صوت الموتور عالي وفيه رجة فالعربية - اشتري ولا لأ

[osa92003]

ماناخدش العربيه مافيش حاجه اسمها الصوت هيهدى بعد التليين بس تصيحه سيبك من اللوجان ده موتور واحد كامه 8 صباب تكنولوجيا قديمه صوت عالى للموتور ومافيش حل

[akerima]

المشاركة الأصلية كتبت بواسطة osa92003 ماناخدش العربيه مافيش حاجه اسمها الصوت هيهدى بعد التليين بس تصيحه سيبك من اللوجان ده موتور واحد كامه 8 صباب تكنولوجيا قديمه صوت عالى للموتور ومافيش حل

يا ريت بلاش فتي من غير تجربة - صوت الماتور بيختلف تماما بعد التللين فعلا الصوت فعلا بيبقي جرش وخشن اول ما بتجيب العربية ومن بعد اول 5000 الصوت بيخف تدريجيا لغاية ما توصل تقريبا لل 15000 الصوت بيبقي عادي جدا زي اي عربية انا كان معايا لانسر بومة 2007 والله صوت ماتورها كان اعلي من اللوجان - وبعدين مش معني ان الماتور 8 صباب انة تكنولوجيا قديمة بلاش ترديد للكلام بدون فهم ال 16 صباب لية مميزات وال 8 لية مميزات وممكن تقرا مميزات وعيوب كل واحد فيهم علي المنتدي لكن تقدر مثلا تقولي ماتور الفيرنا ال 16 صباب متصنع في العربية من سنة كام يعني التكنولوجيا اللي في الفيرنا كانت من سنة كام

وبالنسبة لصاحب الموضوع حضرتك اول ما حتستلم العربية حتلاقي في زنة في دواسة البنزين لو انت حساسية ايدك زيادة شوية ممكن تحس بيها فعلا في الدريكسيون وكل الكلام دا زي ما قلت لحضرتك حيروح مع الوقت واول صيانة ليك بعد 5000 مش 1000 واطمن جدا العربية ممتازة ومفيهاش اي عيب لا صناعة ولا تقفيل العربية معايا من 2010 يعني قربت علي السنتين والله ولله الحمد مفيهاش اي مشكلة ومابتكلفش اكتر من الصيانات اللي بفلوس لان صيانات ال 5000 ومضاعفاتها مجانية والتوكيل فوق الممتاز ومحترم للغاية وربنا يباركلك فيها ويكفيك شرها

[gamalsaeed]

يا جماعة انا حاجز البلاك لاين 2012 فى التوكيل ( الشركة المصرية العالمية ) فرع الداون فى اسكندرية من 17/9/2011 وكان معادى استلمها بعد شهر يعنى فى 17/10 ولكن مشرف المبيعات اقسم لى ان الشحنة لم تصل هذا الشهروانها سوف تصل من 15-30 نوفمبرالحالى وانا باستغرب الناس اللى استلمت فى شهر اكتوبر ازاى ارجو الافادة اذا كان حد عنده فكره

[akerima]

المشاركة الأصلية كتبت بواسطة gamalsaeed يا جماعة انا حاجز البلاك لاين 2012 فى التوكيل ( الشركة المصرية العالمية ) فرع الداون فى اسكندرية من 17/9/2011 وكان معادى استلمها بعد شهر يعنى فى 17/10 ولكن مشرف المبيعات اقسم لى ان الشحنة لم تصل هذا الشهروانها سوف تصل من 15-30 نوفمبرالحالى وانا باستغرب الناس اللى استلمت فى شهر اكتوبر ازاى ارجو الافادة اذا كان حد عنده فكره

اللي بيستلم دلوقت بيستلم من معارض مش من التوكيل - معرض الطارق بيسلم فوري او بعد يومين تلاتة ولو اللون اللي انت طالبة مش موجود بتاخد من اسبوع ل 10 ايام

[غريبو99]

الأخ الكريم
اللوجان عموما صوتها عالى ومن العربيات الخشنة تسمع صةت الموتور وانت واقف بالعربية او فاتح الكبوت
انما لما تمشى بيها على طريق سريع او جوة البلد فى طريق مفتوح متسمعش صوت
ودة طبيعى فى اللوجان خشنة
متقلقش خالص

ولو فى رعشة فى الدركسيون قلهم فى التوكيل عندى رعشة فى الدركسيون لأن الطبيعى بتاعها خشونة الموتور ملوش علاقة برعشة الدركسيون خالص

وشكرا