اول تقرير لـ بيجو 508 الجديدة حصري لمصر موتورز

[AFTAM]

شكرا على التقرير..... مع انى انا اللى عامله هناك.. ههههههههههههههه

فى حاجات مكتوبة فى باقى صفحات الموضوع عن العيوب اللى حسيتها بعد التجربة ممكن تضيفها عشان الموضوع بيقى Fair

[YahiaAshraf]

المشاركة الأصلية كتبت بواسطة AFTAM شكرا على التقرير..... مع انى انا اللى عامله هناك.. ههههههههههههههه فى حاجات مكتوبة فى باقى صفحات الموضوع عن العيوب اللى حسيتها بعد التجربة ممكن تضيفها عشان الموضوع بيقى Fair

الف شكر ليك يا باشا
و نورت مصر موتورز

و حظى حلو انى قابلت صاحب الموضوع الاصلى


: 01FDAB~189:

[AFTAM]

شكرا يا باشا
انا حظى احسن والله
كل سنة وانت طيب
وانا تحت امرك يا باشا

[YahiaAshraf]

الفارق بين الفئة الهاى لاين وال بيزيك
الهاى تزيد على السابق زينون + فتحة سقف + جنوط 17 بدل 16 + electric hand brake+ start / stop engine keyless entry + dynamic lights

بالنسبة لنقاط الاختلاف فانا هقول وجهة نظرى بردو عشان الناس تستفاد ولوجهة نظرك كل الاحترام بجانب انى مقتنع بكلامك فانا بقارن بالسكودا وانت بتقارن ب5 series وانا جربت الاتنين وعارف الفرق بينهم كويس..

بالنسبة للهوا هو انت بتسمع صوت الهوا وانت قافل الازاز ولا وهو مفتوح سنة (معلش اصل انا مش بسمعه خالص او انا سمعى تقيل ) بس هقوللك على حاجة انا بالنسبالى العزل يكون افضل لو انا مش سامع صوت الموتور او الناس والعربيات حوليا فى اشارة مثلا وانا الحمد لله مش بسمع الموتور ولا الكلاكس اساسا، عموما لما ارجع اجازة هجرب موضوع الهوا دا تانى واركز معاه بس الموتور والكالاكس انا متأكد من انهم مش مسموعين خالص واخيرا لو صوت الهوا بس اللى واضح ممكن تكون كاوتشة الباب عاوزة تتظبط، فى نفس الحوار دا فى الاوكتافيا الA5 والفانتازيا بتتظبط ومافيش هوا بيتسمع خالص من بعدها..

بالنسبة لموضوع الكراسى فهى حجمها فعلا اكبر من الاوكتافيا والباسات وممكن انت تكون حاسس انها ضيقة عشان الاجناب بتاعتها عالية وانت ساقط فى المنتصف بس دا يخليك متثبت فى الكرسى كويس فى الملفات مثلا واعتقد اننا بنقارن بحاجتين مختلفين يعنى انا بقارن باوكتافيا وانت بتقارن اكيد يعربيتك ال525 فاكيد هى افضل من الاوكتافيا فى الوسع واقل من الBMW، كمان انا والدى ما شاء الله طولى وعرضى مرة ونص "ضخم يعنى" وهو معاه فانتازيا وكان عاجبه الوسع اللى هو اكبر من عنده.

واخيرا كلامك عنها فى المشاركة اللى انت كتبتها كان احد الاسباب اللى خلانى اطمنلها لان اللى انت كنت حاسه عيوب فيها كان موجود عندى فى الاوكتافيا اكتر شوية فلو دى العيوب تبقى العربية بالنسبالى مافيهاش عيوب ) ..

وعلى فكرة اللى انا متفق معاك فيه 100% موضوع الاضائة ده هى فعلا كانت محتاجة Projector tn لجمع وتركيز حزمة الضؤ اكتر يعنى ممكن نقول تقييم الاضائة جيد مش ممتاز، بس بالنسبة للزجاج الخلفى فهو اكبر من الاوكتافيا 1.5 مرة لان الاوكتافيا ازازها مايل جدا عن البيجو فالرؤية لا تتعدى 25 سم بالطول حتى المرايات انا كان معايا أفيو ومراياتها نفس حجم البيجو وبالنسبالى طالما بتتلم خلاص (من غير تريقة موقف كوميدى انى تانى يوم ما كنتش عارف بتتلم ازاى فبطلت العربية وقفلتها عشان اعدى واحد)..

للامانة لكل الناس انا نسيت اقول احد العيوب ان العربية مصفحة من الاسفل تصفيح مش كامل يعنى الارض باينة من بعد الموتور ورا واللى تحت الموتور مخرم كدا عكس الاوكتافيا ماكنتش باشوف الارض خالص للامانة ولا مخرم ولا حاجة

منقوووووووووووووول
فيه شوية حاجات كمان
هجيبهالكم بعدين

و شكر خاص لصاحب الموضوع الاصلى

تحياتى

[mostafa mamdouh]

اه ه ه ه ه ه من تقاريرك يا استاذ يحيى
.
.
.
.
برنس .....................طول عمرك برنس