مرسى يقرر اعاده مجلس الشعب

[محمد عبد النور]

المشاركة الأصلية كتبت بواسطة محمدصلاح القاضى يا جدعان الحكايه وما فيها ان محمد بيه مرسى بيسدد الفاتوره للاخوان يعنى ايه راجل يقدم ورق ترشيحه قبل ساعه من غلق باب الترشيح لا ودعايه واعلانات ومؤتمرات هنا وهناك ولا وبعد دا كله ينجح ويجوا يطلبوا من حاجه يقولهم لا دا كانوا يقطعوا رقبته قبل ما ينطقها فهو بيعمل ايه دلوقتى بيسدد الدين اللى بأذن واحد احد مصر كلها هتسدد وراه لو وقفت ساكته الراجل دا عامل زى عصام شرف فاكرينه جه من التحرير على مجلس الوزراء وفى الاخر اللى جابوه هما اللى مشوه فاكرين !!!! فالراجل دا هيبقى عامل زى اللعبه فى مسرح العرائس الرجاله هى اللى بتحرك من فوق واحنا ما علينا الا اننا نصفق لا ولازم نصقف جامد ماهو فى الاخر احنا اللى هنلبس فى الحيط

الراجل لف مصر كلها عصام شرف اللى تعبه المطالب الفئوية صح اللى مشوفنهاش مع حكومة الجنزور اطلاقا بس شفنا بعضها مع مرسى

[طارق عبد السلام]

قرار رئيس الجمهوريّة بعودة مجلس الشّعب

[محمد عبد النور]

المشاركة الأصلية كتبت بواسطة sherifabden استاذ طارق لا يجوز الغاء القانون بقرار جمهوري والحكاية بانت من اولها حتى لو مجلس الشعب هيقعد ستين يوم دا مخالف للقانون تماما هوا دا مرسي اللي انتخبتوه افرحوا بيه بقا منه لله هوا والاخوان عمل فيها بتاع ربنا وخدعنا بكام كلمة من عنده منه لله

لايجوز بقرار جمهورى ولكن يجوز بقرار المجلس العسكرى !!!!!!!!!!!!!!

والله الراجل لسه معملش حاجة عشان نحكم عليه بالخداع من عدمه واتمنى انه يصدق فى كلامه لانه فى الصالح العام


عامة المهاترات بدأت بحل مجلس الشعب الغير مقبول اتحكم بعدم دستوريته بالرغم من ان المجلس العسكرى هو اللى عمل قانونه ونزل الاعلان الدستورى اللى ادى لنفسه فيه صلاحيات مفيش حد فى العالم بياخدها

[AbOnOrA]

استهدو بالله يا جماعة خلينا نفهم ابعاد الموضوع كويس

وانتو عارفين موقفى القاطع من الاخوان ومرسى والدنيا ديه كلها فمحدش يقدر يزايد على

انا بس بفكر بالمنطق وبشكل مجرد

اولاً ... معنى سحب قرار العسكرى فى حد ذاتة انتصار ضمنى للثورة وللسلطة المدنية فى مقابل السلطة العسكرية

ثانياً.. فى جميع الاحوال لازم يوضع قانون جديد لمجلس الشعب ينظم انتخاباتة القادمة واكيد كلنا مش عايزين العسكرى ينفرد بوضع القانون ده او اى قوانين تانى

ثالثاً ... الواقع ان مهلة العسكرى للجنة كتابة الدستور انتهت وده هيسمح له بالانفراد بكتابة الدستور واكيد ده مش مقبول برضو فالقرار ده هيقطع السكة عليه وهيدعم التأسيسية لاستكمال عملها (( ده اذا كانت انجزت حاجة اصلاً)))

لكن بسوء الظن ممكن نفكر فى ان

- مرسى بيظبط اصدقائه (الاخوان والنور) وبيمشى كلامهم

- مرسى بيدى اصدقائه فرصة لكتابة قانون مجلس الشعب اللى بيها يضمنو حصولهم على اغلبية تانى فى تشكيل المجلس - وان كنت اشك فى امكانية حصول ده مع الحراك السياسى الحالى وقيام احزاب جديدة اكثر شعبية

- مرسى بيضرب فى السلطة القضائية وبيسنف مكانتها

- مرسى مش قادر يرجع المعتقلين لاهليهم بقرار وراح يرجع البلكيمى واخواتة للمجلس

انا شخصياً مش قادر ارجح كفه على التانية سواء حساب حسن النية او سوء النية بس الوقت والاحداث وحدها هى الكفيلة بترجيح الكفه (الاصدق) والنية الحقيقية من وراء القرار

انا فى الحقيقة مش خايف من سوء نيه الاخوان وصفقاتهم على قد ما انا خايف من استمرار تمزق التيار الثورى المدنى خاصة مع اعلان ( البرادعى وحمدين وابو الفتوح ) انشاء احزاب سياسية

ومتأكد اننا لو فضلنا كده ولو فضلت النخبة تشتت فينا كده هنفضل لعبة بين ايدين النظام والتنظيم

[mhamdy75]

المشاركة الأصلية كتبت بواسطة محمد عبد النور لايجوز بقرار جمهورى ولكن يجوز بقرار المجلس العسكرى !!!!!!!!!!!!!! والله الراجل لسه معملش حاجة عشان نحكم عليه بالخداع من عدمه واتمنى انه يصدق فى كلامه لانه فى الصالح العام عامة المهاترات بدأت بحل مجلس الشعب الغير مقبول اتحكم بعدم دستوريته بالرغم من ان المجلس العسكرى هو اللى عمل قانونه ونزل الاعلان الدستورى اللى ادى لنفسه فيه صلاحيات مفيش حد فى العالم بياخدها

وياجماعة

مش عايزين ندخل فى جدال

ومش هانوصل لحاجة غير المشاكل