مالك جديد للجميلة فيلوستر

[محمد فيصل]

المشاركة الأصلية كتبت بواسطة 3bd0 بسم الله الرحمن الرحيم بفضل من الله ونعمة، الحمدلله انضمت لعائلتنا الصغيرة اول عربية كورية، واللي هيا في رأيي الشخصي اجملهم على الإطلاق 2013 Hyundai Veloster - Red لسة مستلمينها النهاردة من الوكالة، والحمدلله دخلت قلب كل افراد العائلة واحد ورا التاني دول صورتين كدا على السريع للعربية في اول يوم ليها معانا ودي صورة تانية بس بعد التعديل فيها شوية شوية معلومات سريعة: العربية بتزل هنا اوبشن واحد بس، اعتقد اللي هوا الميد اوبشن والله اعلم مش متأكد اوي عليها ضمان مدى الحياه عليها 3 سنين خدمة roadside assistance تشمل حتى حالات انتهاء البنزين عليك عملولنا حماية ضد الصدأ صيانتها كل 5000 هتكلف في حدود 300 جنيه، والصيانات الكبيرة ممكن توصل 900 او 1000 بالكتير مبدأيا كده انطباعي عن العربية في أول يوم: - مقدرش احدد حاجة معينة في العربية ولكنها بشكل عام بتديك احساس رهيب بالفخامة اول ما تقعد فيها، احب اقول اني محستش بالاحساس ده لما عملت تجربة السياقة قبل ما نشتري العربية - طبعا العربية فيها كل الكماليات اللي ممكن تتخيلها، ما عدا خرائط الملاحة. دي حاجة مش فارقة معانا اوي عشان اسخدامها هايبقى داخل البلد هنا بس اللي احنا حافظنها زي اسامينا. بس اللي مميز جدا جدا فيها (ومعرفش مدى انتشار الموضوع ده في العربيات التانية) انها لما بتتوصل بالبلوتوث مع التلفون، اي حاجة تشتغل على التلفون تشغل على سماعات العربية، مش بس المكالمات. - النظام الصوتي بتاعها رهييييب رهيييب بكل معنى الكلمة، يتلخص في كلمتين، فرح متنقل. كسلبيات مفيش كتير، او بمعنى اصح انا كنت متوقعهم من ساعة التيست درايف: - العربية واخدة الطابع الرياضي، واطية على الارض، ناشفة على المطبات. ولكن اعتقد مع التعود مش هاتبقى مشكلة خالص - الماتور في عربيتنا مقدرش احكم عليه لسة في اول 1000 كم، بس في التيست درايف كان واضح جدا اللي الناس بتتكلم عليه في النت انو قليل على العربية، وانو العربية بتديك احساس والماتور لما تشد عليه بيموتلك الاحساس ده خالص. بس احب برضو اقول انو صوتو وانتا واقف واطي بطريقة مش طبيعية، ولا وانتا جوه العربية سامعو ولا وانتا بره العربية سامعو - لو عاوز تركب 5 فيها لازم تجيب مخدة للي هايعد في الوسط طبعا انا شايف ان القسم هنا نايم شوية، وده يمكن بسبب انتشار العربية الضعيف. بس أنا متأكد ان في ناس كتير على الاقل بتدور على معلومات عن العربية دي، فقولت اخلي الموضوع ده مفتوح لأي حد عاوز اي اجابة تكون من المالك مباشرةً. فأي سؤال انا تحت امركم وهرد عليكم في أقرب وقت ممكن ان شاء الله. وألف شكر على قرايتكم للموضوع سبحان ربك رب العزة عما يصفون وسلام على المرسلين والحمدلله رب العالمين

10000000000000 مبروك
حفظك الرحمن من كل نظرة حسد او حقد
يسرالله لك كل الطرق وهون عليك بعد المسافات

[eng/walaaeldeen]

السلام عليكم
ربنا يطعمك خيرها ويكفيك شرها
والله المستعان

[3bd0]

المشاركة الأصلية كتبت بواسطة sherifabden الف مبروك ياباشا على العربية

الله يبارك فيك
تسلم على المرور

المشاركة الأصلية كتبت بواسطة aboatif الف مبروووووووك بس عايز اسأل هي نازله بزنون ولا لأ؟؟؟

الله يبارك فيك
لا والله مش نازلة بزنون، بس بيني وبينك الليدات اللي فيها مديلها شكل يغنيك عن الزنون.
لما بتشغل الفوجات بس بتشوف نورها على الارض ومبتحسش نفسك محتاج نور اكتر، لما بتشغل النور العادي بتحس انك كاشف الطريق كله وبيبقى زيادة عن حاجتك
وطبعا العالي فيها ببساطة بيقلبلك الدنيا ظهر

المشاركة الأصلية كتبت بواسطة Mostafa Mohamed Abd Allah الف مبروك ربنا يديك خيرها و يكفيك شرها

الله يبارك فيك
امين يا رب العالمين
الف شكر على المرور

المشاركة الأصلية كتبت بواسطة محمد فيصل 10000000000000 مبروك حفظك الرحمن من كل نظرة حسد او حقد يسرالله لك كل الطرق وهون عليك بعد المسافات

الله يبارك في حياتك
جزاك الله خير على الدعوات الجميلة دي

المشاركة الأصلية كتبت بواسطة eng/walaaeldeen السلام عليكم ربنا يطعمك خيرها ويكفيك شرها والله المستعان

وعليكم السلام ورحمة الله وبركاته
امين، وجزاك الله خيرا على الدعوات وعلى المرور

[3bd0]

تحديث

العربية بتشيل حوالي 45 او 50 لتر بنزين (95). فولت اخر مرة 40 ليتر اول ما ظهر نور التحذير بتاع البنزين
بيمشوك حوالي 700 كيلو
على حسب كمبيوتر العربية، معدل الاستهلاك حوالي 8 لتر في كل 100 كيلو. بما يساوي حوالي 35 ميل في كل جالون، او 250 كيلو في الصفيحة

طبعا مع الاخذ بالاعتبار ان العربية لسة في اول الف كيلو والمشي بيها كان بالهداوة خالص والسرعة مبتعديش 80

[3bd0]

تحديث

العربية لسة عاملة انهاردة صيانة ال 10.000 كيلو، كلفت حوالي 450 جنيه مصري
لا مشاكل تذكر حتى الان الحمدلله

استهلاك البنزين طبعا بيفرق على حسب مين اللي سايق العربية + درجة حرارة الجو (عشان التكييف)
بس بشكل عام بتدينا من 550 - 600 كيلو كمتوسط في كل تفويلة (50 لتر)