 فى الباركينج بجانب عملى ومكتوب عليها 2000 جيلدر-وكانت سيارة تحفة رائعة اتصلت بصديقى وزميلى فى العمل-طارق- وهو ايضا اسكندرانى واصلا اصلا من السويس- وعندة خبرة فى السيارات حسب ماعرفت منة!!  وبالفعل جاء -طارق- وشاف معايا السيارة واخذنا رقم التليفون واتصلنا بصاحبها وحددنا معاة ميعاد تانى يوم -وتم الكشف على السيارة بمعرفة - طارق- وطلبت منة انة ياخدها لفة كدة علشان يجرب السرعات كلها ويشوف سواقتها عاملة اية لكنة فاجأنى انة
مافيش عندة رخصة هولندية ويخاف البوليس يوقفة .......يتبع التعديل الأخير تم بواسطة m.genedy ; 11-02-2010 الساعة 11:50 PM
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| احدث جهاز لكشف اعطال جميع انواع السيارات launch pro3 | شركة الجراج | مراكز الصيانة | 0 | 18-11-2014 03:32 PM |
