بالفيديو : متظاهرين يرسمون صوره لخالد سعيد على مبنى وزارة الداخليه

[akerima]

المشاركة الأصلية كتبت بواسطة mmffor مبتتكلموش ليه عن اسلام بكير شاب ملتزم - يعمل عمل شريف متزوج و له طفل صغير لما امن الدولة فجر كنيسة الاسكندرية حب يظبط الحبكة راحوا لموا في خلال ايام المئات من الشباب الملتزم و عذبوه بدافع التسلية لانهم عارفين السيناريو بالفعل لكن كانوا بيتسلوا - و النتيجة مقتله على كرسي التعذيب و الطب الشرعي عرفها انها هبوط حاد في الدورة الدموية استغفر الله العظيم استغفر الله العظيم استغفر الله العظيم خالد سعيد و لو كان قاتل مش متعاطي بانجو فقط - حتى لو كان قاتل - اللا انه تمت معاملته معامله غير انسانية و قتل بدون محاكمة عادلة او حكم قضائي و بالتالي من قتلوه يجب محاكمتهم و للاسف بعض الشباب اتخذوه رمزا للتعذيب و انتهاكات الداخلية ليس لشخصه و لكن مجازيا ميتافوريكال يعني

الموضوع مش ان خالد سعيد كويس ولا وحش ولا ان الدخلية ملائكة ولا شياطين الموضوع كلة المقصود منة ان مايصحش ثورة مصر العظيمة يبقي رموزها خالد او غيرة سواء هوا اتظلم او لا حسابة وحساب اللي ظلمة عند ربنا - ومايصحش كمان ان نخرب رموز مصرية ذي وزارة الداخلية لانها في الاخر مصرية وحتفضل مصرية سواء اجادوا او اخطائوا فاجادتهم او خطاهم هو مسؤلية القائمين عليها ودول اللي يجب تقويمهم مش اهانة رمزهم - بالبلدي كده ينفع عشان انا قرفان وزهقان من العيشة في مصر اقف في نص الشارع واحرق العلم المصري؟؟؟؟

وللمرة المليون لا خالد ولا غيرة هم السبب في ثورة مصر السبب في ثورة مصر هو حب الشعب المصري لبلادة ودم شهداء 25 يناير - انا اسف بس دي وجهة نظري

[MmFFoR]

معلش يا اكسلانس - انا مش بدافع عن خالد لانه مات و حسابه عند ربه
و الله انا لا اعرف اذا كان خالد حشاش فعلا و بلع لفافة و اللا انضرب و اتقتل ظلم
لكن اللي انا متأكد منه ان الداخلية حتفضل طول عمرها قذرة
القيادات فاسده
و العناصر الشبابية مغروره و حمقاء
و اذا كان خالد سعيد ده مات بابتلاع لفافة زي ما بيقولوا فهذا لا ينفي ان عشرات الالاف من الشباب الرائع قتل او فقد عقله نتيجة الشرطة المصرية البشعة و ليس امن الدولة فقط ولكن الامن العام اضل و العن
فبدل ما نزعل على صورة اترسمت لشخص يشتبه في مقتله نتيجة التعذيب و تم التستر من قتلته تم رسمها على مبنى الداخلية اتمنى اننا نزعل بجد على اللي بيحصل جوا المبنى ده من تدمير للشخصية المصرية و كرامتها و عزتها و مجدها و شبابها و عرضها
الصورة اللي انطبعت دي تذكير ان هناك لا يزال شباب غاضب من تصرفات جلادين الداخلية و ان عليهم ان يعوا الدرس جيدا

جيورجيا قامت بفصل 18 الف شرطي في يوم واحد
يا جماعة اتقوا الله
عايزين الداخلية تنضف

[momen_bondok]

يا جماعة احنا لية ركزنا على شخص واحد فقط طبعا انا لن أذكر خالد سعيد باى سوء ولكن أود التوضيح

خالد سعيد اتشهر بهذه الصورة لان مقتلة كان على مرءا ومسمع من الناس
فالناس اعتبرت الحكاية دة اهانة للنفس البشرية التى كرمها الله وليس لشخص بعينة لذلك تعاطفو معة

لكن هل خالد سعيد هو اكثر شخص عُذب من أمن الدولة طبعا لالالا
احنا لو شفنا هؤلاء الكلاب الذى عليهم من الله ما يستحقون ماذا فعلو فى المعتقلين خلال السنوات المنصرمة من تعذيب وقتل وكهرباء واغتصاب النساء أمام ازواجهم وفعل اللواط فى الرجال لكان الامر مختلف الان

والله إن العين لتدمع وإن القلب ليحزن وإنا على ما فُعل فى الابرياء لمحزونون ولا نقول إلا ما يرضى ربنا
حسبى الله ونعم الوكيل