|
#1
01-08-2009, 02:06 AM
|
||||
|
||||
مقابله النهاردة السريعه 30-07-2009
السلام عليكم ورحمه الله وبركاته
بما انى كنت اول مرة احضر مقابله لمصر موتورز اتحكم عليه انى انا اللى اكتب الموضوع بتاع المقابله<<< الا ايه عشان انا اسلوبى حلو فى الكتابه  المهم ندخل فى المقابله تمت الاتصالات مع ابو نورا على ان تم تغير الوجهه من الربوة الى كافيه فى ميدان الحجاز بس الناس هتتجمع هناك وتروح على الكافيه دة المهم انا لبست ونزلت وروحت ميدان الحجاز وطبعا انا معرفش دة بيتراح ازاى ودوخت عقبال ما روحته بعد ما وصلت هناك استنيت شويه وابو نورا قال انه هيتاخر شويه عشان المطبعه فجه اسلام ( بوب الجامد) ومحمد ابيزا بعربه ابيزا عشان يودونى الكافيه وبعد ما وصلنا شوفت عربيه استاذ فادى وهى شاهين وسندنا عليها كمان <<< بلاش ضرب يا استاذ فادى ptmnlo123per154 المهم روحنا وفضلنا وقفين بره الكافيه شويه عشان مستنين استاذ ابو نورا وخرج وقف معانا استاذ فادى وجه استاذ ابو نورا بس لقينه جى بسرعه كدة ويقول هات خمسه جنيه هات خمسه جنيهptmnlo123per182 اتريه كان موقف التاكسى وموش معاه فكه والحمد لله مشى التاكسى على خير ومحسبلوش غرامه تاخيرptmnlo123per1117 وبعدين رجع سلم علينا ودخل سلم على استاذ مينا ولانسر عشان هما كانو قاعدين جوة وبعدين خرجو كلهم بره ووقفنا كلنا بره الكافيه وخدنا الكارنيهات بتاعتنا وبعدين دخلو حسبو فى الكافتريا وسلمنا على بعض ومشينا واللى فضلو مع بعض هما استاذ ابو نورا واستاذ فادى واستاذ مينا ولانسر استيل وبكل زوق واحترام متناهى وصلنى محمد ابيزا وبوب لمكان ما خدونى <<< عشان متهش ptmnlo123per122 انطباعى على الناس كلها : كلهم ناس محترمين جدا جدا وزوق اوى وبالاخص محمد ابيزا <<< تحس انه اخوك كدة وتعرفه قبل كدة وشه مالوف يعنى واسلام >>> شكله طيب اوى ومدرسه واستاذ فى السيارات وبيفهم فيها اوى واستاذ ابو نورا << محترم جدا وزوق وفادى <<< بشوش ولانسر استيل <<< شكله صغير ومحترم وطيوب كدة استاذ مينا<<< بصراحه موش وقفت او اتكلمت معاه عشان احكم عليه قوى يعنى بس هو محترم ملحوظه صغنونه " المقابله اللى انا يدوبك قعدتها لا تتعدى ربع ساعه ptmnlo123per111" معرفش ايه اللى حصل بعد ما مشينا وكملو ولا راحو فين معرفش هما يقلولكم بقى وان شاء الله المقابلات الجايه يكون فيه ناس اكتر ptmnlo123per122 >>>وانا موش هاجى<<<< 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله التعديل الأخير تم بواسطة AbOnOrA ; 01-08-2009 الساعة 03:48 PM 
|
|
#2
01-08-2009, 02:29 AM
|
|||
|
|||
|
رد: مقابله النهاردة السريعه ^_^
كان عندنا حق اننا نخليكي تكتبيه :D:D:D
بس والله الكلام ده كتير والله انا معملتش غير الواجب يعني انتي اختنا و لازم نحافظ عليكي  بس احلي حاجة انك شرفتينا و كانت فعلا مقابلة سعيدة و هتيجي يعني هتيجي:P و كويس انك افتكرتي الخمسه جنيه دي ههههههه:D
|
|
#3
01-08-2009, 02:44 AM
|
||||
|
||||
|
رد: مقابله النهاردة السريعه ^_^
موضوع جميل تسلم ايديكى
و ان شاء الله نشوفك فى كل مقابلة و الواحد اتشرف بمعرفة اخت غالية زيك كدة و دول كام صورة كدة اتصورناهم  صورة فادى و بوب داخل الكافية  صورة التحفة الى كانت برة الكافية راكنة كدة فى الشارع ازاى مش عارف Audi R8
__________________
 التعديل الأخير تم بواسطة AbOnOrA ; 01-08-2009 الساعة 01:56 PM
|
|
#4
01-08-2009, 03:13 AM
|
||||
|
||||
|
رد: مقابله النهاردة السريعه ^_^
تسلم ايدك يا فاطومة على التعليق الجميل ده ويارب تكونى استفدتى فى الدقائق القليلة اللى قعدتيها
 مقابلة سريعة ومفاجئة فعلاً اعدها واخرجها الاخ العقيد مساعد ايمن المنتدى: ابيزا باشا مع الاخ اليوزباشى كوبلن ايسر : لانسر ستايل بصراحة الاتنين دول تعبو جداً انهارده فى التنسيق والترتيب للمقابلة والاتصال بالناس ووو بجد تسلمو يا شباب  كان فيه مجموعة اتقابلت من بدرى فى الربوه وهم ابيزا - مينا - لانسر ستايل - فادى - بوب واتفقنا نقرب من مصر الجديدة علشان احمد انور قال جاى وايمن عبد الرازق واحمد كار والعبد لله مع احتمالات شبة مؤكده لظهور فاطومة وعلى مدى ساعتين من الاتصالات والترتيبات وصلت لمكان المقابلة الاستراتيجى الجديد وهو كافى شوب سكوزا المقابل لفندق السلام المكان كان جميل والجو رائع وفيه شوية عربيات تهبل مغرقة المكان ومن بعيد باين ابيزا واسلام وبنوتة صغننة كده شكلها فاطومة  ونظراً لكون شهاب 3 تحت السيطرة العائلية اليومين دول فانا جيت بتاكسى وكان اتفاقى مع الراجل يودينى بسرعة وياخود 15 جنية بدلاً من 10 جنية الطبيعى فى المشوار ده بس الراجل اول ما وصلنا معرفش ليه زمجر وكان عايز ياخود ال 20 جنية كلها وانا مكانش معايا خمسة فكة حالاً افتكرت انى اخدت من حد 5 جنية علشان اديها للراجل بس مش فاكر من مين والله ؟؟ ياريت يا جماعة اللى ليه خمسة جنية يقولى بس اللى يطالب بيها يدينى امارة  المهم حاسبت التاكسى ورجعت سلمت على الشباب وبسرعة بسرعة وزعنا الكارنيهات واتكلمنا شوية عن شغل فاطومة فى الجرافيكس وامكانية مساعدتها فى تصميم وتطوير مجلة المنتدى وبعدين استأذنت وسلمنا عليها وابيزا مشكوراً وصلها لمكان تركب منه  رجعنا تانى للكافى شوب وبعد سلامات وطيبون بدأنا نتفرج على صور معرض اوتوماك الاخير وكانت مجموعات من الصور كاملة التقطها اعضاء المنتدى بجودة عالية اثناء المعرض فقعدنا نتفرج على تفاصيل كل عربية ونتبادل الاراء عنها كاننا فى المعرض مرة تانية وطبعاً كان فيه تعليقات كثيرة عن العربيات اليابانى والاوربى وطبعا طبعاً عن الصينى مما ادى الى فتح حوار مطول مع مينا عن كراهيتة للصينى وحكاياته عن طيران اجزاء السيارات الصينى فى الهواء من جراء المطبات انتهى باتفاق جميع الاطراف على اهمية التفريق بين الصناعات الصينية برعاية وتكنولوجية غربية كسيارات فولكس مثلاً المصنعة فى الصين والسيارات الصينية التصميم والصناعة وان كل تصنيف يجب معالجتة وتحليل الاراء وتقديمها بشكل اكثر دقة وتوثيقاً وتفاعلاً مع الواقع العملى لتحقيق المصلحة للاعضاء وتجعل منا اداة ضغط على التوكيلات اكثر تاثيراً ومصداقية ثم تطرق الحديث عن الإعداد للمقابلة القادمة الجمعة الجاية ان شاء الله وعن الإعدادات الجارية لافتتاح اقسام جديدة فى الموقع واستكمال المجلة الالكترونية الخاصة بنا والتى سيشارك فيها بإذن الله كل من (لانسر ستايل - فادى - سامح رمزى - فاطومة) واثناء المقابلة اتصل بنا كل من احمد كار وكوكى و ايمن عبد الرازق يسلمو علينا ويعتذرو عن الحضور مع التأكيد على حضور المقابلة الرسمية يوم الجمعة الجاية واخيراً قام المهندس فادى بإتحافنا بشرح تفصيلى مصور عن طبيعة عملة فى التنقيب عن البترول وطريقة حفر الابار وانواعها وتقنياتها وحال ومستقبل التنقيب عن البترول فى العالم ومستقبل الذهب الاسود عامة المقابلة كانت جميلة بجد والجو بليل كان رائع والناس كلها كانت وحشانى كان نفسنا نقعد وقت اطول من كده (قومنا الساعة 11 تقريباً) مفاجاة المقابلة الاولى بلا شك اننا اتعرفنا على فاطومة البنت ديه بجد طيبة جداً وتعكس كل صفات البنت المصرية الذكية الإجتماعية الرصينة والمرحة فى نفس الوقت  المفاجئة التانية كانت مجموعة عربيات تجاوزت اسعارها المليار جنية متنطورة حوالين الكام كافى شوب اللى فى المنطقة وكان منهم الرائعة المبهرة اودى R8 بلون اسود ونمر جمرك مميزة جداً والاغرب ان صاحبها كان رميها فى وسط الشارع كده من غير حراسات خاصة او قناصة او الغام او اى شىء تمنع المتطفلين امثالنا من البحلقة فى كل سم فيها لانسر صور شوية صور ليها وابيزا بيقول انة شد مع صاحبها بعربيتة هو اللى بيقول مليش دعوة ptmnlo123per162 بيتهئلى انا طولت اوى اسيب باقى الشباب تكمل واشوفكم باذن الله فى المقابلة الجاية 
|
|
#5
01-08-2009, 04:43 AM
|
|||
|
|||
|
رد: مقابله النهاردة السريعه ^_^
وصف تفصيلي رائع يا وائل:D
بس والله كنت واحشني و خبطتك حضن بس مش شديد اوي تتعوض المرة الجايه بقيptmnlo123per122 والله كانت مقابلة جميلة جدا و سعدت فيها بلقاء كل الناس و ان شاء الله الاسبوع الجاي ابقي موجود و شهاب 3 تبقي موجودة و اكون ظبطت الابيزا عشان نلعب بشهاب 3 كوره شوية علي الطريق ptmnlo123per1116 و الكارنيهات 100 100 يا وائل عجبت الناس هناptmnlo123per154
|
 |
|
|
